Agenda a Chofnodion

Penderfynwyd ethol y Cynghorydd M B Lewis yn Gadeirydd Dros Dro. 

Bu'r Cynghorydd M B Lewis, y Cadeirydd Dros Dro, yn llywyddu.

www.abertawe.gov.uk/DatgeliadauBuddiannau

Yn unol â'r côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod y Pwyllgor Datblygu a Chyflwyno Polisi - Trawsnewid a Chyngor y Dyfodol a gynhaliwyd ar 19 Rhagfyr 2017 fel cofnod cywir.

Darparodd Rheolwr Rhaglen Abertawe Gynaliadwy'r wybodaeth ddiweddaraf am y gweithdy caffael.

Roedd y gweithdy'n canolbwyntio ar y canlynol: -

·                     Rhwystrau i fusnesau lleol sy'n ceisio ennill contractau lleol

·                     Sut i nodi cyflenwyr lleol

·                     Gofynion deddfwriaethol

Awgrymwyd y diffiniad canlynol o 'gyflenwr lleol' yn y gweithdy: -

"O fewn y ffiniau rhanbarthol gyda phwyslais ar gyflogi pobl leol o fewn y ffiniau daearyddol a gaiff eu sefydlu o ganlyniad i gynlluniau Llywodraeth Cymru ar gyfer ad-drefnu llywodraeth leol."

Y canlynol oedd y camau gweithredu allweddol a nodwyd: -

1)           Datblygu a gwella hysbysebu a marchnata;

2)           Y posibilrwydd o ddarparu gwasanaeth i gynorthwyo cyflenwyr lleol yn y broses gaffael; a

3)           Bydd y pwyllgor yn darparu argymhellion i'r Gweithgor Cyfansoddiadol er mwyn rhoi'r newidiadau angenrheidiol ar waith. 

Penderfynwyd nodi'r wybodaeth ddiweddaraf.

Trafododd aelodau'r pwyllgor eu hargaeledd a'r amser gorau ar gyfer cyfarfodydd yn y dyfodol.

Penderfynwyd symud cyfarfodydd i 14:00 yn y dyfodol os oes modd.

Cyflwynodd y Cadeirydd Gynllun Gwaith 2017/18 i'w ystyried.

Nododd y pwyllgor fod ganddo ddiddordeb mawr yn y diweddariad am 'gyfeillion parciau' a pherchnogaeth gymunedol. Gofynnwyd i Reolwr Rhaglen Abertawe Gynaliadwy drafod â'r Pennaeth Rheoli Gwastraff i weld a ellid symud y diweddariad i'r cyfarfod nesaf.

Penderfynwyd symud y diweddariad am 'gyfeillion parciau' a pherchnogaeth gymunedol i'r cyfarfod ar 27 Chwefror 2018 os oes modd.