Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

Y Cynghorwyr C Anderson, P M Black, W Evans, M H Jones, M B Lewis, R D Lewis, P Lloyd, C Richards, P B Smith, D W W Thomas a T M White – Personol – Eitem 4 – Cais Cynllunio 2020/116/106 – mae'r ymgeisydd yn gyd-gynghorydd.

Cymeradwyo a llofnodi cofnodion y cyfarfod(ydd) blaenorol fel cofnod cywir

Penderfynwyd cymeradwyo cofnodion cyfarfodydd Pwyllgorau Cynllunio a gynhaliwyd ar 1 a 6 Hydref 2020 fel cofnodion cywir.

Dim.

Cyflwynwyd cyfres o geisiadau cynllunio ar ran Pennaeth Cynllunio ac Adfywio'r Ddinas.

1) Cymeradwyo'r ceisiadau cynllunio y cyfeirir atynt isod yn amodol ar yr amodau yn yr adroddiad.

(Eitem 1) – Cais Cynllunio 2020/0097/FUL - Adeiladu llety myfyrwyr pwrpasol uchel iawn â 328 gwely gyda gwaith parcio, mynediad a seilwaith cysylltiedig ar dir i’r gogledd o Jockey Street, Abertawe.

Rhoddwyd cyflwyniad gweledol manwl.

Anerchodd Matthew Gray (asiant) y Pwyllgor a siaradodd o blaid y cynigion.

Cymeradwywyd y cais yn amodol ar gytundeb Adran 106.

(Eitem 2) – Cais Cynllunio 2019/2882/S73 - Datblygiad preswyl sy'n cynnwys 70 o dai annedd gyda ffyrdd a lle agored cysylltiedig, (manylion golwg, tirlunio, cynllun a maint y datblygiad gan gynnwys lefelau arfaethedig o ganiatâd cynllunio ar gyfer pob tŷ annedd 2006/0650 fel y'i hamrywir gan 2011/0329 a 2013/0425) ar dir ym Mryn Hawddgar, Clydach, Abertawe (Amrywiad ar amod 1 caniatâd cynllunio 2018/1279/RES a roddwyd ar 6 Rhagfyr 2018 i ddiwygio'r cynlluniau cymeradwy ar Dir ym Mryn Hawddgar, Clydach, Abertawe.

Rhoddwyd cyflwyniad gweledol.

Anerchodd Phil Baxter (asiant) y Pwyllgor a siaradodd o blaid y cynigion.

Anerchodd y Cynghorydd P B Smith (Aelod Lleol) y Pwyllgor a siaradodd o blaid pryderon y preswylwyr lleol ynghylch problemau draenio posib sy'n deillio o'r safle.

(Eitem 3) – Cais Cynllunio 2020/1818/FUL - Dormer blaen, estyniad i dalcen cefn y to, cyntedd blaen, ail-doi prif ran yr annedd, gosod ffenestri to, ychwanegiadau at y ffenestriad ac addasiadau iddo , estyniad i'r dramwyfa01810, y sied gefn a’r storfa feiciau yn 19 Manselfield Road, Murton, Abertawe.

Rhoddwyd cyflwyniad gweledol.

(Eitem 4) – Cais Cynllunio 2020/1169/106 - Ffermdy newydd (Addasu cymal 4a a 4b o gytundeb A52 ar ganiatâd cynllunio 2/2/88/0046/03 a roddwyd ar 28 Ebrill 1989) a rhoi cyfyngiad annedd menter wledig TAN6 yn ei le yn llain 6717 Ochr Ogleddol Ffermdy Llannant, Llannant Road, Gorseinon, Abertawe.

Rhoddwyd cyflwyniad gweledol.

Cymeradwywyd y cais yn amodol ar gytundeb Adran 106.