Agenda a Chofnodion

www.abertawe.gov.uk/DatgeliadauBuddiannau

Atgoffodd Pennaeth y Gwasanaethau Democrataidd gynghorwyr a swyddogion y dylid ond llenwi'r daflen "Datgeliadau o fuddiannau personol a rhagfarnol" os oes gan y cynghorydd/swyddog gysylltiad i'w ddatgan.  Nid oes angen dychwelyd ffurflenni os nad oes unrhyw beth i'w ddatgan.  Hysbyswyd cynghorwyr a swyddogion hefyd y dylid datgan unrhyw gysylltiad ar lafar ac yn ysgrifenedig ar y daflen.

Yn unol â darpariaethau'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiadau canlynol:

1)              Datganodd y Cynghorydd M A Langstone gysylltiad personol â chofnod 171 "Rhoi Rhyddid er Anrhydedd Dinas a Sir Abertawe i HMS Cambria".

Croesawodd yr Arglwydd Faer yr Arglwydd Raglaw, yr Uchel-Siryf, arweinwyr dinesig, gwesteion nodedig, aelodau'r cyngor a cynrychiolwyr HMS Cambria i gyfarfod seremonïol y cyngor.

Siaradodd Dirprwy Arweinydd y Cyngor, tri Arweinydd y Grwpiau Gwleidyddol eraill a'r Cynghorydd sy'n hyrwyddo'r Lluoedd Arfog i gefnogi penderfyniad y cyngor ar 25 Ionawr 2018 lle roedd y cyngor wedi penderfynu rhoi Rhyddid er Anrhydedd Dinas a Sir Abertawe i HMS Cambria.

Penderfynwyd cyflwyno'r Sgrôl Rhyddid i'r Cadlywydd Stephen Fry ar ran HMS Cambria.

Ymatebodd y Cadlywydd, Stephen Fry, ar ran HMS Cambria.