Lleoliad: O bell drwy Microsoft Teams. Cyfarwyddiadau
Cyswllt: Gwasanaethau Democrataidd: - 636923
Rhif | Eitem |
---|---|
Datgeliadau o fuddiannau personol a rhagfarnol. Cofnodion: Yn unol â'r Cod
Ymddygiad a fabwysiadwyd gan Ddinas a Sir Abertawe, ni ddatganwyd unrhyw
fuddiannau. |
|
Cymeradwyo a llofnodi, fel cofnod cywir, gofnodion y cyfarfod(ydd) blaenorol. Cofnodion: Penderfynwyd cymeradwyo cofnodion cyfarfod blaenorol y
Pwyllgor Datblygu Polisi Lleihau Tlodi fel cofnod cywir. |
|
Nifer sy'n hawlio budd-dal. (Jane Storer) PDF 253 KB Cofnodion: Cyflwynodd Jane
Storer, yr Uwch-swyddog Hawliau Lles adroddiad a roddodd wybodaeth i'r Pwyllgor
am y problemau ynghylch hawlio budd-daliadau, y rhesymau dros dan-hawlio,
enghraifft o waith a wnaed yn y gorffennol i gynyddu'r nifer sy'n hawlio
budd-daliadau, ymgyrchoedd cyfredol, nodi blaenoriaethau'r dyfodol o ran
cynyddu'r nifer sy'n hawlio budd-daliadau a sut gallai'r Pwyllgor gefnogi'r
gwaith hwn yn y dyfodol. Amlinellwyd bod y
Pwyllgor wedi nodi'r angen i gynyddu'r nifer sy'n hawlio budd-daliadau yn
Abertawe. Nod mwyhau’r nifer sy’n hawlio budd-daliadau oedd sicrhau bod pobl yn
hawlio’r hyn y mae ganddynt hawl iddo ac yn cynyddu incwm eu cartref. Nododd yr
adroddiad y problemau o ran hawlio budd-daliadau, gan gynnwys y canlynol: - ·
Nid
oes gan bobl ddigon o wybodaeth am y system fudd-daliadau na dealltwriaeth
ohono; ·
Mae
staff yr Adran Gwaith a Phensiynau (DWP) yn cael eu hyfforddi yn y meysydd y
maent yn gweithio ynddynt yn unig, a'u diffyg gwybodaeth gyffredinol; ·
Rhoddir
y cyngor anghywir yn aml i bobl sy'n cysylltu â chanolfan alwadau'r Adran
Gwaith a Phensiynau, ac maent yn credu nad oes ganddynt hawl i unrhyw
fudd-daliadau pan fo'r gwrthwyneb yn wir; ·
Mae’r
hyn y mae gan yr unigolyn hawl iddo’n dibynnu ar ei
amgylchiadau ac mae'n aml yn gymhleth; ·
Mae
sefydliadau sy'n cynnig mynediad at gyngor diduedd am ddim yn cael eu llethu
gan nifer mawr y ceisiadau; ·
Gwneir
newidiadau cyson i'r system fudd-daliadau, gan olygu bod hawlwyr yn symud i
mewn ac allan o grwpiau hawl ac wrth i amgylchiadau newid, effeithir ar eu
hawl; nid yw hawlwyr budd-daliadau’n sylweddoli y byddai hynny'n effeithio
arnynt. Yn ogystal, tynnwyd sylw at sawl rheswm dros pam y mae pobl yn tan-hawlio
budd-daliadau ac roedd y rhain yn cynnwys diffyg adnoddau i helpu hawlwyr
drwy'r broses; diffyg gwybodaeth am y budd-daliadau sydd ar gael; nid yw
hawlwyr yn meddwl bod ganddynt hawl i fudd-daliadau; profiadau gwael yn y
gorffennol; ailasesiadau parhaus; ofn; a stigma. Trafodwyd graddau'r tan-hawlio a dywedwyd ei fod yn broblem eang ymhlith
grwpiau penodol o bobl; dangosodd ffigurau a ryddhawyd yn 2016-2017 fod dros
£16 biliwn mewn budd-daliadau sy’n destun prawf modd heb gael ei hawlio. Amlygodd yr
adroddiad y camau gweithredu a oedd wedi gweithio i gynyddu'r nifer sy'n hawlio
budd-daliadau, gan gynnwys cynyddu ymwybyddiaeth o hawl pobl i gael
budd-daliadau, herio canfyddiadau pobl o hawlwyr budd-daliadau gan gynnwys
stereoteipio negyddol a darparu cymorth ychwanegol wedi'i deilwra i'r unigolion
pan fo angen. Amlinellwyd
manylion yr hyn sy’n digwydd ar hyn o bryd, gan gynnwys yr ymgyrch hawlio
credyd pensiwn, a darparwyd gwybodaeth am y grwpiau a gynorthwywyd gan
ymgyrchoedd hawlio blaenorol. Trafododd y
Pwyllgor y canlynol: - ·
Sut
roedd y wasg yn barod iawn i adrodd am straeon negyddol ond yn cymryd amser i
adrodd am hawliadau dilys a'r stigma y maent yn ei greu ynghylch hawlwyr a'r
iaith negyddol a ddefnyddir; ·
Y
symiau bach iawn o arian o'i gymharu â symiau twyll busnes; ·
Effaith
unrhyw gyngor gwael/anghywir a ddarperir gan yr Adran Gwaith a Phensiynau; ·
Proses
apelio'r Adran Gwaith a Phensiynau; ·
Y
broses anodd y mae unigolion yn ei hwynebu i gael y budd-daliadau y mae
ganddynt hawl iddynt, y cymorth ymarferol y gall y cyngor ei gynnig a'r cymorth
y gall Cynghorwyr ei gynnig; ·
Newid
canfyddiadau'r cyhoedd ynghylch budd-daliadau a sicrhau bod unigolion yn
hawlio'r budd-daliadau y mae ganddynt hawl iddynt; ·
Y
gamdybiaeth fod y rhan fwyaf o hawlwyr budd-daliadau'n ddi-waith pan fo'r mwyafrif
naill ai'n gyflogedig neu'n bensiynwyr mewn gwirionedd; ·
Sut
roedd pandemig COVID-19 wedi dechrau newid
canfyddiadau wrth i fwy o bobl sylweddoli'r anawsterau a wynebir pan fyddant yn
byw ar £94 yr wythnos; ·
Y
potensial i'r cyngor gynnwys gwybodaeth gyda biliau blynyddol Treth y Cyngor,
er enghraifft trwy gynhyrchu taflen i'w dosbarthu ledled cymunedau neu
ddosbarthu gwybodaeth drwy'r cyfryngau cymdeithasol; ·
Cynnwys
pob Aelod Seneddol/Aelod o'r Senedd mewn unrhyw gyhoeddusrwydd er mwyn gallu
dosbarthu gwybodaeth yn ehangach; ·
Defnyddio
banciau bwyd lleol i ddosbarthu taflenni gyda pharseli bwyd. Diolchodd y
Cadeirydd i'r swyddog am ddarparu'r adroddiad a dywedodd y byddai trafodaethau
ychwanegol yn cael eu cynnal mewn gweithgor ynghylch cefnogi ymgyrchoedd i
hawlio budd-daliadau yn y dyfodol. Ychwanegodd y byddai'r taflenni sy'n
cefnogi'r ymgyrch bresennol i ddefnyddio credyd pensiwn hefyd yn cael eu
dosbarthu gan fanciau bwyd ac y byddent hefyd yn cael eu trafod mewn cyfarfod
gweithgor. Penderfynwyd nodi cynnwys yr adroddiad. |
|
Rhannu Gerddi. (Trafodaeth) Cofnodion: Cyflwynodd y
Cadeirydd Ange Bethany o brosiect Room to Grow yn Uplands a Joyce Veheary, sylfaenydd
Benthyca a Thrin fel rhan o ymchwiliadau'r Pwyllgor i rannu gerddi. Amlinellodd Ange Bethany fanylion y prosiect Room
to Grow yn Uplands. Tynnodd
sylw at y ffaith bod y prosiect wedi defnyddio a thrawsnewid
6 gardd flaen nad oedd neb yn gofalu amdanynt o jyngl concrit i erddi bwytadwy
hyfryd, h.y. rhandiroedd bach, a'u bod am greu "coridor gwyrdd" o Brynymor Road yr holl ffordd i ganol tref Uplands. Ychwanegodd fod y prosiect wedi derbyn ymateb anhygoel
gan y gymuned a bod ganddo bellach gnwd cyson o gynnyrch o'r 6 thŷ sy’n
rhan ohono. Dysgodd lawer mewn amser byr wrth wneud y prosiect ac mae wedi
mwynhau gweld pobl yn stopio i fwynhau'r ardd a gofyn cwestiynau. Tynnodd sylw
hefyd at fanteision niferus y prosiect i'r gymuned. Yn y cam nesaf, roedd am weld faint o dai ychwanegol y
gellid eu cofrestru ar gyfer y prosiect a gweld effaith weledol cael nifer mawr
o erddi blaen wedi'u trawsnewid, a fyddai'n gatalydd ar gyfer newid cadarnhaol
yn yr ardal. Byddai plannu gwelyau uwch yn helpu i liniaru fflachlifoedd a
byddai'r planhigion yn cynyddu ansawdd aer, yn gwella bioamrywiaeth ac yn
darparu bwyd a mwynhad i'r gymuned. Amlinellodd Joyce Veheary, un o aelodau
sefydlu Benthyca a Thrin sy’n brosiect ar draws y DU, fanylion y prosiect.
Nodwyd bod cynghorwyr wedi derbyn ffilm fer i'w gwylio, sy'n esbonio'r prosiect
a sut y cafodd ei drefnu. Esboniwyd bod y prosiect
yn seiliedig ar achub gerddi nad oes neb yn gofalu amdanynt trwy rannu gerddi.
Gallai perchnogion gerddi nad oeddent yn gallu gofalu amdanynt roi benthyg eu
gerddi i'r prosiect a chaniatáu i'r rheini nad oes ganddynt ardd neu a oedd yn
aros am randir ddefnyddio'r lle. Ychwanegodd fod
nifer o ddinasoedd yn cymryd rhan ledled y DU a bod y prosiect yn seiliedig ar
rai egwyddorion syml iawn a oedd hefyd â'r nod o ddod â phobl at ei gilydd. Trafododd y Pwyllgor
y gwahanol agweddau ar y ddau brosiect gan gynnwys: - ·
Ehangu'r ardaloedd sydd ar gael i'r ddau brosiect; ·
Sut y gallai'r ddau brosiect gydweithio; ·
Bod Room to Grow yn annog
amrywiaeth o gynnyrch gan gynnwys llysiau, blodau a phlanhigion i ddenu pryfed
peillio; ·
Bod Room to Grow yn
canolbwyntio ar erddi blaen; ·
Ymgysylltiad cadarnhaol y ddau brosiect â'r gymuned; ·
Y gweithdrefnau a ddilynir gan y ddau brosiect, yn
enwedig diogelu preswylwyr drwy sicrhau mynediad diogel i'r ardd heb fynd i
mewn i unrhyw eiddo; ·
Yr anawsterau parhaus a wynebir gan y ddau brosiect drwy
gydol pandemig COVID-19 a sicrhau bod pawb sy'n
ymwneud â'r prosiectau’n glynu wrth y cyfyngiadau presennol; ·
Bod yr Heddlu lleol wedi cynghori pobl Room to Grow ynghylch sut i barhau â'r prosiect o fewn y
cyfyngiadau presennol; ·
Y potensial enfawr i ehangu’r ddau brosiect a'r
manteision enfawr i'r gymuned/yr amgylchedd a gynigir
gan y ddau; ·
Defnydd cadarnhaol o wirfoddolwyr o’r cymunedau a fyddai
o fudd enfawr iddynt; ·
Sut gallai'r cyngor/y Pwyllgor gynorthwyo a hyrwyddo'r
ddau brosiect. Diolchodd y Cadeirydd i gynrychiolwyr y ddau brosiect am eu presenoldeb ac
am amlinellu eu prosiectau. Ychwanegodd y byddai trafodaethau pellach yn cael
eu cynnal mewn cyfarfod gweithgor ac yr adroddir wrth y pwyllgor am y cynnydd Penderfynwyd nodi cynnwys y trafodaethau. |
|
Cynllun Gwaith 2020-2021. PDF 125 KB Cofnodion: Darparodd y
Cadeirydd gynllun gwaith wedi'i ddiweddaru ar gyfer 2020-2021. Penderfynwyd nodi cynnwys yr adroddiad. |