Agenda a Chofnodion

Penderfynwyd ethol y Cynghorydd J Raynor yn Gadeirydd Dros Dro.

Y Cynghorydd J Raynor (Cadeirydd) fu'n llywyddu

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiannau canlynol:

Datganodd y Cynghorydd J Raynor fudd personol yng nghofnod rhif 35 "Cais am grant Llwybrau Diogel mewn Cymunedau Llywodraeth Cymru 2017/18 - Cyllid Ychwanegol (Rhagfyr 2017)" - roedd gan y Cynghorydd geisiadau diogelwch ffyrdd yn ei ward.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo cofnodion y Panel Ariannu Allanol gynhaliwyd ar 10 Ebrill 2018 yn gofnod cywir.

Ystyriodd y panel yr adroddiad a oedd yn darparu gwybodaeth ychwanegol am y cais am grant Llwybrau Diogel mewn Cymunedau Llywodraeth Cymru 2017/18.

Mae'r fenter Llwybrau Diogel mewn Cymunedau yn gwella darpariaeth llwybrau cerdded a beicio mewn cymunedau, yn enwedig y tu allan i ysgolion ac o'u hamgylch. Nod hyn yw annog ffordd fwy cynaliadwy o fyw mewn cymunedau a mynd i'r afael â materion eithrio cymdeithasol.

Penderfynwyd:

1)              Mae'r Panel Ariannu Allanol yn caniatáu i swyddogion dderbyn arian grant ychwanegol ar gyfer Llwybrau Diogel mewn Cymunedau;

2)              Mae prosiectau'n cael eu datblygu a'u rhoi ar waith er mwyn creu amgylcheddau cerdded a beicio sy'n fwy diogel ar hyd Heol/Stryd Llangyfelach i Heol Cwm Lefel;

3)              Mae prosiectau'n cael eu datblygu a'u rhoi ar waith er mwyn creu amgylcheddau cerdded a beicio sy'n fwy diogel yn ardal Gŵyr.