Agenda, decisions and minutes

www.abertawe.gov.uk/DatgeluCysylltiadau

 

Yn unol â’r Côd Ymddygiad a fabwysiadwyd gan Ddinas a Sir Abertawe, cyhoeddwyd y cysylltiad canlynol; y Cynghorydd M Durke – Eitem 4 ar yr agenda – Personol – rydw i a Dr Nalda Wainwright yn gweithio i Brifysgol Cymru y Drindod Dewi Sant

 

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol;

 

Y Cynghorydd M Durke – Eitem 4 ar yr Agenda – Personol - Rydw i a Dr Nalda Wainwright yn weithwyr Prifysgol Cymru Y Drindod Dewi Sant.

 

Cymeradwyo a llofnodi cofnodion y cyfarfod(ydd) blaenorol fel cofnod cywir.

 

Cymeradwywyd

Penderfynwyd cymeradwyo cofnodion cyfarfod y Pwyllgor Datblygu Polisi Addysg a Sgiliau a gynhaliwyd ar 15 Rhagfyr 2021 fel cofnod cywir.

 

 Er gwybodaeth

Croesawodd y Cadeirydd Dr Nalda Wainwright, awdurdod blaenllaw yng Nghymru ar iechyd plant a llythrennedd corfforol, i'r cyfarfod.

 

Yna rhoddodd Dr Nalda Wainwright drosolwg byr o'i chefndir a'i phrofiad yn y maes pwnc, a rhoddodd gyflwyniad PowerPoint manwl, llawn gwybodaeth i'r aelodau.

 

Yn gynwysedig yn y cyflwyniad roedd y meysydd canlynol:

·       dirywiad mewn gweithgarwch corfforol ar draws y gymdeithas;

·       diffiniad o lythrennedd corfforol;

·       proses ddatblygu ar gyfer gweithgarwch, o blant bach i bensiynwyr;

·       mae plant yn symud yn llai nawr nag yn y gorffennol, a’r gwahanol resymau a ffactorau bywyd modern sy'n effeithio ar hyn;

·       cynnydd mewn technoleg a’i hargaeledd i blant ifanc, a'i heffaith ar leihau gweithgarwch a chwarae yn yr awyr agored;

·       diffyg gweithgareddau awyr agored, chwarae a chymysgu â phlant eraill o wahanol oedrannau a'u effaith negyddol ar ddatblygiad plant yn gorfforol ac yn feddyliol, a all achosi problemau gydag agweddau gwybyddol a lleferydd etc;

·       mynydd datblygu sgiliau motor – a geirfa a datblygiad symud;

·       sbiral gadarnhaol/negyddol o ymgysylltu a'r effeithiau a'r berthynas rhwng y diffyg gweithgarwch ac afiechyd yn ddiweddarach mewn bywyd;

·       cysylltiadau rhwng cymhwysedd motor a gweithgarwch corfforol a'i effaith a'i bwysigrwydd wrth gynyddu'r cymhwysedd corfforol canfyddedig mewn plant ifanc, yn enwedig y rhai dan 7 oed;

·       prosiect cyn-ysgol Perry - HighScope yn UDA a'i ganfyddiadau mewn perthynas â'r manteision ariannol a chymdeithasol a dderbyniwyd, o'u cymharu â'r swm a fuddsoddwyd, a allai fod yn fudd seithblyg;

·       SKIP Cymru (Cyfarwyddyd Cinesthetig Llwyddiannus ar gyfer plant cyn oed ysgol yng Nghymru) – menter blynyddoedd cynnar/cyfnod sylfaen sydd wedi bod o fudd ac sy'n datblygu sgiliau motor plant ifanc;

·       Adroddiad Llywodraeth Cymru ar Weithgarwch Corfforol Plant a Phobl Ifanc y cytunwyd arno ond nad yw wedi'i gyflwyno eto ledled y wlad oherwydd pandemig COVID-19.

 

Siaradodd David Jones fwy am ei adroddiad a ddosbarthwyd a oedd yn rhoi trosolwg i'r pwyllgor o ddiben y tîm chwaraeon ac iechyd mewn perthynas â phartneriaethau, ac yn rhannu canlyniadau â chydweithwyr addysg gyda'r bwriad o ddatblygu cysylltiadau strategol pellach.

 

Dywedodd ei fod yn cefnogi'r sylwadau a'r mentrau a amlinellwyd gan Dr Nalda Wainwright uchod.

 

Amlinellodd y manylion cefndir a'r prif bolisïau a dylanwadau y mae'r tîm yn eu dilyn yn Abertawe wrth ddarparu ei wasanaethau i bobl ar draws yr ystodau oedran a'r cymunedau amrywiol. Cyfeiriodd at yr arian a gafwyd gan Chwaraeon Cymru.

 

Amlinellwyd strategaeth weithredol y gwasanaethau sy'n anelu at greu Abertawe egnïol ac iach yn atodiad A yr adroddiad.

 

Nododd fod y staff wedi ymrwymo i wella ac ehangu ar lythrennedd corfforol yn gyffredinol, a nododd fod y staff yn mwynhau'r sesiynau gyda'r bobl ifanc yn arbennig ac yn eu hannog i gymryd rhan am yr holl resymau a amlinellwyd yn ystod y cyflwyniad blaenorol ac a nodwyd yn yr adroddiad. Amlinellodd fod ganddo staff sydd â chymwysterau mewn cyrsiau Llythrennedd Corfforol sy'n cael eu cynnal gan Brifysgol Cymru Y Drindod Dewi Sant.

 

Manylodd ar y sgiliau, y profiadau, y cymwysterau a'r wybodaeth sydd gan y staff, sy'n eu galluogi i gyflwyno ystod eang o sesiynau i'r gymuned gyfan ac amlinellodd hefyd fod y tîm yn cynnig hyfforddiant i staff ysgol gyfan a gwirfoddolwyr cymunedol mewn agweddau ar lythrennedd corfforol a chwaraeon cyffredinol a gweithgarwch corfforol.

 

Nododd y bydd staff mewn ysgolion yn aml yn targedu ac yn annog pobl ifanc nad ydynt yn rhan o'r timau chwaraeon ysgol 'traddodiadol' i gymryd rhan.

 

Amlinellodd fod y tîm yn ymwneud â thros 90 o ysgolion yn Abertawe, a soniodd am lwyddiant y Rhaglen Gwella Gwyliau’r Haf (RGGH), gan gyfeirio at y canlyniadau rhagorol a'r adborth cadarnhaol a gafwyd mewn arolwg o bobl ifanc a oedd wedi cymryd rhan yn y cynllun (atodiad B yr adroddiad).

 

Gofynnodd yr aelodau gwestiynau amrywiol a gwnaethant sylwadau ynghylch y ddau faes a drafodwyd yn ystod y cyflwyniad a’r adroddiad a ddosbarthwyd, ac ymatebodd Dr Wainwright, y swyddog yn unol â hynny.

 

Nododd y Cadeirydd ei fod wedi gweld rhywfaint o dystiolaeth debyg i'r hyn y cyfeiriwyd ato yn yr astudiaeth o UDA uchod mewn cyfarfod craffu. Byddai'n ceisio dod o hyd i'r wybodaeth a'i dosbarthu i'r aelodau os yw'n bosib.

 

Diolchodd i Dr Wainwright a'r swyddog am eu cyfraniad a'u presenoldeb yn y cyfarfod.

 

 

 

Nodwyd

Cyfeiriodd y Cadeirydd at y cynllun gwaith fel yr amlinellwyd ac a nodwyd yn yr adroddiad, a nododd yr eitemau ar gyfer y cyfarfodydd sydd i ddod:

Chwefror - Profiadau Niweidiol yn ystod Plentyndod

Mawrth – Addysg Awyr Agored

 

Penderfynwyd nodi'r cynllun gwaith.