Agenda

Cymeradwyo cofnodion cyfarfod cyffredinol yn cyngor a gynhaliwyd ar 22 Hydref 2015 a'u llofnodi fel cofnod cywir.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Bydd Chris Davies, y Prif Swyddog Tân, yn rhoi'r diweddaraf i Aelodau ar yr heriau daearyddol, ardal yr awdurdod, perfformiad y gwasanaeth yn Abertawe, gwerth cyhoeddus, effeithlonrwydd a gwerth am arian.  Yna ceir sesiwn holi ac ateb.

Mae'r cyngor hwn yn gwrthwynebu cyflwyno Bil Undebau Llafur 2015. Rydym yn gofyn i'r cyngor hwn ysgrifennu'n syth i annog Llywodraeth Ceidwadol y DU yn San Steffan i roi'r gorau i'r Bil hwn ac ymrwymo i weithio mewn partneriaeth â symudiad yr Undebau Llafur i gyflawni cymdeithas decach.

Credwn fod y bil hwn yn cael ei arwain gan ideoleg y Ceidwadwyr ac mae'n ymateb sydd wedi dyddio i heriau'r 21ain ganrif.

Mae'r bil yn wrthgynhyrchiol, yn ddialgar, yn ymrannol yn gymdeithasol, a bydd yn arwain at fwy o berthnasoedd gwrthdaro rhwng cyflogwyr a gweithwyr, ac yn pen draw yn tanseilio yn hytrach na chefnogi cyflwyno gwasanaeth cyhoeddus pwysig. Mae gan Gyngor Abertawe eisoes draddodiad hir o berthnasoedd da gyda'n cydweithwyr yn yr Undebau Llafur ac yn cydnabod yn llawn y rôl hynod bwysig sydd ganddynt yn y sefydliad hwn, y sectorau cyhoeddus a phreifat a'r gymuned ehangach. Ein barn ni hefyd yw bod Cyngor Abertawe'n ddigon abl i benderfynu sut mae'n rhyngweithio â'i weithwyr a'r Undebau Llafur ac nid oes angen deddfwriaeth arno ar gyfer y mater hwn. Mae'r Bil hwn yn ymosodiad ar ddemocratiaeth.

GOSTYNGIAD ARFAETHEDIG MEWN TARIFFAU CYFLENWI TRYDAN AR GYFER CYNLLUN YNNI ADNEWYDDADWY

Mae'r cyngor hwn yn protestio yn y termau cryfaf posib am faint y gostyngiad mewn tariffau cyflenwi trydan ar gyfer gosodiadau ffotofoltaidd solar a'r rhybudd annigonol am y newidiadau, a fydd yn cael effaith andwyol sylweddol ar gyflwyno holl gynlluniau ynni adnewyddadwy yn y dyfodol yn Abertawe a'r DU.

Mae'r cyngor yn cydnabod y manteision arwyddocaol i'r amgylchedd, yr economi ac i'r gymdeithas o hyrwyddo'r gosodiadau hyn a dulliau eraill o ynni adnewyddadwy. Rhoddwyd cymhorthdal i'r cynlluniau hyn gan Dariffau Cyflenwi Trydan (FiT) y Llywodraeth. Mae'r FiT wedi bod yn llwyddiant enfawr ac wedi helpu awdurdodau lleol, landlordiaid cymdeithasol cofrestredig a grwpiau ynni cymunedol i adeiladu modelau busnes hyfyw ar gyfer eu prosiectau, gan helpu i leihau a datganoli gwariant ynni, mynd i'r afael â thlodi tanwydd a chreu incwm i'w ail-fuddsoddi yn yr ardal. Mae'r FiT hefyd wedi bod yn llwyddiannus yn sefydlu diwydiant ynni adnewyddadwy sydd bellach yn cyflogi oddeutu 2,010 o bobl yng Nghymru. Mae'r manteision hyn bellach mewn perygl o gael eu colli, gydag oddeutu 1,608 o swyddi (80%) mewn perygl o ganlyniad i'r toriad arfaethedig gwerth 87% i'r FiT.

Mae'r cyngor hwn yn galw ar Lywodraeth Ganolog i ailystyried eu sefyllfa wrth adolygu raddfa'r toriad yn FiT a gweithredu trefn sy'n gwneud gosodiadau ffotofoltaidd solar yn fforddiadwy i gymunedau lleol a sicrhau bod newidiadau'n cael eu cyflwyno fel bod gan y diwydiant ddigon o amser i addasu, gan roi sefydlogrwydd a chynnal hyder buddsoddwyr mewn cynlluniau ynni adnewyddadwy.