Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw gysylltiadau. 

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion y Pwyllgor Datblygu a Chyflwyno Polisi Trawsnewid a Chyngor y Dyfodol a gynhaliwyd ar 24 Ebrill 2018 a chofnodion Pwyllgor Trawsnewid a Datblygu Polisi a gynhaliwyd ar 24 Mai 2018 fel cofnod cywir, yn amodol ar y pwynt canlynol y dylid rhoi sylw iddo: - 

·                Cofnod 46 - Nid oedd y pwyllgor wedi derbyn diweddariad ynghylch amrywiaeth y contractau cyflogaeth yn y Ganolfan Gyswllt.

Nodwyd y Cylch Gorchwyl.

Cyflwynodd Rheolwr y Rhaglen Abertawe Gynaliadwy y cynllun gwaith arfaethedig a oedd yn cynnwys y canlynol: -

1)        Gweithio er mwyn helpu i ddatblygu gwell dealltwriaeth o foderneiddio'r polisi oriau gweithio

2)        Cais am Gerdyn Dinesydd

3)        Caffael y Cynllun Gweithredu PDChP blaenorol - Chwalu rhwystrau i gyflenwyr lleol

4)        Strategaeth Cydgynhyrchu/Egwyddorion ar gyfer Dinas a Sir Abertawe

5)        Cyfathrebu'r cyngor

6)        Datblygu sefydliadol - Gweithlu'r 21ain Ganrif.

Trafodwyd materion y cynllun gwaith. Cwestiynau a thrafodaethau dan sylw: -

Cynllun Gwaith - Eitem 1

·                Awgrymwyd y dylai’r pwyllgor ymweld â’r timau peilot cytunedig ar gyfer y Polisi Gweithio Hyblyg unwaith y ceir cytundeb, i weld sut mae’n gweithio. 

·                Gofynnodd y pwyllgor am eglurder ynghylch yr amrediad a'r gwahaniaeth rhwng contractau cyflogaeth, i.e. hyblyg, tymhorol, dim oriau.

Cynllun Gwaith - Eitem 2

·                Gofynnodd y Cadeirydd am restr o'r hyn y byddai'n cael ei gynnwys yn yr ap ar gyfer y pwyllgor pan fydd gwaith ar Eitem 2 yn cychwyn.

·                Nodwyd nad oes gan bawb ffôn symudol er mwyn defnyddio'r ap.

Cynllun Gwaith - Eitem 3

·                Caiff y newidiadau i'r Rheolau Gweithredu Contractau, a ddatblygwyd gan y pwyllgor yn y flwyddyn ddinesig ddiwethaf, eu cwblhau.

·                Gellir dechrau rhoi'r camau gweithredu a oedd yn deillio o'r gweithdai ar waith, e.e. marchnata 

Cynllun Gwaith - Eitem 4

·                Ystyr cydgynhyrchu

Cynllun Gwaith - Eitem 5

·                Cyfathrebu â'r cyhoedd, yn enwedig yr oslef a'r iaith a ddefnyddir mewn gohebiaeth.

·                Safoni cyfathrebu a brandio corfforaethol, yn enwedig ar lofnodion e-bost.

·                Posibilrwydd cyflwyno arolygon mewnol er mwyn creu darlun o'r cyfathrebu gwahanol a geir ar draws y cyngor.

Cynllun Gwaith - Eitem 6

·                Byddai trosolwg o'r Strategaeth Sefydliadol yn cael ei roi i'r pwyllgor er mwyn nodi meysydd i'w trafod.  

Cadarnhaodd Rheolwr y Rhaglen Abertawe Gynaliadwy y byddai'n datblygu Amserlen Busnes o'r cynllun gwaith.

Penderfynwyd: -

1)        nodi'r cynllun gwaith;

2)        egluro'r contractau cyflogaeth amrywiol i'r pwyllgor;

3)        Cynnal ymweliadau gan y pwyllgor â’r timau sy’n treialu egwyddorion y Polisi Gweithio Hyblyg. Timau i’w nodi unwaith y bydd y cynlluniau peilot wedi dechrau; a

4)        datblygu Amserlen Busnes.