Agenda a Chofnodion

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

PENDERFYNWYD cytuno bod cofnodion y cyfarfod a gynhaliwyd ar 28 Medi 2016 yn gofnod cywir.

Rhoddwyd cyflwyniadau gan Sherill Hopkins a Phil Couch, Swyddogion Datblygu Polisi Cydraddoldeb, ar y diweddaraf am gydraddoldeb a Safonau'r Gymraeg yn eu trefn.

Rhoddwyd yr wybodaeth fanwl, ddiweddaraf gan Phil Couch ar Safonau'r Gymraeg.  Nododd y pethau canlynol:

·         Mesur y Gymraeg (Cymru) (2011)

·         Yr hen system a oedd yn cynnwys Cynlluniau'r Iaith Gymraeg o'i chymharu â Safonau newydd y Gymraeg a chostau posib methu cydymffurfio

·         Amserlen, gan gynnwys rheoliadau, hysbysiad cydymffurfio a dyddiadau gweithredu

·         Egwyddorion y Safonau

·         Y Safonau

·         Cynnydd

·         Cwynion

·         Problemau

·         Pryderon

·         Y Dyfodol

Gofynnodd yr aelodau gwestiynau i'r swyddog a ymatebodd yn briodol. Cafwyd trafodaeth am y gofynion gwahanol ar staff ac ymgynghori â'r cyhoedd; defnydd/gwelededd cyffredinol y Gymraeg ers cyflwyno'r Safonau; meysydd o bryder yn yr awdurdod a sut roedd y rhain yn cael eu datrys.

Rhoddwyd cyflwyniad manwl a llawn gwybodaeth gan Sherill Hopkins ar y diweddaraf am gydraddoldeb. Nododd y pethau canlynol: -

·         Cynllun Cydraddoldeb Strategol

·         Adroddiad Adolygu Cydraddoldeb ac Amrywiaeth

·         Asesiadau Effaith Cydraddoldeb

·         Cynnwys Cydraddoldeb

·         Edrych i'r Dyfodol……

·         Y diweddaraf am gydraddoldeb

Gofynnodd yr aelodau gwestiynau i'r swyddog a ymatebodd yn briodol. Cafwyd trafodaethau am gydraddoldeb/tegwch yn y broses gwneud penderfyniadau; Asesiadau Effaith Cydraddoldeb; ac arfer cydraddoldeb da o fewn yr awdurdod.

Diolchodd y Cadeirydd i'r Swyddogion am eu cyflwyniad addysgiadol.

PENDERFYNWYD:

1)    Nodi cynnwys y cyflwyniad llafar;

2)      Adroddiadau i'w cyflwyno yng nghyfarfod o'r pwyllgor yn y dyfodol.

Dywedodd y Cadeirydd wrth y pwyllgor yr ysgrifennwyd at Aelodau’r Cabinet Amgylchedd a Thrafnidiaeth a Thrawsnewid a Pherfformiad o ran barn y pwyllgor ar weithwyr asiantaethau ac roedd yn aros am benderfyniad.

Cyflwynodd y Cadeirydd gynllun gwaith wedi'i ddiweddaru ar gyfer 2016-2017.

PENDERFYNWYD nodi cynnwys yr adroddiad.