Agenda a Chofnodion

Derbyniwyd ymddiheuriadau am absenoldeb gan y Cynghorwyr A S Lewis a C Richards.

 

www.swansea.gov.uk/disclosuresofinterests

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddion canlynol:

 

Y Cynghorydd J E C Harris - Rhif Cofnod 40 - Trosolwg o'r Ceisiadau Presennol a'r Rhai Sydd ar Ddod am Arian Ewropeaidd ac Allanol - Personol fel Cadeirydd y Fforwm Plant sy'n Derbyn Gofal a Rhif Cofnod 41 - Cronfa Trawsnewid Gweithredu yn y Gymuned (04 – Eglwys Gymunedol Bont Elim) – yn hysbys i'r Cynghorydd a (07 - Partneriaeth Pontarddulais) - Rhagfarnol - Cadeirydd Partneriaeth Pontarddulais gadawodd y cyfarfod cyn i'r eitem hon gael ei thrafod.

 

Y Cynghorydd C E Lloyd - Rhif Cofnod 41 - Cronfa Trawsnewid Gweithredu yn y Gymuned (03 - Eglwys St Thomas - Cloc a 05 Cymdeithas Fowls Abertawe - Personol - yn hysbys i'r cynghorydd.

 

Y Cynghorydd J A Raynor - Rhif Cofnod 40 - Trosolwg o'r Ceisiadau Presennol a'r Rhai Sydd ar Ddod am Arian Ewropeaidd ac Allanol - Personol fel aelod o'r fforwm Magu Plant Corfforaethol ac yn Rhagfarnol - Aelod o'r Panel Craffu a oedd wedi argymell cymhwyso'r arian ar gyfer y swydd.

 

Y Cynghorydd R C Stewart - Rhif Cofnod 41 - Cronfa Trawsnewid Gweithredu yn y Gymuned (06 – Cymdeithas Fowls Coed Gwilym) – Personol - yn hysbys i'r ymgeisydd.

Cymeradwyo a llofnodi, fel cofnod cywir, gofnodion y Panel Ariannu Allanol blaenorol.

PENDERFYNWYD y dylid cymeradwyo cofnodion cyfarfod y Panel Ariannu Allanol a gynhaliwyd ar 3 Chwefror 2016 fel cofnod cywir.

 

Roedd Prif Swyddog Dros Dro'r Gwasanaethau Plant a Theuluoedd wedi rhoi'r wybodaeth ddiweddaraf o ran arian Llywodraeth Cymru ar gyfer y Prosiect Peilot Therapi Grŵp i Arddegwyr sy'n Derbyn ac yn Gadael Gofal y mae perygl y bydd eu plant eu hunain yn dod yn Blant sy'n derbyn Gofal (PDG).

 

Ymddiheurodd am y diofalwch o ran peidio â derbyn caniatâd gan y Panel Ariannu Allanol cyn cyflwyno'r cais i Lywodraeth Cymru (LlC).

 

Gofynnwyd i'r panel dderbyn y cynnig ariannu a gynigiwyd gan LlC am fenter therapiwtig i dorri'r cylch cenedliadol o PDG yn dod yn rhiant ifanc sy'n aml yn cael plant sy'n dod yn PDG.

 

Byddai'r arian yn cefnogi Prosiect Peilot 3 blynedd, â'r bwriad o leihau cenedlaethau'r dyfodol o deuluoedd sydd eisoes yn hysbys i'r Gwasanaethau Cymdeithasol Plant a Theuluoedd sy'n dod yn PDG, ynghyd â gwella canlyniadau i'n plant sy'n gadael gofal.

 

PENDERFYNWYD derbyn yr arian fel y'i nodwyd yn y Llythyr Cynnig Grant gan Lywodraeth Cymru.

Dechreuodd y cadeirydd drwy egluro nad oedd y ceisiadau a oedd yn cael eu hystyried gan y Panel heddiw wedi'u hystyried na'u cymeradwyo gan y Panel cyn y cyfarfod, fel yr awgrymwyd mewn erthygl a gyhoeddwyd gan bapur newydd lleol.

 

Cyflwynodd Cydlynydd y Trydydd Sector adroddiad ynghylch ceisiadau ar gyfer pedwaredd rownd ariannu'r Gronfa Trawsnewid Gweithredu yn y Gymuned.  Cafodd cefndir y Gronfa a'r egwyddorion sy'n sail iddi, ynghyd â'r meini prawf y dylai ceisiadau eu bodloni a'r hyn y gellid eu defnyddio ar ei gyfer, eu manylu yn yr adroddiad.

 

Nododd aelodau y derbyniwyd 7 cais erbyn y dyddiad cau ar gyfer pedwaredd rownd y gronfa ar 4 Mawrth 2016 fel a ganlyn:

 

1.       Cymdeithas Bowls Cymunedol Parc Williams

 

2.       Cymdeithas Fowls Beaufort

 

3.       Cloc Eglwys St Thomas

 

4.       Eglwys Gymunedol Bont Elim

 

5.       Cymdeithas Fowls Dinas a Sir Abertawe

 

6.       Cymdeithas Fowls Coed Gwilym

 

7.       Partneriaeth Pontarddulais

 

Trafododd grynodeb y ceisiadau a fanylwyd yn Atodiad A ac Atodiadau B1 i B7.

 

Trafododd aelodau'r ceisiadau gan ofyn cwestiynau i'r Swyddogion a ymatebodd yn unol â hyn.

 

CYTUNODD y Panel y dylid:

 

1.       CYMERADWYO'R cais a gyflwynwyd gan Gymdeithas Bowls Cymunedol Parc Williams, sef swm o £24,277.

 

2.       CYMERADWYO'R cais a gyflwynwyd gan Gymdeithas Fowls Beaufort, sef swm o £15,000.

 

3.       CYMERADWYO'R cais a gyflwynwyd gan Eglwys St Thomas, sef swm o £2,155.

 

4.       GWRTHOD y cais a gyflwynwyd gan Eglwys Gymunedol Bont Elim.

 

5.       CYMERADWYO'R cais a gyflwynwyd gan Gymdeithas Fowls Dinas a Sir Abertawe ar gyfer y swm o £37,000 - cytunwyd hefyd y gellir rhoi'r cyfle i'r grŵp gyflwyno cais arall i'r gronfa yn y dyfodol.  Dyfarnwyd arian cynnal a chadw am flwyddyn yn hytrach na'r tair blynedd y gofynnwyd amdano, fodd bynnag mae'r Panel yn sylweddoli y gallai fod angen mwy o gefnogaeth i gynnal a chadw tair lawnt fowls yn unol â'r cais na grwpiau ymgeisio sy'n cynnal un lawnt.

 

6.       Cymeradwyo'r cais a gyflwynwyd gan Gymdeithas Fowls Coed Gwilym, sef swm o £2,010. Ystyrir hefyd unrhyw ofynion o dan ddeddfwriaeth gynllunio ar gyfer y cynhwysydd storio.

 

7.       GWRTHOD y cais a gyflwynwyd gan Bartneriaeth Pontarddulais.