Lleoliad: Ystafell Bwyllgor 3A - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd - 636923
Rhif | Eitem | |||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Ymddiheuriadau am absenoldeb. Cofnodion: Derbyniwyd ymddiheuriadau am absenoldeb gan y Cynghorwyr D.J. Lewis ac R.V. Smith. |
||||||||||||||||||||||||||||||||||||||||||||||
Datgeliadau o fuddiannau personol a rhagfarnol. Cofnodion: Yn unol â'r Côd
Ymddygiad a fabwysiadwyd gan Ddinas a Sir Abertawe, cyhoeddwyd y buddion
canlynol: Y Cynghorydd S.E. Crouch – Cofnod 166 Sesiwn Holi Aelod y Cabinet: Aelod y
Cabinet dros Fenter, Datblygu ac Adfywio (a) Portffolio Holi ac Ateb - Budd
Personol - fe'i cyflogir gan Brifysgol Abertawe. Y Cynghorydd J.P. Curtice – Cofnod 168 Bwrdd Craffu Gwasanaethau Cyhoeddus
Abertawe – Budd Personol – Aelod o Bwyllgor Perfformiad, Archwilio a Chraffu,
Awdurdod Tân Canolbarth a Gorllewin Cymru. Y Cynghorydd T.J. Hennegan – Cofnod 168 Bwrdd Craffu Gwasanaethau Cyhoeddus
Abertawe – Budd Personol – Aelod o Bwyllgor Rheoli Awdurdod Tân Canolbarth a
Gorllewin Cymru. Y Cynghorydd P.M. Meara – Cofnod 166 Sesiwn Holi Aelod y Cabinet: Aelod y
Cabinet dros Fenter, Datblygu ac Adfywio (a) Portffolio Holi ac Ateb – Mae ei
fab yng nghyfraith yn gweithio i'r Amgueddfa Diwydiant a Môr, ac Athro Emeritws
Prifysgol Abertawe a Chofnod 167 Adroddiad Cynnydd y Panel Perfformiad Craffu –
Ysgolion – Budd personol – Aelod o Banel Perfformiad Ysgolion. Y Cynghorydd G.J. Tanner – Cofnod 168 Bwrdd Craffu Gwasanaethau Cyhoeddus Abertawe – Budd Personol – Aelod o Bwyllgor Awdurdod Tân Canolbarth a Gorllewin Cymru. |
||||||||||||||||||||||||||||||||||||||||||||||
Gwahardd pleidleisiau chwip a datgan chwipiau'r pleidiau. Cofnodion: Yn unol â Mesur Llywodraeth Leol (Cymru) 2011, ni chyhoeddwyd unrhyw ddatganiadau o bleidleisiau chwip na chwipiau'r pleidiau. |
||||||||||||||||||||||||||||||||||||||||||||||
Cymeradwyo a llofnodi, fel cofnod cywir, gofnodion cyfarfod Pwyllgor y Rhaglen Graffu a gynhaliwyd ar 14 Mawrth 2016. Cofnodion: PENDERFYNWYD cytuno
bod cofnodion Pwyllgor y Rhaglen Graffu a gynhaliwyd ar 14 Mawrth 2016 yn
gofnod cywir. |
||||||||||||||||||||||||||||||||||||||||||||||
Cwestiynau gan y cyhoedd. Cofnodion: Nid oedd unrhyw
gwestiynau gan y cyhoedd. |
||||||||||||||||||||||||||||||||||||||||||||||
Dogfennau ychwanegol:
Cofnodion: Gwnaeth y Cynghorydd Francis-Davies y sylwadau agoriadol, er mwyn cefnogi
ei adroddiad ysgrifenedig, cyn ateb cwestiynau gan y pwyllgor. Bu Phil Holmes, Pennaeth Adfywio Economaidd a Chynllunio, a Ryan Thomas,
Rheolwr Rheoli Cynllunio, yn cynorthwyo Aelod y Cabinet mewn cysylltiad â
chwestiynau am berfformiad ac effeithiolrwydd cynllunio. Darparwyd adroddiad
i'r pwyllgor ar ôl i ymgynghorwyr craffu fynegi pryderon am y system gynllunio
bresennol a gweithrediad y Pwyllgor Cynllunio. Arweiniodd y sesiwn holi at drafod y pynciau canlynol: Portffolio Holi ac Ateb ·
Cynlluniau
ar gyfer y grant Lleoedd Llewyrchus Llawn Addewid gwerth £8.3m a ddarperir gan
Lywodraeth Cymru, a'r canlyniadau, gan gynnwys sut byddai swyddi'n cael eu
creu; nodwyd bod y ffocws ar brosiectau adfywio a chreu'r isadeiledd cywir i
ddenu buddsoddiad a swyddi, e.e. creu canolfannau technoleg a swyddfeydd ar
Ffordd y Brenin; ·
Byddai
llety myfyrwyr yn arwain at fwy o bobl yn byw ac yn gweithio yn y ddinas ac yn
creu mwy o incwm yn Abertawe; ·
Eglurwyd
bod Iechyd a Lles, Chwaraeon a Hamdden yn rhan o bortffolio'r Cabinet dros Les
a Dinas Iach; a bod Diwylliant a Thwristiaeth, gan gynnwys Theatr y Grand a
Llyfrgelloedd, yn rhan o bortffolio Menter, Datblygu ac Adfywio; ·
Fel
rhan o raglen ehangach Abertawe Gynaliadwy, sef Yn Addas i'r Dyfodol, aeth yr
holl Wasanaethau Diwylliannau drwy Adolygiad Comisiynu'r cyngor. Er i rai
meysydd o effeithlonrwydd a thrawsnewid mewnol gael eu nodi, mae'r broses hon
wedi arwain at brofi'r farchnad er mwyn gwahodd diddordeb gan bartïon allanol a
allai gynnal gwasanaethau. Mynegodd y pwyllgor bryder
am effaith bosib y toriadau ar wasanaethau diwylliannol fel amgueddfeydd a sut
byddai gweledigaeth a chynlluniau'r awdurdod yn cyd-fynd ag amcanion
cenedlaethol i ddiogelu treftadaeth (Deddf Llesiant Cenedlaethau'r Dyfodol).
Nodwyd bod y broses hon hefyd yn cynnwys y gwasanaeth llyfrgelloedd. Datganodd
Aelod y Cabinet y byddai unrhyw ddiddordeb yn y portffolio diwylliannol yn cael
ei ddadansoddi, ei asesu a'i herio, a hynny'n ofalus.
Trafodwyd craffu ar y penderfyniadau arfaethedig sy'n codi o'r broses hon; ·
Neilltuo
Stryd y Gwynt i gerddwyr – nodwyd cynlluniau i symud tuag at ddiwylliant sy'n
seiliedig ar fwytai'n fwy na thafarnau; cefnogir hyn gan gynnydd yn nifer y bobl
sy'n gweithio yng nghanol y ddinas, a ddylai greu mwy o fywiogrwydd ac economi
well gyda'r nos. Trafodwyd y cynnydd yn nifer y myfyrwyr yn Abertawe, a'r
effaith ar gynlluniau o'r fath a chanol y ddinas yn gyffredinol, hefyd; ·
Disgwylid
i'r datblygiad defnydd cymysg ar Stryd Mariner fynd
gerbron y Pwyllgor Cynllunio ym mis Mai, gyda'r bwriad o fod ar y safle ym mis
Mehefin a chyflwyno llety i fyfyrwyr a fydd yn barod i'w ddefnyddio o fewn dwy
flynedd; ·
Rhanbarth
Gwella Busnes (BID) – nodwyd parhad y BID ar ôl pleidlais ddiweddar ar
adnewyddu. Cadarnhaodd Aelod y Cabinet y byddai ef a'r Arweinydd yn parhau i
eistedd ar fwrdd y BID a siaradodd am fanteision y
BID i ganol y ddinas; ·
Cyfleoedd
i gynyddu nifer y digwyddiadau rhedeg yn Abertawe a chynnal marathon; ·
Roedd
y gwaith adnewyddu ar Oriel Gelf Glynn Vivian wedi'i gwblhau, ond roedd gwaith ar y palmentydd
wedi dechrau bellach, a rhagwelir y bydd yn agor yn yr hydref; ·
Gofynnwyd
i Aelod y Cabinet ystyried sut gellid gwella delwedd gyrwyr tacsi sy'n gweithredu
yn Abertawe, fel cyflwyno côd dillad – datganodd
Aelod y Cabinet y byddai'n gofyn i Bwyllgor Cynghori'r Cabinet ystyried hyn; ·
Yr
angen i ystyried ffyrdd mwy creadigol o ddarparu gwybodaeth i ymwelwyr o
ganlyniad i gau'r Ganolfan Croeso. Perfformiad ac Effeithiolrwydd Cynllunio ·
Trafodwyd
strwythur newydd y Pwyllgor Cynllunio, gan gynnwys y weithdrefn herio. Roedd
rhai aelodau o'r farn bod y pwyllgor yn rhy fach, nid
oeddent yn cael eu cynnwys yn ddigonol yn y broses bresennol, ac nid oedd
ganddynt ffydd ynddi. Roedd pryder hefyd oherwydd diffyg adolygu'r trefniadau
presennol a ddisgwylir gan gynghorwyr; ·
Ailadroddodd
Aelod y Cabinet a'r swyddogion fod yr awdurdod wedi wynebu proses o newid
sylweddol yn ystod 2014-15, yn rhannol o ganlyniad i bwysau cyllidebol, ac yn
rhannol mewn ymateb i gynigion Llywodraeth Cymru (LlC)
gyda Deddf Cynllunio (Cymru) 2015. Felly, roedd yr awdurdod wedi mabwysiadu
model LlC ar gyfer strwythur a chynllun dirprwyo
pwyllgorau; ·
Awgrymodd
ystadegau'r fframwaith perfformiad fod cynnydd sylweddol yn cael ei wneud ac
adlewyrchwyd cyflymdra ac ansawdd penderfyniadau hefyd yn y ffigurau; ·
Gwnaed
gwelliannau amrywiol o ran effeithlonrwydd drwy gyflwyno system rheoli
dogfennau electronig, ailstrwythuro timau cynllunio; ·
Roedd
Aelod y Cabinet yn credu ei fod yn well cael nifer bach o gynghorwyr medrus ar
bwyllgor er mwyn cyflymu penderfyniadau a sicrhau cysondeb, ond roedd ffyrdd i
gynghorwyr eraill fel aelodau lleol fod yn rhan o'r broses, heb wrthdaro o ran
budd; ·
Roedd
LlC wedi beirniadu'r awdurdod gynt am gynnwys y 72
aelod i gyd ar y Pwyllgor Cynllunio. Byddai'r gofynion newydd i ymgynghori cyn
cyflwyno cais (a ddaw i rym ar 1 Awst) yn canolbwyntio ar gynnwys aelodau cyn i
geisiadau ffurfiol gael eu cyflwyno; ·
Cadarnhaodd
y Rheolwr Rheoli Cynllunio fod pob aelod wedi derbyn hyfforddiant cynllunio ar
ôl etholiadau 2012. Ar ben hynny, cyflwynwyd hyfforddiant amrywiol, gan gynnwys
hyfforddiant gloywi diwrnod llawn a sesiynau amrywiol ar newidiadau
deddfwriaethol; ·
Byddai
protocol pwyllgor newydd yn cael ei gyflwyno i'r Pwyllgor Cynllunio ym mis Mai
i'w ystyried, a disgwylir mwy o gyngor gan LlC sy'n
egluro'r gofynion o ran materion fel gweithdrefnau herio; ·
Roedd
perfformiad presennol yr awdurdod o ran penderfyniadau a wnaed gan aelodau yn
erbyn cyngor swyddogion yn unol â chyfartaledd Cymru; ·
Trafodwyd
y fframwaith polisi o ran cytundebau cynllunio A.106. Mewn ymateb i gwestiynau gan aelodau, cadarnhaodd Aelod y Cabinet y
canlynol: 1) Byddai mwy o wybodaeth am y grant Lleoedd Llewyrchus Llawn
Addewid yn cael ei darparu'n ysgrifenedig; 2) Byddai
cyfle i graffu'n cael ei gynnwys yn yr amserlen ar gyfer penderfyniadau ar y
Gwasanaethau Diwylliannol; 3) Byddai gofyn i Bwyllgor Cynghori'r Cabinet ar Ddatblygu
ystyried safon ofynnol o ran côd dillad ar gyfer
gyrwyr tacsi fel rhan o'i gynllun gwaith; 4) Byddai'n ystyried trefnu seminarau ar gyfer pob cynghorydd
(nid y Pwyllgor Cynllunio'n unig) pan geir rheoliadau cynllunio newydd; 5) Roedd ymarferoldeb cyflwyno Ardoll Isadeiledd Cymunedol wrthi'n cael ei ystyried;
6) Trefnir sesiwn i ddarparu adborth ar benderfyniadau ar
apeliadau'r llynedd ar gyfer y Comisiwn Cynllunio erbyn mis Gorffennaf. Diolchodd y Cadeirydd i'r Cynghorydd Francis-Davies a'r swyddogion am ddod.
Ychwanegodd y byddai unrhyw graffu arall ar gynllunio'n cael ei ystyried fel
rhan o drafodaethau'r Gynhadledd Cynllunio Gwaith flynyddol. PENDERFYNWYD y bydd Cadeirydd Pwyllgor y Rhaglen Graffu'n ysgrifennu at Aelod y Cabinet, gan adlewyrchu'r drafodaeth a rhannu barn y pwyllgor. |
||||||||||||||||||||||||||||||||||||||||||||||
Adroddiad Cynnydd y Panel Perfformiad Craffu - Ysgolion. (Y Cynghorydd Fiona Gordon) PDF 67 KB Dogfennau ychwanegol: Cofnodion: Darparodd y Cynghorydd Fiona Gordon, y cynullydd, y newyddion diweddaraf am
waith Panel Perfformiad Craffu Ysgolion. Canolbwyntiodd y trafodaethau ar y pynciau canlynol: ·
Effaith
adroddiadau negyddol yn y cyfryngau lleol am gategoreiddio canlyniadau
ymchwiliadau Estyn a'r rhesymau pam nad oedd gosod ysgolion yn y categorïau hynny'n cael ei ddeall. Nodwyd bod ERW wedi ceisio cyfleu
mai categoreiddio cefnogaeth, ac nid perfformiad neu ofidiau, oedd y nod; ·
Pwysigrwydd
cysondeb o ran cefnogaeth a chyngor yr Ymgynghorydd Herio ar draws Abertawe; ·
Yr
effaith y gallai gostyngiad bach o ran presenoldeb ei gael ar ganlyniadau
perfformiad ysgolion – mynegodd y pwyllgor bryder am werth y mesurau perfformiad
cenedlaethol presennol o ran presenoldeb, yn enwedig sut gallai amrywiadau bach
effeithio ar ysgol a chanddi nifer cymharol fach o ddisgyblion; ·
Rhaglen
waith y Panel Perfformiad Ysgolion ar gyfer y dyfodol. PENDERFYNWYD NODI'R
adroddiad. |
||||||||||||||||||||||||||||||||||||||||||||||
Craffu ar Fwrdd Gwasanaethau Cyhoeddus Abertawe. PDF 127 KB Cofnodion: Cyflwynodd y Rheolwr Craffu adroddiad i gytuno ar y trefniadau ar gyfer
Bwrdd Craffu Gwasanaethau Cyhoeddus Abertawe. Mae Deddf Llesiant Cenedlaethau'r Dyfodol (Cymru) 2015 yn mynnu bod bwrdd
gwasanaethau cyhoeddus yn cael ei sefydlu ym mhob ardal awdurdod lleol yng
Nghymru. Mae dyletswydd ar gyrff cyhoeddus penodol i ddefnyddio'r byrddau hyn
er mwyn gwella lles economaidd, cymdeithasol, amgylcheddol a diwylliannol eu
hardaloedd drwy gyfrannu at y nodau lles a nodir yn y Ddeddf. Yn ôl y Ddeddf, mae'n ofynnol i bwyllgor craffu ar lywodraeth leol gael ei
ddynodi er mwyn craffu ar waith bwrdd y gwasanaethau cyhoeddus yn yr ardal
honno. Y bwriad yw rhoi'r cyfrifoldeb am her ac atebolrwydd i gyrff lleol yn
hytrach na Gweinidogion Cymru (y mae eu pwerau'n brin). Argymhellodd yr adroddiad sefydlu panel perfformiad craffu er mwyn cyflawni
cyfrifoldeb y pwyllgor, gan ddilyn yr un model â Phanel Perfformiad Craffu
presennol y Bwrdd Gwasanaethau Lleol, ond gyda rhai gwahaniaethau er mwyn
cydymffurfio â gofynion y Ddeddf ac arweiniad. Nodwyd y bydd cylch gwaith y
panel craffu'n canolbwyntio ar gyd-swyddogaeth y Bwrdd Gwasanaethau Cyhoeddus a
chyfrifoldebau a rennir, nid ar waith sefydliadau
unigol. Tynnwyd sylw at bwysigrwydd sicrhau cynrychiolaeth anweithredol briodol o
sefydliadau partner ar y panel craffu, er mwyn sicrhau ei annibyniaeth. PENDERFYNWYD ar y
canlynol: 1) Mae'r pwyllgor yn cydnabod mai Pwyllgor y Rhaglen Graffu yw'r
pwyllgor craffu dynodedig ar gyfer craffu ar Fwrdd
Gwasanaethau Cyhoeddus Abertawe, at ddibenion Deddf Llesiant Cenedlaethau'r
Dyfodol (Cymru) 2015; 2) Sefydlir Panel Perfformiad Craffu Bwrdd y Gwasanaethau
Cyhoeddus er mwyn i'r pwyllgor gyflawni'r rôl hon; 3) Mae'r pwyllgor yn cymeradwyo'r cylch gorchwyl ar gyfer Bwrdd
Perfformiad Craffu Bwrdd y Gwasanaethau Cyhoeddus a nodir yn Atodiad Un. |
||||||||||||||||||||||||||||||||||||||||||||||
Adroddiadau Craffu - Adroddiad Effaith Chwarterol. PDF 65 KB Dogfennau ychwanegol: Cofnodion: Cyflwynodd y Cadeirydd adroddiad chwarterol drafft gan Bwyllgor y Rhaglen Graffu
i'r cyngor am effaith craffu. PENDERFYNWYD cytuno
ar gynnwys yr 'Adroddiadau Craffu' drafft a'u cyflwyno i'r cyngor. |
||||||||||||||||||||||||||||||||||||||||||||||
Rhaglen Waith Craffu 2015-16. PDF 87 KB Dogfennau ychwanegol:
Cofnodion: Adolygodd adroddiad y Cadeirydd y Rhaglen Waith Craffu bresennol. Darparodd yr adroddiad y canlynol i'r pwyllgor: · Y Rhaglen Waith Craffu bresennol; · Cynllun ar gyfer cyfarfodydd pwyllgor y dyfodol; · Adroddiad cynnydd am y paneli a'r gweithgorau presennol amrywiol; a · Blaengynllun y Cabinet ar gyfer cyfleoedd i graffu cyn penderfynu. Nododd y pwyllgor fod gwaith y Panel Trawsnewid Gwasanaethau Cymdeithasol i Oedolion wedi dod i ben a thrafododd y cam i sefydlu Panel Perfformiad Gwasanaethau Cymdeithasol i Oedolion yn ei le. Cyflwynwyd cylch gorchwyl drafft ar gyfer y panel newydd. Byddai cynigion ar gyfer aelodaeth (gan gynnwys y cynullydd) yn cael eu hadrodd yn ôl i'r pwyllgor gael gytuno arnynt. PENDERFYNWYD ar y canlynol: 1) Cymeradwyodd y pwyllgor sefydlu Panel Perfformiad Gwasanaethau Cymdeithasol i Oedolion a chylch gorchwyl; 2) Ceisir craffu cyn penderfynu ar adroddiad y Cabinet sydd ar ddod am 'Sgwâr y Castell – Cyfle Datblygu a Mannau Cyhoeddus' (a restrir ym Mlaengynllun y Cabinet ar gyfer 16 Mehefin), yn amodol ar roi mwy o wybodaeth i'r pwyllgor am y mater hwn a phenderfyniad arfaethedig. |
||||||||||||||||||||||||||||||||||||||||||||||
Aelodaeth paneli a gweithgorau craffu. PDF 53 KB Cofnodion: Nid oedd unrhyw newidiadau i aelodaeth paneli a gweithgorau craffu i'w
nodi. |
||||||||||||||||||||||||||||||||||||||||||||||
Dogfennau ychwanegol:
Cofnodion: Adroddodd y Cadeirydd am y log llythyrau craffu a chyfeiriodd at yr
ohebiaeth ddiweddar rhwng paneli craffu ac Aelodau’r Cabinet. Nodwyd y cais o fewn llythyr y Panel Ymchwilio i'r Strydlun. Tynnodd llythyr
y Cynullydd sylw at y sefyllfa gyllidebol barhaus a phwysigrwydd parhau i
gyflwyno gwasanaethau Strydlun o safon. Gofynnwyd i'r pwyllgor ystyried sut
bydd y sefyllfa gyllidebol bresennol yn effeithio ar wasanaethau Strydlun, yn
ogystal â chadw golwg ar gynnydd. Awgrymwyd y gellid codi'r mater hwn gyda'r
Cynghorydd David Hopkins, Aelod y Cabinet dros yr Amgylchedd a Chludiant, a
fydd yn dod i'r cyfarfod nesaf a drefnir ar gyfer 9 Mai 2016 ar gyfer sesiwn
holi ac ateb. PENDERFYNWYD NODI'R
log llythyrau craffu. |
||||||||||||||||||||||||||||||||||||||||||||||
Adborth o ddigwyddiadau craffu diweddar. Cofnodion: Nid oedd digwyddiadau craffu diweddar i adrodd arnynt. |
||||||||||||||||||||||||||||||||||||||||||||||
Digwyddiadau craffu sydd ar ddod. (a) Annual Scrutiny
Work Planning Conference – 12 May 2016, 4.00 pm, Lord Mayor’s Reception Room, Guildhall. Cofnodion: Adroddodd y Cadeirydd am y Gynhadledd Cynllunio Gwaith Craffu sydd ar ddod ar 12 Mai 2016, am 4.00pm, yn Ystafell Dderbyn yr Arglwydd Faer, Neuadd y Ddinas. |
||||||||||||||||||||||||||||||||||||||||||||||
Cynllun Gwaith y Pwyllgor Archwilio. (Er Gwybodaeth). PDF 32 KB Dogfennau ychwanegol: Cofnodion: PENDERFYNWYD NODI Cynllun Gwaith y Pwyllgor Archwilio. |
||||||||||||||||||||||||||||||||||||||||||||||
Dyddiad ac amser cyfarfodydd blwyddyn ddinesig 2015/16. (pob un am 4.30pm ac eithrio lle nodir yn wahanol) 9 Mai 2016 Cofnodion: NODWYD dyddiadau ac amserau
cyfarfodydd y pwyllgor yn y dyfodol ar gyfer blwyddyn ddinesig 2015-2016. |
||||||||||||||||||||||||||||||||||||||||||||||
Dyddiad ac amser cyfarfodydd nesaf paneli/gweithgorau.
Cofnodion: Er gwybodaeth, darparwyd dyddiadau ac amserau cyfarfodydd paneli / gweithgorau sydd ar ddod. |