Agenda a Chofnodion

PENDERFYNWYD ethol y Cynghorydd E T Kirchner i fod yn Gadeirydd Dros Dro. 

(LLYWYDDODD Y CYNGHORYDD E. T. KIRCHNER)

)

http://www.abertawe.gov.uk/Datgeliadau Buddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

PENDERFYNWYD cymeradwyo a llofnodi cofnodion y cyfarfod blaenorol a gynhaliwyd ar 17 Hydref 2016 fel cofnod cywir.

Rhoddwyd cyflwyniad ar Ofal a Chefnogaeth Greadigol drwy'r Taliadau Uniongyrchol gan Mariann Pedersen, Rheolwr Gwasanaethau Byw'n Annibynnol, Nia Walters, Uwch-Ymarferwr a Ffion Larsen, Prif Swyddog Diogelu a Lles, Gwasanaethau i Oedolion.

Rhoddwyd gwybod i'r pwyllgor am y newidiadau deddfwriaethol a'r effaith ar Daliadau Uniongyrchol.

Gofynnodd y pwyllgor gwestiynau i'r swyddogion a oedd yn cyflwyno a chafwyd trafodaeth am y pethau canlynol: -

·         Sut cynhelir asesiadau ar allu meddyliol;

·         Cost asesiadau o'r fath;

·         Safbwynt gofalwyr;

·         Addasrwydd darparwyr gofal;

·         Argaeledd darparwyr gofal amgen;

·         Statws cyflogwr derbynyddion Taliadau Uniongyrchol, sy'n wahanol i Asiantaeth;

·         Mwy o ddewis o ran pecynnau gofal;

·         Nifer sy'n derbyn Taliadau Uniongyrchol;

·         Ymagwedd fesul cam at gyfradd yn ôl yr awr a gynigir;

·         Terfyn ar adnoddau.

Diolchodd y cadeirydd i'r swyddogion cyflwyno a'u timau am eu gwaith parhaus.

PENDERFYNWYD: -

1)    nodi cynnwys y cyflwyniad llafar;

2)    rhoi’r wybodaeth ddiweddaraf mewn chwe mis.

Dywedodd y Cynghorydd J E C Harris, Aelod y Cabinet dros Oedolion a Phobl Ddiamddiffyn nad oedd ganddi unrhyw wybodaeth ychwanegol am yr adroddiad.

Rhoddodd y Cynghorydd J E Harris, y Cynghorydd dros Oedolion a Phobl Ddiamddiffyn, y diweddaraf i'r pwyllgor ynghylch yr ymweliad â Chyngor Sir Fynwy.

Trafododd y pwyllgor y dull meddwl Vanguard a ddefnyddir gan Gyngor Sir Fynwy a'i ymagwedd at Daliadau Uniongyrchol i gleifion a oedd wedi bod i'r ysbyty, er mwyn iddynt ddychwelyd adref yn gyflym. 

PENDERFYNWYD cofnodi'r wybodaeth ddiweddaraf.

Rhoddodd y cadeirydd yr adroddiad am Raglen Waith 2016 – 2017.

PENDERFYNWYD y dylid nodi cynnwys yr adroddiad.