Agenda, decisions and minutes

www.abertawe.gov.uk/DatgeluCysylltiadau

Yn unol â darpariaethau'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiadau canlynol:

1.         Datganodd y Cynghorydd W G Lewis gysylltiad personol â Chofnod 138 “Trefniadau Derbyn 2023-24”.

2.         Datganodd y Cynghorydd C E Lloyd fudd personol a rhagfarnol â Chofnod 141 “Tâl Cadeirydd Pwyllgor y Gronfa Bensiwn” a gadawodd y cyfarfod cyn ei ystyried.

3.         Datganodd Ben Smith fudd personol a rhagfarnol â Chofnod 141 “Tâl Cadeirydd Pwyllgor y Gronfa Bensiwn” a gadawodd y cyfarfod cyn ei ystyried.

Rhoddodd y Prif Swyddog Cyfreithiol gyngor ynghylch y cysylltiadau personol a rhagfarnol posib y gallai fod gan gynghorwyr a swyddogion ag eitemau ar yr agenda.

Atgoffodd Pennaeth y Gwasanaethau Democrataidd gynghorwyr a swyddogion y dylid llenwi'r daflen "Datgeliadau o fuddiannau personol a rhagfarnol" dim ond os oes gan y cynghorydd/swyddog fuddiannau i'w ddatgan. Nid oes angen dychwelyd ffurflenni os nad oes unrhyw beth i'w ddatgan. Hysbyswyd cynghorwyr a swyddogion hefyd y dylid datgan unrhyw fudd ar lafar ac yn ysgrifenedig ar y daflen.

Yn unol â darpariaethau'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiadau canlynol:

1)            Datganodd y Cynghorydd W G Lewis gysylltiad personol â chofnod rhif 138 "Trefniadau Derbyn 2023-2024".

2)            Datganodd y Cynghorydd C E Lloyd gysylltiad personol a rhagfarnol â chofnod rhif 141 "Taliad Cydnabyddiaeth Cadeirydd Pwyllgor y Gronfa Bensiwn" a gadawodd y cyfarfod cyn iddo gael ei ystyried.

3)            Datganodd Ben Smith gysylltiad personol a rhagfarnol â chofnod rhif 141 "Taliad Cydnabyddiaeth Cadeirydd Pwyllgor y Gronfa Bensiwn" a gadawodd y cyfarfod cyn iddo gael ei ystyried.

Er gwybodaeth.

Cyflwynodd y Prif Swyddog Cyfreithiol adroddiad gwybodaeth a oedd yn nodi'r ymatebion ysgrifenedig i gwestiynau a ofynnwyd yn y cyfarfod cyffredin diwethaf o'r cyngor.

Er gwybodaeth.

a)            Y Cynghorydd Cymuned Phil Crayford - Y Pwyllgor Safonau

Dywedodd yr Aelod Llywyddol fod y Cynghorydd Cymuned Phil Crayford wedi bod yn Gynrychiolydd Cymuned/Tref ar y Pwyllgor Safonau ers 5 Hydref 2012. Daw ei gyfnod yn y swydd i ben yn yr Etholiad Llywodraeth Leol ar 5 Mai 2022.

Ar ran y cyngor, diolchodd i'r Cynghorydd Cymuned Crayford am ei wasanaeth.

b)           Jamborî Sgowtiaid y Byd – Corea 2023

Llongyfarchodd yr Aelod Llywyddol y saith (7)Sgowt Fforio o Abertawe a ddewiswyd yn ddiweddar i gynrychioli Cymru yn 25^ain Jamborî Sgowtiaid y Byd yng Nghorea yn ystod 2023. Roeddent wedi cymryd rhan mewn proses ddethol drylwyr o 250 cyn cael eu cwtogi i 72 ledled Cymru.

Mae ein Pennaeth Gwasanaethau Democrataidd, Huw Evans yn arbennig o falch gan fod ei ddau blentyn (Branwen a Gruff) ymhlith y 7 o Abertawe sydd wedi cael eu dewis. Dymunodd bob lwc iddynt gyda'r gwaith codi arian.

Er gwybodaeth.

a)            Skyline Swansea

Cyfeiriodd Arweinydd y Cyngor at y datganiad diweddar gan Skyline Swansea yn datgan eu bod yn bwriadu bod ar agor yn gynnar yn 2025.

b)           Digwyddiadau yn yr Arena

Crybwyllodd Arweinydd y Cyngor y digwyddiadau rhagorol a gynhaliwyd yn ddiweddar yn yr Arena a hefyd y digwyddiadau gwych sydd ar ddod.

c)            Cynghorwyr nad ydynt yn sefyll am ailetholiad ar 5 Mai 2022

Talodd Arweinydd y Cyngor ac Arweinwyr y Grwpiau Gwleidyddol deyrnged i'r Cynghorwyr hynny a oedd wedi dewis peidio â cheisio cael eu hailethol yn yr Etholiadau Llywodraeth Leol ar 5 Mai 2022.

Diolchwyd iddynt am wasanaethu eu cymunedau a phreswylwyr Abertawe yn ystod cyfnod eu swyddi fel Cynghorwyr.

Allwedd:

Mae’n rhaid i gwestiynau gael eu cyflwyno’n ysgrifenedig i’r Gwasanaethau Democrataidd democratiaeth@abertawe.gov.uk erbyn ganol dydd fan bellaf ar y diwrnod gwaith cyn y cyfarfod. Rhaid bod y cwestiynau’n ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Dim.

Ni chafwyd cwestiynau gan y cyhoedd.

Approved.

Cyflwynodd Aelod y Cabinet dros Wella Addysg, Dysgu a Sgiliau adroddiad a oedd yn gofyn am benderfyniad ar y Trefniadau Derbyn ar gyfer Ysgolion a gynhelir ar gyfer y flwyddyn academaidd 2023-2024.

Penderfynwyd:

1)            Cymeradwyo'r trefniadau derbyn arfaethedig ar gyfer 2023-2024 ar gyfer dosbarthiadau meithrin fel a nodir yn Atodiad A yr adroddiad.

2)            Cymeradwyo'r trefniadau derbyn arfaethedig ar gyfer 2023-2024 ar gyfer dosbarthiadau derbyn fel a nodir yn Atodiad B yr adroddiad.

3)            Cymeradwyo'r trefniadau derbyn arfaethedig ar gyfer 2023-2024 ar gyfer Blwyddyn 7 fel a nodir yn Atodiad C yr adroddiad.

4)            Cymeradwyo'r trefniadau derbyn arfaethedig ar gyfer 2023-2024 ar gyfer trosglwyddiadau yn ystod y flwyddyn fel a nodir yn Atodiad Ch yr adroddiad.

5)            Cymeradwyo'r trefniadau derbyn/meini prawf derbyn arfaethedig ar gyfer 2023-2024 ar gyfer dosbarthiadau'r chweched yn Atodiad D yr adroddiad.

6)            Cymeradwyo'r Amserlen Ddigwyddiadau ar gyfer ysgolion cynradd ac uwchradd yn Atodiad Dd yr adroddiad.

7)            Nodi'r niferoedd derbyn ar gyfer ysgolion cynradd ac uwchradd, fel a nodir yn Atodiad E yr adroddiad.

Cymeradwywyd.

Cyflwynodd y Dirprwy Brif Weithredwr adroddiad a oedd yn ceisio cymeradwyo argymhelliad y Pwyllgor Penodiadau a gynhaliwyd ar 1 Mawrth 2022 a phenodi 2 Aelod Lleyg arall i'r Pwyllgor Llywodraethu ac Archwilio.

Penderfynwyd:

1)            Penodi Gordon Anderson yn Aelod Lleyg y Pwyllgor Llywodraethu ac Archwilio.

2)            Penodwyd Phil Sharman yn Aelod Lleyg y Pwyllgor Llywodraethu ac Archwilio.

3)            Y Cyfnod yn y Swydd i’r ddau oedd 24 Mai 2022 tan yr Etholiadau Llywodraeth Leol yn 2027.

Cymeradwywyd.

Cyflwynodd Pennaeth y Gwasanaethau Democrataidd adroddiad a oedd yn ceisio ailbenodi Paula O'Connor yn Aelod Lleyg Annibynnol (Cyfetholedig) i'r Pwyllgor Llywodraethu ac Archwilio am gyfnod o 5 mlynedd ychwanegol.

Penderfynwyd:

1)            Ailbenodi Paula O'Connor yn Aelod Lleyg Annibynnol (Cyfetholedig) o'r Pwyllgor Llywodraethu ac Archwilio am un cyfnod olynol arall yn y swydd.

2)            Daw ei Chyfnod yn y Swydd i ben yn yr Etholiadau Llywodraeth Leol yn 2027.

Cymeradwywyd.

Cyflwynodd y Swyddog Adran 151 adroddiad a oedd yn cydnabod ehangder a chwmpas cynyddol rôl Cadeirydd Pwyllgor y Gronfa Bensiwn ac argymhellodd y dylai cydnabyddiaeth briodol, yn unol â'r cyfrifoldeb hwnnw, fod yn gyson â'i chronfeydd partner ym Mhartneriaeth Pensiwn Cymru a rolau Cadeiryddion pwyllgorau eraill o fewn y cyngor.

Penderfynwyd:

1)            Y caiff cwmpas ac ehangder cyfrifoldeb cynyddol rôl Cadeirydd Pwyllgor y Gronfa Bensiwn eu cydnabod.

2)            Y telir Cyflog Ychwanegol i Gadeirydd Pwyllgor y Gronfa Bensiwn sy'n cyfateb i Uwch Gyflog Panel Annibynnol Cymru ar Gydnabyddiaeth Ariannol (IRPW) i Gadeirydd Pwyllgor gyda'r symiau ychwanegol (dros Gyflog Sylfaenol) i'w talu gan y Gronfa Bensiwn fel yr amlinellir ym Mharagraff 6.1 o'r adroddiad.

Cymeradwywyd.

Cyflwynodd Pennaeth y Gwasanaethau Democrataidd adroddiad a oedd yn gofyn am gymeradwyo Adran D y Llawlyfr Cynghorwyr a adolygwyd – Disgrifiadau Rôl a Manylebau Person fel yr argymhellwyd gan Bwyllgor y Gwasanaethau Democrataidd a gynhaliwyd ar 14 Chwefror 2022.

Penderfynwyd:

1)              Y byddai "Disgrifiadau Rôl Aelodau Fframwaith a Manylebau Person Cymdeithas Llywodraeth Leol Cymru (CLlLC) - Mehefin 2021" a Disgrifiadau Rôl penodol Cyngor Abertawe fel y'u nodir yn Atodiadau A a B yn cael eu mabwysiadu fel Adran D o Lawlyfr y Cynghorwyr.

2)              Rhoi awdurdod dirprwyedig i Bennaeth y Gwasanaethau Democrataidd ddiweddaru Adran D Llawlyfr y Cynghorwyr er mwyn sicrhau ei fod yn cyd-fynd yn gyson â chyhoeddiadau CLlLC yn y dyfodol.

Er gwybodaeth.

Cyflwynodd y Swyddog Monitro adroddiad gwybodaeth a oedd yn nodi'r diwygiadau a wnaed gan y Swyddog Monitro i Gyfansoddiad y cyngor yn dilyn cychwyn adrannau penodol o Ddeddf Llywodraeth Leol ac Etholiadau (Cymru) 2021 a newidiadau diweddar i'r strwythur uwch-reoli.

Dim.

Ni chafwyd cwestiynau.