Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol: -

I Guy – Yr agenda yn ei chyfanrwydd – Aelod o Gynllun Pensiwn Llywodraeth Leol  – personol.

Y Cynghorydd A Lockyer – yr agenda yn ei chyfanrwydd – Aelod o Gynllun Pensiwn Llywodraeth Leol – personol.  Mae fy ngwraig a'm mab hefyd yn aelodau o Gynllun Pensiwn Llywodraeth Leol – personol.

Swyddogion:

J Dong – yr agenda yn ei chyfanrwydd – Aelod o'r Cynllun Pensiwn Llywodraeth Leol  – personol.

K Cobb – yr agenda yn ei chyfanrwydd – Aelod o'r Cynllun Pensiwn Llywodraeth Leol  – personol.

C Isaac – yr agenda yn ei chyfanrwydd – Aelod o'r Cynllun Pensiwn Llywodraeth Leol  – personol.

J Parkhouse - yr agenda yn ei chyfanrwydd - Aelod o'r Cynllun Pensiwn Llywodraeth Leol - personol a Chofnod Rhif 64 - Adroddiad Blynyddol 2019/20 - Clerc Cyngor Cymuned Llanrhidian Uchaf - personol.

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

Penderfynwyd cymeradwyo a llofnodi cofnodion cyfarfod y Bwrdd Pensiwn Lleol a gynhaliwyd ar 23 Gorffennaf 2020 fel cofnod cywir.

Cyflwynodd y Dirprwy Brif Swyddog Cyllid/Dirprwy Swyddog A151 Adroddiad Blynyddol Cronfa Bensiwn Dinas a Sir Abertawe ar gyfer 2019/20.

Esboniwyd bod datganiad ariannol drafft Cronfa Bensiwn Dinas a Sir Abertawe wedi'i gyflwyno'n flaenorol i'r Bwrdd Pensiwn Lleol ym mis Gorffennaf 2020. Roedd y datganiadau ariannol hynny'n cael eu harchwilio gan Archwilio Cymru ar hyn o bryd a byddai eu crynodeb o SRA 260 yn cael ei gyflwyno ym mhwyllgor nesaf y Bwrdd Pensiwn Lleol ym mis Tachwedd 2020.

Darparwyd Adroddiad Blynyddol Cronfa Bensiwn Dinas a Sir Abertawe 2019/20 yn Atodiad 1.

Trafododd y pwyllgor y canlynol: -

·         Esboniad bod 92% o'r gronfa'n cael ei hariannu a'r diffyg;

·         Buddion y Gronfa Bensiwn yn cael eu gwarantu gan Statud;

·         Gwella fformat y datganiad buddion blynyddol;

·         Effaith bosib y terfyn o £95,000 ac ymateb yr awdurdod i'r ymgynghoriad.

Penderfynwyd; -

1)    bod adroddiad ynghylch gwella fformat y datganiad buddion blynyddol yn cael ei ddarparu i gyfarfod y Bwrdd yn y dyfodol;

2)      bod yr ymateb i'r ymgynghoriad ynghylch y taliadau ymadael â therfyn o £95,000 yn cael ei ddosbarthu i'r Bwrdd.

Cyflwynodd y Dirprwy Brif Swyddog Cyllid/Dirprwy Swyddog Adran 151 adroddiad 'er gwybodaeth' a oedd yn darparu manylion unrhyw doriadau a gafwyd yn y cyfnod hwn yn unol â'r polisi Adrodd am Doriadau.

Yn Atodiad A darparwyd manylion y toriadau a gafwyd ers cyfarfod diwethaf Pwyllgor y Gronfa Bensiwn ym mis Gorffennaf 2020.  Amlygwyd manylion y toriadau a'r camau gweithredu a gymerwyd gan reolwyr.

Cyflwynodd y Dirprwy Brif Swyddog Cyllid/Dirprwy Swyddog S151 adroddiad 'er gwybodaeth' a oedd yn arfarnu cynnydd yn erbyn yr amcanion y cytunwyd arnynt ar gyfer yr ymgynghorwyr buddsoddi penodedig fel sy'n ofynnol gan yr Awdurdod Cystadleuaeth a Marchnadoedd (CMA).

Darparodd yr adroddiad ofynion CMA, pwysigrwydd yr amcanion, pennu amcanion ar gyfer ymgynghorwyr, mesur llwyddiant mewn arfer ac adrodd am gydymffurfio.

Darparodd Atodiad 1 Amcanion Perfformiad yr Ymgynghorydd Buddsoddi.

Darparodd y Dirprwy Brif Swyddog Cyllid/Dirprwy Swyddog S151 adroddiad 'er gwybodaeth' a gyflwynodd ganlyniadau Asesiad Gwybodaeth Cenedlaethol y Cynllun Pensiwn Llywodraeth Leol.

Amlinellwyd bod y pwyllgor wedi cymeradwyo cynllun hyfforddi'r ymddiriedolwyr ar gyfer Pwyllgor y Gronfa Bensiwn a'r Bwrdd Pensiwn Lleol yn ei gyfarfod ym mis Mawrth 2020.  Yn gynwysedig yn y cynllun hyfforddi oedd argymhelliad i aelodau'r Pwyllgor a'r Bwrdd gynnal Asesiad Gwybodaeth Cenedlaethol y Cynllun Pensiwn Llywodraeth Leol ar-lein a weinyddir gan Hymans Robertson ac roedd gan yr arolwg gyfradd cyfranogiad gyfunol o 69% ar gyfer y Bwrdd a'r Pwyllgor.

Darparwyd canlyniadau Abertawe yn Atodiad 1 a nodwyd bod sgôr gyfartalog o 63%, gan roi Abertawe yn y 7ed safle o 18 o gronfeydd gyda'r Pwyllgor ar gyfartaledd o 68.79% a'r Bwrdd ar gyfartaledd o 58.16%.  Darparwyd canlyniadau ar gyfer yr holl ymatebwyr yn Atodiad 2.

Ychwanegwyd bod yr asesiad wedi nodi meysydd penodol lle roedd angen rhywfaint o hyfforddiant ychwanegol ar yr aelodau, sef Gweinyddu Pensiynau a phrisiad Actiwaraidd.  Gallai'r meysydd hyn felly lywio gofynion hyfforddi yn y dyfodol.  Hefyd, nododd yr Aelodau yr hyfforddiant yr hoffent ei gael yn y dyfodol ar reoli risgiau ac Adran 13.

Roedd Hymans Robertson wedi llunio cynllun hyfforddi awgrymedig gan ddefnyddio'r wybodaeth a gafwyd o'r asesiad a byddai'n cytuno ar gynllun gweithredu gyda'r Dirprwy Brif Swyddog Cyllid.

Soniodd y Cadeirydd am bwysigrwydd y canlyniadau a oedd yn nodi'r gofynion hyfforddi.

Gofynnwyd i'r Bwrdd wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhelliad/ion yr adroddiad ar y sail ei bod/eu bod yn debygol o ddatgelu gwybodaeth eithriedig fel a nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitem(au) f/busnes a nodir yn yr adroddiad.

Ystyriodd y pwyllgor brawf budd y cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle roedd prawf budd y cyhoedd yn berthnasol fel a nodir yn yr adroddiad.

Penderfynwyd y dylid gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Darparodd y Dirprwy Brif Swyddog Cyllid/Dirprwy Swyddog A151 adroddiad 'er gwybodaeth' yr Ymgynghorwyr Buddsoddi Annibynnol, a gyflwynodd Adroddiad Monitro Buddsoddi Chwarter 2 2020.

Soniodd y Bwrdd am y canlyniadau da er gwaethaf y sefyllfa bresennol.

Darparodd y Dirprwy Brif Swyddog Cyllid/Dirprwy Swyddog Adran 151 adroddiad 'er gwybodaeth' a oedd yn rhoi'r diweddaraf i'r Pwyllgor am gynnydd Partneriaeth Pensiwn Cymru.

Roedd Atodiad 1 yn darparu'r adroddiad cynnydd a diweddaru a ddarparwyd gan weithredwr y Cynllun Contractiol Awdurdodedig (CCA), Link Asset Services. 

Darparodd Atodiad 2 Bolisi Gwrthdaro Buddiannau Drafft PPC, darparodd Atodiad 3 Bolisi Risg Hinsawdd PPC Drafft ac Atodiad 4 Datganiad Cyfrifon Drafft y PPC 2019/20.

Yn y diweddariad cyfeiriwyd at lansio cyfran 3 y gronfa incwm sefydlog ar ddiwedd mis Gorffennaf 2020, a ohiriwyd tan ddiwedd mis Medi 2020.

Dywedodd y Cadeirydd fod yr hyfforddiant ymgysylltu a ddarparwyd gan y gronfa wedi gwneud argraff fawr arno.

Penderfynwyd bod y Dirprwy Brif Swyddog Cyllid/Dirprwy Swyddog A151 yn adrodd am faterion Amgylcheddol, Cymdeithasol a Llywodraethu sy'n ymwneud â'r Cynllun Pensiwn Llywodraeth Leol mewn cyfarfod yn y dyfodol.

Rhoddodd y Dirprwy Brif Swyddog Cyllid/Swyddog Adran 151 adroddiad 'er gwybodaeth' a oedd yn cynnwys y perfformiad buddsoddi ar gyfer y chwarter, y flwyddyn a'r 3 blynedd a ddaeth i ben ar 30 Mehefin 2020.

Atodwyd crynodebau buddsoddi chwarterol y Gronfa Bensiwn ar gyfer y chwarter, y flwyddyn a'r 3 blynedd a ddaeth i ben ar 30 Mehefin 2020 yn Atodiad 1.