Agenda, decisions and minutes

www.abertawe.gov.uk/DatgeluCysylltiadau

Dim.

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

Cymeradwywyd.

Penderfynwyd cymeradwyo a llofnodi cofnodion cyfarfod y Pwyllgor Datblygu Polisi Lleihau Tlodi a gynhaliwyd ar 20 Rhagfyr 2021 fel cofnod cywir.

Nodwyd.

Rhoddodd Anthony Richards, Rheolwr Datblygu Strategaeth Tlodi a'i Atal, ddiweddariad llafar ynghylch yr Adroddiad Polisi Hyrwyddo Credyd Fforddiadwy.  Amlinellodd fod yr adroddiad wedi'i gymeradwyo gan Aelod y Cabinet ac y byddai'n cael ei adrodd i'r Cabinet ar 17 Chwefror 2022, i'w gymeradwyo.

Diolchodd y Cadeirydd i'r Swyddog am yr wybodaeth ddiweddaraf a chroesawodd y cynnydd a wnaed.

Penderfynwyd y dylid nodi cynnwys y diweddariad.

Nodwyd.

Rhoddodd y Cadeirydd ddiweddariad llafar ar y cynnydd a wnaed o ran y polisi a hysbysodd y Pwyllgor ei fod yn aros am fân ddiweddariadau ychwanegol gan nifer bach o feysydd gwasanaeth.

Ychwanegodd y Rheolwr Datblygu Strategaeth Tlodi a'i Atal fod gwaith ymgysylltu â gwasanaethau yn parhau o ran casglu dyledion personol sydd heb eu casglu.  Ychwanegodd ymhellach mai'r nod oedd adolygu'r polisi ac i feysydd gwasanaeth ei alinio â'u harferion gwaith.

Nododd y Cadeirydd y rhoddwyd awdurdod i'r Rheolwr Datblygu Strategaeth Tlodi a'i Atal yn flaenorol gan y Pwyllgor i ymgynghori â'r cyhoedd ynghylch y polisi. Byddai'r broses Asesiad Effaith Integredig (AEI) yn cael ei chwblhau yn dilyn yr ymarfer ymgynghori, y disgwylid iddo gael ei gwblhau erbyn diwedd mis Chwefror 2022.

Penderfynwyd y dylid nodi cynnwys y diweddariad.

Nodwyd.

Darparodd y Rheolwr Datblygu Strategaeth Tlodi a'i Atal ddiweddariad llafar i'r Pwyllgor ynghylch y cefndir a'r cynnydd a wnaed mewn perthynas â Chomisiwn y Gwirionedd am Dlodi Abertawe (SPTC).

Cyflwynodd Siân Denty, Hyrwyddwr Comisiwn y Gwirionedd am Dlodi Abertawe/Swyddog Datblygu Trechu Tlodi a Kay Lemon, Hyrwyddwr Comisiwn y Gwirionedd am Dlodi Abertawe, a ddarparodd ddiweddariad manwl ynghylch Comisiwn y Gwirionedd am Dlodi Abertawe.

Roedd y manylion a drafodwyd yn cynnwys y materion allweddol/amserlen; y cyfnod datblygu; cyllid; effaith pandemig COVID; rôl hwyluswyr; cyfathrebu/cynnwys sefydliadau; ystod amrywiol o gyfranogwyr yn cymryd rhan; problemau y mae cymunedau'n eu hwynebu; tlodi a wynebir gan deuluoedd sy'n gweithio/di-waith; ceiswyr lloches/ffoaduriaid; canlyniadau i Abertawe; datblygiad themâu; a mynd yn ei flaen ag ymagwedd wybodus at broblemau.

Diolchodd y Cadeirydd i'r Swyddogion am ddarparu'r wybodaeth ddiweddaraf a dywedodd y byddai adroddiad ysgrifenedig yn cael ei ddarparu yn y cyfarfod nesaf a drefnwyd.

Penderfynwyd:-

1)    Dylid nodi cynnwys yr adroddiad;

2)    Darparu adroddiad ysgrifenedig yn y cyfarfod nesaf a drefnwyd.

Nodwyd.

Cyflwynodd y Cadeirydd Gynllun Gwaith diweddaredig ar gyfer 2021-2022.

Trafododd y Pwyllgor y Cynllun Gwaith ar gyfer gweddill y flwyddyn, gan gynnwys pynciau ychwanegol fel y cynnydd mewn costau tanwydd sydd ar fin digwydd; cyflwyno incwm sylfaenol i oresgyn tlodi; Polisi Tyfu Bwyd Cymunedol; a'r gwaith parhaus i gefnogi Comisiwn y Gwirionedd am Dlodi Abertawe. Nodwyd y byddai adroddiad yn cael ei gyflwyno i'r cyfarfod nesaf a drefnwyd. 

Penderfynwyd:-

1)    Dylid nodi cynnwys yr adroddiad;

2)    Cyflwyno adroddiadau ar Bolisi Tyfu Bwyd Cymunedol a Chomisiwn y Gwirionedd am Dlodi Abertawe yn y cyfarfod nesaf a drefnwyd.