Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatgelwyd unrhyw fuddiannau.

Yn unol â Mesur Llywodraeth Leol (Cymru) 2011, ni chafwyd unrhyw ddatganiadau o bleidleisiau chwip na chwipiau'r pleidiau.

Cymeradwyo a llofnodi cofnodion y cyfarfod(ydd) blaenorol fel cofnod cywir. 

PENDERFYNWYD cytuno bod cofnodion cyfarfod Pwyllgor y Rhaglen Graffu a gynhaliwyd ar 11 Gorffennaf 2016 yn gofnod cywir.

Ni chafwyd unrhyw gwestiynau gan y cyhoedd.

Rhoddodd y Cynghorydd J A Raynor sylwadau agoriadol a gwybodaeth am ei phortffolio cabinet cyn cymryd cwestiynau gan y pwyllgor.

Yna derbyniodd gwestiynau gan aelodau'r pwyllgor ynghylch y meysydd canlynol:

·       Y gost i'r awdurdod o ran yr oedi gyda chais Maes Pentref Parc y Werin;

·       Ardal chwarae ym Mharc y Werin;

·       Darpariaeth addysg heblaw yn yr ysgol (EOTAS);

·       Y gost sy'n gysylltiedig â lleoedd dros ben;

·       Y cynllun ar gyfer y dyfodol o ran Rhaglen Dechrau'n Deg;

·       Amserlenni ac effaith oedi gyda Grant Gwella Addysg (EIG) 2016-2017;

·       Problemau gydag un ysgol gynradd yn gwrthod cymryd rhan mewn craffu ar arsylwadau gwersi;

·       Dirprwyo cyllidebau i ysgolion;

·       Presenoldeb ysgolion;

·       Lleoliadau y tu allan i'r dalgylch;

·       Dilyniant busnes (bomiau ffug mewn ysgolion cyfun mawr);

·       Y rhagolygon ar gyfer y ddwy ysgol a nodwyd yn y categori cefnogaeth COCH;

·       Ymgynghorwyr Herio;

Cyfeiriodd y Cadeirydd at y strwythur diwygiedig ar gyfer addysg gan ofyn i enwau gael eu nodi ynghyd â theitlau swyddi/meysydd gwasanaeth.

PENDERFYNWYD y dylai cadeirydd Pwyllgor y Rhaglen Graffu ysgrifennu at Aelod y Cabinet, gan adlewyrchu'r drafodaeth a rhannu barn y pwyllgor.

Cyflwynodd y Cydlynydd Craffu adroddiad a oedd yn gofyn i’r pwyllgor ystyried anghenion cefnogi a datblygu cynghorwyr craffu.

Cyfeiriodd at yr adborth o'r arolwg cynghorwyr blynyddol ar anghenion hyfforddi a datblygu, Rhaglen Hyfforddiant a Datblygiad y cyngor y cytunwyd arni ar gyfer 2016/17 a chymorth posib gan Gymdeithas Llywodraeth Leol Cymru ar gyfer gwasanaethau cefnogi a datblygu i gynghorwyr.

Trafododd yr aelodau'r materion canlynol:

·       Mae gan Bennaeth y Gwasanaethau Democrataidd gyfanswm cyllideb o £3,000 yn unig ar gyfer hyfforddiant aelodau;

·       Mae offer e-ddysgu'n ddefnyddiol;

·       Byddai hyfforddiant ar sgiliau cwestiynu'n fuddiol - i sicrhau y gofynnir y cwestiynau cywir a bod y cwestiynu'n gadarn;

·       Croesewir cymorth gan CLlLC wrth ddatblygu modiwl e-ddysgu sefydlu craffu; a'r

·       Angen i ddefnyddio profiad/arbenigedd cynghorwyr penodol.

PENDERFYNWYD bod aelodau'n trosglwyddo unrhyw sylwadau am gymorth a datblygiad i'r Cydlynydd Craffu.

Cyflwynodd y Cadeirydd adroddiad a oedd yn ychwanegu at y protocol y cytunwyd arno'n flaenorol ar gydweithrediad drwy gynnig arweiniad i aelodau cyfetholedig unwaith y byddant wedi ymuno â phaneli a gweithgorau.

PENDERFYNWYD CYTUNO ar yr arweiniad.

Cyfeiriodd y Cadeirydd at Adroddiad Cynnydd y Panel Perfformiad Craffu - Gwasanaethau Plant a Theuluoedd, a dywedodd nad oedd y Cynghorydd P R Hood-Williams yn gallu dod i'r cyfarfod.

PENDERFYNWYD y byddai'r adroddiad yn cael ei NODI.

Cyflwynodd y Cadeirydd adroddiad chwarterol drafft gan Bwyllgor y Rhaglen Graffu i'r cyngor am effaith craffu.

PENDERFYNWYD cytuno ar gynnwys yr 'Adroddiadau Craffu' drafft a'u cyflwyno i'r cyngor ar 22 Medi 2016.

Cyflwynodd y Cadeirydd y rhaglen waith a chyfeirio at yr ymholiadau newydd posib a'r angen i ddatblygu cylch gorchwyl clir a phendant i sicrhau y cwblheir casglu tystiolaeth cyn diwedd 2016 er mwyn rhoi amser i lunio'r adroddiadau terfynol a chytuno arnynt ar ddechrau 2017.

Dywedodd y Cadeirydd y cynhelir cyfarfod nesaf y trefniant craffu rhanbarthol gyda'r chwe chyngor sy'n rhan o gonsortiwm gwella ysgolion 'Ein Rhanbarth ar Waith’ (ERW) ym mis Medi yng Nghyngor Sir Benfro.

Nodwyd y derbyniwyd cais gan y cyhoedd i graffu ar Dai Amlfeddiannaeth (HMO) ac y byddai cynnig yn cael ei gyflwyno yng nghyfarfod nesaf y pwyllgor er mwyn iddo gytuno arno.

PENDERFYNWYD y dylid nodi'r rhaglen waith craffu fel a nodwyd yn yr adroddiad.

Cyflwynodd y Cadeirydd adroddiad yn amlinellu diwygiadau arfaethedig i Aelodaeth Paneli/Gweithgorau Craffu.

Amlinellwyd diwygiad i aelodaeth bresennol y panel/gweithgor craffu o ran:

·       Panel Ymchwilio Craffu Trechu Tlodi - y Cynghorydd H M Morris i'w ychwanegu.

Adroddwyd am fynegiannau o ddiddordeb gan gynghorwyr craffu hefyd ar gyfer y gweithgareddau craffu newydd canlynol:

·       Ymchwiliad Partneriaethau a Chydweithio (10) – Y Cynghorwyr J B Burtonshaw (cynullydd), M Evans, J Hale, H Morris, G Owens, C Thomas, C Holley, D Cole, S Jones, A Colburn.

·       Ymchwiliad Parodrwydd ar gyfer yr Ysgol (8) – Y Cynghorwyr H M Morris (cynullydd), S Crouch, J Curtice, F Gordon, E King, M Day, M Jones, W Fitzgerald.

·       Gweithgor Cytundebau Cynllunio ac Adran 106 (14) – Y Cynghorwyr C A Holley (cynullydd), J Curtice, P Downing, T Hennegan, Y Jardine, G Tanner, M Jones, D Cole, W Fitzgerald, L James, K Marsh, A Colburn, Miles Thomas, L Tyler-Lloyd. 

PENDERFYNWYD CEFNOGI’R penodiadau uchod.

Adroddodd y Cadeirydd am y cofnod llythyrau craffu a chyfeiriodd at yr ohebiaeth ddiweddar rhwng paneli craffu ac Aelodau’r Cabinet.

PENDERFYNWYD y dylid NODI cofnod llythyrau'r Tîm Craffu.

Ni chafwyd unrhyw ddigwyddiadau craffu diweddar.

Cyfeiriodd y Cadeirydd at ailadrodd y sesiwn ymwybyddiaeth o Drechu Tlodi i gynghorwyr craffu ar 15 Medi 2016 am 4.00pm gan annog cydweithwyr i fynd.  Cafwyd sylwadau cadarnhaol am y sesiwn wreiddiol ym mis Gorffennaf.

PENDERFYNWYD y dylid NODI Cynllun Gwaith y Pwyllgor Archwilio.

NODWYD dyddiadau ac amserau cyfarfodydd y pwyllgor yn y dyfodol ar gyfer blwyddyn ddinesig 2016-2017.

Rhoddwyd dyddiad ac amser cyfarfodydd paneli/gweithgorau sydd ar ddod, er gwybodaeth.