Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw gysylltiadau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion y Panel Ariannu Allanol a gynhaliwyd ar 6 Mehefin 2018 fel cofnod cywir.

Cyflwynodd y Rheolwr Datblygu Rhagor o Gartrefi adroddiad er mwyn rhoi manylion ar Grant Tai Fforddiadwy a Rhaglen Tai Arloesol Llywodraeth Cymru i gefnogi cyflwyno 20,000 o gartrefi fforddiadwy newydd yng Nghymru.

Penderfynwyd:

1)              Cymeradwyo galluogi'r cyngor i dderbyn dyraniad y Grant Tai Fforddiadwy ar gyfer 18/19 a 19/20, yn amodol ar yr amodau a amlinellwyd ym mharagraffau 2.2 a 2.3 yr adroddiad, a chymeradwyo defnyddio'r grant ar gyfer y rhaglen datblygu drwy'r broses FPR7;

2)              Cymeradwyo cyflwyno cais am arian i’r Rhaglen Tai Arloesol (IHP2) ar gyfer cam 2 cynllun Colliers Way.

Cyflwynodd Aelod y Cabinet dros Wella Addysg, Dysgu a Sgiliau adroddiad i hysbysu'r Panel Ariannu Allanol am y Rhaglen Amlinellol Strategol gymeradwy ar gyfer Band B Rhaglen Ysgolion yr 21ain Ganrif a phroffil arwyddol y gwariant a'r amserlenni ar gyfer cyflwyno'r rhaglen.

Dywedodd y cadarnhawyd, o ganlyniad i drafodaethau â Llywodraeth Cymru, nad yw Ysgolion Ffydd yn gymwys am gynllun ar ffurf Model Buddsoddi Cydfuddiannol.  Dywedodd Aelod y Cabinet y bydd y panel yn cael ei hysbysu am gynnydd ar y mater hwn.

Penderfynwyd y dylai’r Panel Ariannu Allanol nodi cynnwys y rhaglen a phroffil disgwyliedig y gwariant a'r amserlenni ar gyfer cyflwyno'r rhaglen.

Cyflwynodd Aelod y Cabinet dros Wella Addysg, Dysgu a Sgiliau adroddiad i hysbysu'r Panel Ariannu Allanol am y cais am grant cyfalaf i gynyddu darpariaeth cyfrwng Cymraeg a phroffil arwyddol y gwariant a'r amserlenni ar gyfer cyflwyno'r rhaglen.

Penderfynwyd y dylai’r Panel Ariannu Allanol nodi cynnwys y cais a phroffil disgwyliedig y gwariant a'r amserlenni ar gyfer cyflwyno'r rhaglen.

Cyflwynodd y Rheolwr Cynllunio a Galluogi Strategol adroddiad yn ceisio cymeradwyaeth ar gyfer cyflwyno cais am grant i Lywodraeth Cymru er mwyn adeiladu safle Sipsiwn a Theithwyr newydd.

Penderfynwyd cyflwyno cais am gyllid Grant Cyfalaf i Lywodraeth Cymru.