Agenda a Chofnodion

www.abertawe.gov.uk/DatgeliadauBuddiannau

Datgeliadau o fuddiannau - Chris Holley.

Ni wnaethpwyd unrhyw ddatganiadau.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Cytunodd y panel fod nodiadau'r cyfarfod a gynhaliwyd ar 17 Rhagfyr 2019 yn gofnod cywir o'r cyfarfod gyda'r diwygiadau cytunedig i'r ddau bwynt bwled cyntaf ar frig tudalen 2. 

Rhaid i gwestiynau fod yn berthnasol i faterion ar yr agenda ac ymdrinnirâ nhw o fewn cyfnod o 10 munud.

Ni ofynnwyd unrhyw gwestiynau gan aelodau'r cyhoedd.

Mark Child, Aelod y Cabinet dros Ofal, Iechyd a Heneiddio’n Dda

Dave Howes, Cyfarwyddwr y Gwasanaethau Cymdeithasol

Daeth Mark Child, Aelod y Cabinet dros Ofal, Iechyd a Heneiddio'n Dda i roi diweddariad i'r panel ynghylch y cynnydd a wnaed hyd yn hyn wrth gyflwyno ymrwymiadau polisi'r cyngor mewn perthynas â'r Gwasanaethau i Oedolion.

Pwyntiau i'w trafod:

•              Ymrwymiad 104 - gwnaed cynnydd ar hyn. Roedd yn ambr o'r blaen ond mae bellach yn wyrdd. Gofynnod aelod o'r panel am gopi o'r ddogfen gaffael ar gyfer ailgomisiynu gwasanaethau gofal cartref. 

•              Ymrwymiad 57 - Penodwyd pum Cydlynydd Ardal Leol arall ac maent wedi dechrau gweithio. Mae CM yn hyderus y bydd gan bob ardal CALl erbyn 2022. Bydd Pennaeth y Gwasanaeth yn rhannu'r sefyllfa bresennol o ran CALl â'r panel pan fydd wedi derbyn yr wybodaeth. 

•              Ymrwymiad 94 - codwyd pryder ynghylch y ffaith nad yw gwelyau ar gael ar bob adeg pan fydd gofalwyr am gael seibiant nyrsio, ac mae'n cymryd amser hir i dderbyn ymateb i geisiadau am seibiant yn y sector allanol. Hysbyswyd y cynghorwyr fod nifer y gwelyau seibiant sydd ar gael yn brin, ond bod ymgais yn cael ei wneud i gynnwys ymateb yn gyflym i ymholiadau am argaeledd seibiant mewn contractau.

•              Ymrwymiad 83/97 - gofynnodd y panel a oedd pobl mewn tai lloches yn cael yr un mynediad at ofal â phobl sy'n byw yn eu cartrefi eu hunain. Rhoddwyd gwybod nad yw pobl mewn tai lloches yn cael eu trin yn wahanol i bobl sy'n byw yn eu cartrefi eu hunain. Mae'r cyngor yn darparu'r un lefel o ofal i bawb, ni waeth lle maent yn byw. Gofynnodd y panel hefyd a fydd y cyngor yn darparu unrhyw ddatblygiadau gofal ychwanegol neu a fyddai'n dibynnu ar y sector preifat.  Rhoddwyd gwybod nad oes gan y cyngor unrhyw gynlluniau i gynnal unrhyw ddarpariaeth gofal ychwanegol. 

•              Ymrwymiad 83 - cadarnhawyd bod y Strategaeth Gomisiynu'n un ranbarthol, felly mae'n cynnwys CNPT.  Mae Cyngor Abertawe'n gweithio o fewn y strategaeth hon. 

•              Ymrwymiad 102 - gofynnodd y panel ynghylch y dyddiad ar gyfer sefydlu'r siarter.  Nodwyd mai'r bwriad oedd sefydlu ffordd dda o weithio ac y gallai'r cyngor lwyddo i wneud hyn heb gael siarter. 

Camau Gweithredu:

•              Pennaeth Gwasanaeth i e-bostio copi o'r ddogfen gaffael ar gyfer ailgomisiynu gwasanaethau gofal cartref i'r Cyng. Jardine. 

•              Pennaeth Gwasanaeth i hysbysu aelodau'r panel am y sefyllfa bresennol o ran CALl pan fydd yr wybodaeth ar gael.

Dave Howes, Cyfarwyddwr y Gwasanaethau Cymdeithasol

Briffiwyd y panel ar yr adolygiad blynyddol o daliadau gan Dave Howes, Cyfarwyddwr y Gwasanaethau Cymdeithasol.

Pwyntiau i'w trafod:

•              Gofynnod y panel ynghylch y broses i adennill dyledion. Cytunodd y Cyfarwyddwr y byddai'n darparu manylion pellach am y broses, yn enwedig gwybodaeth am y defnydd o feilïaid.

•              Gofynnodd y panel a yw'r geirio ynghylch galwadau wedi'i newid ar gyfer galwadau'r Gwasanaethau Cymdeithasol. Fe'i hysbyswyd y gwnaed cais i newid y geiriad ac yr eir ar drywydd hyn.

•              Pwynt 4.5 - Gofynnodd y panel a yw'r cynnydd mewn taliadau/cyflwyno taliadau wedi cael effaith andwyol ar ddefnydd. Fe'i hysbyswyd nad yw'r cyngor wedi gweld lleihad sylweddol yn y defnydd o wasanaethau dydd (er y cyflwynwyd taliad) ond fe'u defnyddir yn wahanol. Rhoddwyd gwybod i'r panel bod angen gwneud rhagor o waith o ran categoreiddio gwasanaethau.

•              Nid yw'r panel yn sicr am sut mae incwm yn cael ei greu o Daliadau Uniongyrchol. Yn dilyn trafodaeth, cadarnhawyd nad incwm ydyw mewn gwirionedd ond gostyngiad. Ni ddefnyddir taliadau uniongyrchol i brynu gwasanaethau'r cyngor ond fe'u defnyddir i brynu gwasanaethau allanol. 

•              Nid yw nifer yr asesiadau ariannol wedi arwain at y cynnydd mewn incwm.  Cyflwyno'r ffioedd dros y 2 i 3 blynedd diwethaf sydd wedi arwain at y cynnydd mewn incwm, felly mae wedi cyflawni'r nod a fwriadwyd. Yn 2019/20 cafwyd y cynnydd oherwydd chwyddiant, felly nid oes angen ymgynghoriad cyhoeddus.   

•              Nid oes bwriad i gyflwyno unrhyw ffioedd newydd o ran gofal personol. Fodd bynnag, bydd yr is-adran yn ystyried a oes unrhyw wasanaethau ychwanegol nad ydynt yn rhan o'r trefniadau presennol fel mater o drefn.  

•              Mae'r ffrydiau incwm ychwanegol y mae'r is-adran yn chwilio amdanynt y tu allan i'r cyngor, er enghraifft, Llywodraeth Cymru, y Bwrdd Iechyd, arian yn lle cyllid Ewropeaidd.

Camau Gweithredu:

•              Darperir manylion pellach y broses i adennill dyledion, gan gynnwys defnyddio beilïaid, i'r panel.

•              Gweld a yw'r newidiadau i'r geiriad ar gyfer gofynion y Gwasanaethau Cymdeithasol wedi'u rhoi ar waith.

Alex Williams, Pennaeth y Gwasanaethau i Oedolion

Briffiodd Alex Williams, Pennaeth y Gwasanaethau i Oedolion, y panel am yr adroddiad monitro perfformiad ar gyfer mis Hydref/Tachwedd 2019.

Pwyntiau i'w trafod:

•              Nid yw'r cyngor yn cyflawni'r targed corfforaethol ar gyfer nifer y gofalwyr a nodir ar hyn o bryd.

•              Hoffai'r panel gynnwys ffordd o nodi'r rhesymau pam y mae asesiadau'n cael eu gwrthod yn y System Wybodaeth Gofal Cymunedol. Bydd y Pennaeth Gwasanaeth yn gofyn a yw hyn yn bosib.

•              Holodd y panel ynghylch faint o amser sy'n mynd heibio rhwng yr adeg y mae unigolyn yn gofyn am asesiad ac yn cael yr asesiad hwnnw. 

•              Gofynnodd y panel pam y mae gwahaniaeth rhwng nifer y bobl sydd am gael asesiad a'r nifer sy'n derbyn asesiad. 

•              O 1 Chwefror, mae'r cyngor yn gyfrifol am benderfynu ar y trothwy ynghylch ymholiadau diogelu ar gyfer y Bwrdd Iechyd drwy'r Pwynt Mynediad Cyffredin.  Bydd hyn yn heriol. Bydd angen i'r panel gadw llygad ar hyn.

•              Gofynnodd y panel am y sefyllfa ynghylch y newid cyfreithiol o ran y Ddeddf Galluedd Meddyliol ac effaith hynny. Bydd y Pennaeth Gwasanaeth yn darparu nodyn briffio pan fydd gwybodaeth ar gael.

Camau Gweithredu:

•              Bydd y Pennaeth Gwasanaeth yn gofyn a oes ffordd o nodi'r rhesymau pam y mae asesiadau'n cael eu gwrthod yn y System Wybodaeth Gofal Cymunedol.

•              Bydd y Pennaeth Gwasanaeth yn ymateb i ymholiadau ynghylch y rheini sydd am gael asesiad a'r rheini sy'n derbyn asesiad.

•              Bydd y panel yn derbyn nodyn briffio ar y sefyllfa ynghylch y newid cyfreithiol mewn perthynas â'r Ddeddf Galluedd Meddwl a'r effaith ar hyn, pan fydd yr wybodaeth ar gael.

Derbyniwyd ac ystyriwyd y rhaglen waith gan y panel.

a)    Llythyr at Aelod y Cabinet (cyfarfod 17 Rhagfyr 2019)

Ystyriwyd y llythyrau gan y panel.  Disgwylir ymateb erbyn 3 Chwefror 2020.