Agenda a Chofnodion

Penderfynwyd ethol y Cynghorydd D H Hopkins yn Gadeirydd Dros Dro.

Y Cynghorydd D H Hopkins (Cadeirydd Dros Dro) fu'n llywyddu.

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw gysylltiadau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo cofnodion y Panel Ariannu Allanol a gynhaliwyd ar 6 Chwefror 2019 fel cofnod cywir.

Cyflwynodd y Swyddog Strategaeth Trafnidiaeth adroddiad i gymeradwyo'r cais am gyllid ar gyfer y Gronfa Teithio Llesol, y Gronfa Trafnidiaeth Leol a Chronfa'r Rhwydwaith Trafnidiaeth Leol ar gyfer 2019/20.

Penderfynwyd y byddai'r Panel Ariannu Allanol yn cymeradwyo'r cais i’r Gronfa Teithio Llesol, y Gronfa Trafnidiaeth Leol a Chronfa'r Rhwydwaith Trafnidiaeth Leol ar gyfer 2019/20.

Cyflwynodd Pennaeth Uned Gerdd Abertawe adroddiad er mwyn rhoi gwybod i'r panel am y cyllid sydd ar gael gan CLlLC ar gyfer y Ddarpariaeth Gwasanaethau Cerdd mewn Ysgolion ar gyfer 2018-2019.

Yn ogystal â'r adroddiad ysgrifenedig, darparwyd papur arall a oedd yn trafod y 'Cefndir a baratowyd gan CAGAC (Cymdeithas Addysg Cerdd Awdurdodau Cymru)’.

Penderfynwyd y byddai'r panel yn nodi'r goblygiadau sydd yn yr adroddiad ac, yn dilyn hynny, yn cymeradwyo derbyn y grant.