Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw gysylltiadau.

Cymeradwyo a llofnodi cofnodion y cyfarfod(ydd) blaenorol fel cofnod cywir

Penderfynwyd cymeradwyo cofnodion cyfarfod y Pwyllgor Datblygu Polisi Addysg a Sgiliau a gynhaliwyd ar 13 Mehefin 2018 fel cofnod cywir.

Siaradodd Mike Jones a Nick Williams ymhellach ynglŷn â'r data a'r ystadegau a rannwyd yn y pecyn agenda, cyfeiriwyd atynt a nodwyd y canlynol:

·       Mae’r gwahaniaeth rhwng cyrhaeddiad disgyblion sy'n derbyn Prydau Ysgol am Ddim (PYDd) a'r rhai nad ydynt yn derbyn PYDd bron yn 20% ar oedran dechrau ysgol;

·       Mae gan 46% o ddisgyblion PYDd anghenion dysgu ychwanegol o'i gymharu â 22% o'r rhai nad ydynt yn derbyn PYDd;

·       Mae gan 54% o fechgyn sy'n derbyn PYDd anghenion dysgu ychwanegol o'i gymharu â 44% o'r merched sy’n derbyn PYDd; 

·       Mae bwlch nodweddiadol o 14-19% yng nghyrhaeddiad rhwng plant Cyfnod Sylfaen;

·       Y bwlch mewn cyrhaeddiad rhwng y rhywiau yw 15-18%;

·       Mae gwahaniaeth mewn cyrhaeddiad o ryw 20% rhwng merched a aned yn yr hydref a bechgyn a aned yn yr haf;

·       Mae ystadegau tebyg i'r uchod wedi i’w gweld ledled Cymru, felly mae'n fater cenedlaethol;

·       Mae data gwerth ychwanegol Ymddiriedolaeth Teulu Fischer yn dangos bwlch tebyg;

·       Bellach gellir arolygu effaith Dechrau'n Deg;

·       Argaeledd ar gyfer olrhain a rhannu data disgyblion unigol;

·       Disgyblion sy'n gymwys am PYDd;

·       Effaith bosib meini prawf ychwanegol newydd Llywodraeth Cymru ar gyfer PYDd;

·       Materion ynghylch diffyg hawlio PYDd.

Nododd Mike Jones y byddai'n cynhyrchu mwy o ystadegau ynghylch disgyblion y Cyfnod Sylfaen ar gyfer cyfarfod yn y dyfodol.

Nododd y cadeirydd fod y gwahaniaethau y cyfeiriwyd atynt uchod yn rhoi canolbwynt clir a materion allweddol i'r pwyllgor eu hystyried yn y dyfodol.

Bellach bydd angen i'r pwyllgor nodi arferion da ar draws Abertawe ac yn genedlaethol er mwyn ceisio nodi unrhyw fylchau gyda'r nod o gyflwyno'r rhain i'r holl ysgolion.

Bydd hefyd angen gwybodaeth am sut mae ysgolion yn gwario’u grant datblygu disgyblion. Holir barn Estyn hefyd.

Adroddodd Nick Williams, nad oedd Helen Morgan-Rees, a oedd i fod i roi cyflwyniad ar yr eitem, yn gallu dod i'r cyfarfod am resymau personol. Oherwydd hyn, nid oedd wedi gallu cysylltu â hi ac roedd ef newydd ddychwelyd o gyfarfod yn Llandrindod.

Nododd y byddai ar ei wyliau yn ystod cyfarfod mis Awst ac roedd yn ansicr a fyddai Helen wedi dychwelyd i'r gwaith erbyn y cyfarfod hwnnw, felly awgrymodd y dylid gohirio'r eitem tan gyfarfod yn y dyfodol.

Estynnodd y pwyllgor ei ddymuniadau gorau i Helen a chytunwyd i ohirio'r eitem tan gyfarfod yn y dyfodol.

Amlinellodd y Cadeirydd gynllun gwaith y pwyllgor ar gyfer gweddill blwyddyn ddinesig 2018/2019.

Nododd y byddai'n cysylltu â Swyddog y Gwasanaethau Democrataidd ynglŷn ag aildrefnu'r eitem uchod a ohiriwyd.

Penderfynwyd y dylid nodi'r rhaglen waith gyda'r diwygiad awgrymedig uchod.