Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatgelwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

PENDERFYNWYD cytuno bod cofnodion y cyfarfod a gynhaliwyd ar 10 Awst 2016 yn gofnod cywir

Rhoddodd y Cadeirydd a'r Cynghorydd M Lewis adborth ar yr ymweliad safle a gynhaliwyd â'r ysgol yn gynharach yn y dydd.

Gwnaethant amlinellu a chyfeirio at y cynllun PACE sydd ar waith yn yr ysgol a'r cynnydd ardderchog sy'n cael ei wneud gyda phobl ifanc a allai fod mewn perygl o fod yn NEET.

Nododd y Cadeirydd, oherwydd y presenoldeb siomedig yn yr ymweliad, y byddai'n gwahodd swyddogion perthnasol yr ysgol i gyfarfod y PCC yn y dyfodol er mwyn rhoi cyflwyniad byr ar y cynllun.

Nododd y Cadeirydd nad oedd y cynrychiolydd o Gyrfa Cymru Gorllewin - Wendy Williams - yn gallu dod i'r cyfarfod gan ei bod ar absenoldeb salwch o'r gwaith ar hyn o bryd, ond mae wedi dweud y bydd ar gael i ddod i gyfarfod arall yn y dyfodol.

PENDERFYNWYD gohirio'r eitem tan gyfarfod yn y dyfodol.

Amlinellodd Jane Whitmore ei chyfraniad hi a'i chydweithiwr i'r Cynllun Gwrando a Chyfranogi gyda Phlant a Phobl Ifanc.

Soniodd am y ffyrdd amrywiol y mae swyddogion yn ymgysylltu â phobl ifanc ar hyn o bryd, gan gynnwys y Sgwrs Fawr a Fforwm Llais y Disgybl. Cyfeiriodd hefyd at ymarfer ymgysylltu blaenorol yr ymgymerwyd ag ef gyda disgyblion EOTAS fel enghraifft.

Nododd y gallai, ar y cyd â'i chydweithwyr, ddatblygu cyfres o gwestiynau a/neu ymarfer ymgysylltu sy'n ymwneud â phynciau y mae gan y PCC ddiddordeb ynddynt a allai gael eu cynnwys yn un o ddigwyddiadau'r dyfodol gyda phobl ifanc fel yr amlinellwyd uchod.

Gallai cwestiynau gynnwys materion sy'n ymwneud â'r canlynol: Beth mae pobl ifanc am ei ddysgu a'i gyflawni? Pa gefnogaeth y mae ei hangen arnoch i lwyddo? Pa bynciau hoffech eu hastudio? Beth yw eich dyheadau ar gyfer y dyfodol?

Yn dilyn y digwyddiad, a gaiff ei gynnal yn y flwyddyn newydd mae'n debyg, gellid rhoi dadansoddiad o'r canlyniadau a'r adborth i gyfarfod y PCC yn y dyfodol. Gallai aelodau'r PCC fynd i'r sesiwn gyda phobl ifanc pe bai gofyn.

Nododd fod un o'r swyddogion a oedd yn rhan o ddatblygu'r cynllun llwyddiannus ym Mhentrehafod wedi derbyn secondiad i'r adran i ymchwilio ymhellach i'r potensial ar gyfer rhoi'r arfer da ar waith mewn ysgolion cyfun eraill. Gallai swyddogion ddefnyddio'r data PABAN perthnasol a nifer y bobl ifanc NEET mewn ysgolion i dargedu'r gwaith i weithredu'r cynllun mewn ysgolion y mae ei angen arnynt fwyaf.

Cafodd cyfranogaeth rhieni yn llwyddiant cynllun Pentrehafod ei amlinellu a'i drafod. Byddai'n rhaid ystyried yn ofalus a ddylid cynnwys rhieni mewn cynlluniau eraill ai peidio.

Cyfeiriodd at gynlluniau cyfredol tebyg yn ysgolion cyfun Cefn Hengoed a Dylan Thomas.

Cyfeiriodd aelodau eto at y gorbwyslais ar gymwysterau academaidd i bobl ifanc a nodwyd bod angen hyrwyddo cyflawniadau galwedigaethol/ymarferol i'r un graddau.

Ailategwyd argaeledd cwricwlwm amgen/priodol i bobl ifanc, yn enwedig pan fyddant yn dewis eu hopsiynau.

Gofynnodd aelodau i'r Swyddog Llwybrau a benodwyd yn ddiweddar ddod i gyfarfod yn y dyfodol i amlinellu ei farn a'i gynlluniau ar gyfer y dyfodol.

PENDERFYNWYD ar y canlynol:

1) Dylai swyddogion adrodd yn ôl i'r PCC yn y flwyddyn newydd ar y cynigion am ymarfer ymgynghori â phobl ifanc.

2) Yn dilyn yr ymarfer, dylid cyflwyno adroddiad pellach i'r PCC ar y dadansoddiad/canlyniadau.

Trafododd yr aelodau'r diweddariadau i raglen waith ddrafft y pwyllgor.

Nodwyd diwygiadau i'r atodlen fel a amlinellwyd yn yr eitem flaenorol ac yn ystod y drafodaeth.

PENDERFYNWYD nodi'r rhaglen waith ddiwygiedig.