Lleoliad: Ystafell Bwyllgor 5 - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd - Ffon: (01792) 636923
Rhif | Eitem |
---|---|
Datgeliadau o fuddiannau personol a rhagfarnol. Cofnodion: Yn unol â'r Côd Ymddygiad a fabwysiadwyd
gan Ddinas a Sir Abertawe, ni ddatgelwyd unrhyw fuddiannau. |
|
To approve & sign the Minutes of the previous meeting(s) as a correct record. Cofnodion: NODWYD na chafwyd cworwm yn y cyfarfod blaenorol. |
|
Ariannu ein Tai Newydd: Problemau a Chyfleoedd. Cofnodion: Dywedodd Mike
Hawes, Cyfarwyddwr Adnoddau, fod nifer o gymhlethdodau ynghylch ariannu'r
rhaglen adeiladu tai newydd. Mae
deddfwriaeth yn Lloegr yn wahanol i'r hyn a geir yng Nghymru felly nid oedd
modd i'r 11 awdurdod lleol yng Nghymru addasu a defnyddio unrhyw gyngor
cyfreithiol a roddwyd i awdurdodau lleol yn Lloegr (roedd gweddill yr
awdurdodau lleol yng Nghymru wedi trosglwyddo'u stoc tai'n flaenorol). Dywedodd ei fod wedi
bod mewn cysylltiad â chydweithwyr yng Nghyngor Sir Gâr i gael dealltwriaeth
o'u cynnydd. Er y cysylltwyd â'r 10 awdurdod lleol arall yng Nghymru i ganfod eu
cynnydd, nid oeddent wedi ymateb o hyd. Fel cefndir,
dywedodd fod awdurdodau lleol yn cael eu cyfeirio gan statud ac mae'n rhaid bod
ganddynt felly gefnogaeth statudol er mwyn gwneud unrhyw benderfyniadau. Roedd 'Hyrwyddo Lles' fel a fanylir yn Neddf
Awdurdodau Lleol 2000 yn rhoi pwerau i awdurdodau lleol weithredu er budd
pennaf trethdalwyr lleol. Roedd Hyrwyddo
Lles hefyd wedi'i gynnwys wrth hybu tai fforddiadwy a chymdeithasol. Roedd dwy
ddeddf arall yn berthnasol yn y cyd-destun hwn sef Deddf Lleoliaeth
2011, a oedd yn rhoi pŵer cymhwysedd cyffredinol ar gyfer lles trethdalwyr
(er nad oedd hyn yn gymwys yng Nghymru, byddai deddfwriaeth wahanol i Gymru'n darparu darpariaeth debyg) a Deddf Awdurdodau Lleol
2013 a oedd yn rhoi'r gallu i awdurdodau lleol ymgymryd â gweithgareddau
masnachu (er drwy gwmni 'hyd braich').
Dywedwyd bod cyngor yn cael ei geisio ar hyn o
bryd ynghylch a oedd y term 'masnachu' yn cynnwys y gallu i adeiladu tai a
cheisio eglurhad ar faterion cyfreithiol cymhleth yn gyffredinol. Mewn ymateb i
gwestiynau gan aelodau, dyma a ddywedwyd gan y
Cyfarwyddwr Adnoddau: a)
Ni
fyddai'r awdurdod yn gallu benthyg mwy na £6m at ddibenion adeiladu tai newydd
ar yr adeg benodol hon: b)
Yn
dilyn rhoi Safon Ansawdd Tai Cymru ar waith yn 2020, gellid defnyddio'r gwarged
o'r Cyfrif Refeniw Tai (CRT) a fyddai'n flaenorol wedi cael ei wario ar atgyweiriadau
a chynnal a chadw i dalu dyledion/cyfrannu'n uniongyrchol at adeiladu tai
newydd; c)
Roedd
Hyrwyddo Lles (Deddf Awdurdodau Lleol 2000) hefyd yn cynnwys hyrwyddo tai
fforddiadwy a chymdeithasol, nid eu darparu.
Prin oedd y cyngor i awgrymu y byddai'r Ddeddf yn caniatáu adeiladu tai
ar yr adeg benodol hon; d)
Roedd
Deddf Tai 1985 yn rhoi pwerau arbennig i awdurdodau lleol godi, caffael,
helaethu, atgyweirio, newid neu werthu darn o dir at ddibenion tai
cymdeithasol. Roedd yr holl
weithgareddau hyn i'w cynnal o fewn y Cyfrif Refeniw Tai neilltuedig. Nid oedd y ddeddfwriaeth yn caniatáu i'r
awdurdod ddefnyddio cymhorthdal o gyfrifon eraill ac roedd yn anghyfreithlon
i'r CRT drosglwyddo arian i gyfrifon gwahanol; e)
Gall
fod yn ddichonadwy i'r awdurdod adeiladu dan CRT â chynllun perchnogaeth
rannol. Yn ogystal, pan adeiladwyd yr
adeilad, byddai'n dderbyniad cyfalaf ac efallai byddai elfen o'r derbyniad yn
daladwy i Lywodraeth Cymru. Roedd heriau
ar waith ar hyn o bryd o ran y farn gyfreithiol
honno; f)
Mae'n
bosib ei fod yn gyfreithiol gwerthu islaw gwerth y farchnad er mwyn darparu tai
fforddiadwy i, er enghraifft, brynwyr am y tro cyntaf. Fodd bynnag, mae'n rhaid i'r awdurdod gael
caniatâd Swyddfa Archwilio Cymru; g)
Byddai
angen i'r awdurdod fod yn glir ynghylch y rhesymeg dros ddefnyddio'r Gronfa
Gyffredinol i ariannu perchnogaeth gymysg ac nid yw awdurdodau lleol yng Nghymru'n credu bod ganddynt y pŵer i adeiladu. Un opsiwn oedd archwilio'r defnydd o gwmnïau
tai a fyddai'n ddefnydd 'hyd braich'. Er
hyn, roedd yr ymagwedd hon yn creu mathau gwahanol o faterion rheoli i'r
graddau nad oedd modd i'r cyngor reoli'r cwmni, ac nid y cyngor fyddai'n
gyfrifol am unrhyw renti/gyfrifoldebau. Roedd hyn yn ei dro yn golygu nad oedd
tai'n cael eu dosbarthu'n 'dai cyngor'; h)
Er
bod gan yr awdurdod y pŵer i dalu rhent rhywun dan bwerau digartrefedd,
mae'n ymddangos nad oes ganddynt y pŵer dan y Gronfa Gyffredinol i
adeiladu tai; i)
Mae
rhai materion o ran y potensial i werthu/trosglwyddo tir yr awdurdod lleol (gan
gynnwys y Gronfa Gyffredinol) i gwmni o'r fath, yn seiliedig ar werth (byddai
angen cymeradwyaeth ar gyfer unrhyw beth dan werth y farchnad, gan gynnwys
ystyried treth stamp, treth tir, treth gorfforaeth a gwerthu). j)
Ar
gyfer unrhyw gyfraniad cyfalaf mewn unrhyw ffordd, byddai angen datrys materion
ynghylch blaenoriaethu a gallu'r cyngor i reoli dyled; k)
Nid
yw'r materion hyn yn gysylltiedig â chost adeiladu'n unig, roedd materion hefyd
o ran gwerth y tir. Pe bai'r tir yn dir
prydles, byddai'n cael ei ddosbarthu'n ased cyfalaf, er ei fod yn ased
gohiriedig; l)
Gallai
tir y Gronfa Gyffredinol gael ei gyfnewid o bosib â thir y CRT; Byddai hynny'n seiliedig ar werth cyfwerth neu addasu tâl; m) Mae'n bosib y gallai adeiladu o fewn y CRT
at ddibenion ailwerthu wrthdaro ag atal hawl tenantiaid i brynu. n)
Mae
pwerau cyfarwyddeb cyfalafu posib ar gael gan Lywodraeth Cymru, ond nid oes
rhai ar gael ar hyn o bryd. Beth bynnag, mae'r pwerau hyn yn rhoi awdurdod i
fenthyca ac ni fyddent yn cynnwys taliadau ariannu dyled; o)
Mae
angen archwilio cytundebau Adran 106 sy'n ymwneud â'r
ddarpariaeth tai cymdeithasol fel ffynhonnell ariannu posib. Diolchodd y
cadeirydd i'r Cyfarwyddwr Adnoddau am ei gyflwyniad llawn gwybodaeth. PENDERFYNWYD: 1.
Y
dylai'r Cyfarwyddwr Adnoddau roi'r diweddaraf yn y dyfodol o ran defnyddio'r
Gronfa Gyffredinol i ddarparu tai fforddiadwy; 2.
Y
dylai'r Cyfarwyddwr Adnoddau ddarparu'r diweddaraf yn y dyfodol o ran
cytundebau Adran 106 a chyfraniadau datblygwyr i dai cyngor yn Abertawe. 3.
Y
dylid NODI'R cyflwyniad. |
|
Cynllun Gwaith 2016 - 2017. PDF 63 KB Cofnodion: Cyflwynodd y
cadeirydd gynllun gwaith wedi'i ddiweddaru ar gyfer 2016/2017. PENDERFYNWYD: 1.
Y
bydd y pwyllgor yn derbyn cyflwyniad gan Bartneriaethau Lleol (sefydliad a
noddir gan Lywodraeth Cymru) yn y cyfarfod a drefnwyd ar gyfer 9 Chwefror,
2017; a 2. Galw cyfarfod arbennig ynghyd i ystyried Pecyn Croeso Passiv Haus i denantiaid. |