Lleoliad: O bell drwy Microsoft Teams. Cyfarwyddiadau
Cyswllt: Gwasanaethau Democrataidd: - 636923
Rhif | Eitem | ||||||||
---|---|---|---|---|---|---|---|---|---|
Datgeliadau o fuddiannau personol a rhagfarnol. Penderfyniad: Dim. Cofnodion: Yn unol â'r Côd Ymddygiad a fabwysiadwyd gan Ddinas a Sir Abertawe, ni
ddatganwyd unrhyw fuddiannau. |
|||||||||
Cymeradwyo a llofnodi
cofnodion y cyfarfod(ydd) blaenorol
fel cofnod cywir. Penderfyniad: Cymeradwywyd. Cofnodion: Penderfynwyd cymeradwyo Cofnodion
Cyfarfod y Grŵp Llywio a gynhaliwyd ar 4 Hydref 2021 fel cofnod
cywir. Nodwyd bod Gweithgor
Pwysau Twristiaeth ar AoHNE Gŵyr wedi cyfarfod ar gyfer trafodaethau
rhagarweiniol ar 22 Tachwedd 2021. Byddai Swyddogion yn cysylltu â
rhanddeiliaid i ddarparu enghreifftiau ar gyfer cofnod gweithredu a byddai'r
gweithgor yn cyfarfod i drafod y canfyddiadau yn y flwyddyn newydd. |
|||||||||
Digwyddiadau i dorf o gyfranogwyr. PDF 215 KB Penderfyniad: Nodwyd. Cofnodion: Cyflwynodd Chris Lindley, Arweinydd Tîm AoHNE Gŵyr, adroddiad a
ymatebodd i'r pryderon blaenorol a godwyd gan y Grŵp Llywio ynghylch
effeithiau posib digwyddiadau cyfranogi torfol ar AoHNE Gŵyr. Amlinellodd
yr adroddiad y cyd-destun presennol a gofynnodd am farn y Grŵp Llywio. Ychwanegwyd bod y digwyddiadau hyn yn canolbwyntio naill ai ar weithgarwch
chwaraeon (fel marathonau a thriathlonau)
neu ddigwyddiadau her a oedd yn cael eu marchnata tuag at gynulleidfa ehangach
a oedd yn canolbwyntio ar godi arian ar gyfer elusennau (e.e. Macmillan Mighty Hike). Roedd y digwyddiadau'n tueddu i gael eu
hyrwyddo, eu trefnu a'u darparu gan gwmnïau proffesiynol a/neu sefydliadau
elusennol. Tynnwyd sylw at y cyfleoedd i arddangos y dirwedd,
ei bywyd gwyllt a'i diwylliant ynghyd â'r cyfleoedd ariannol i fusnesau lleol
a'r manteision iechyd a lles i'r rheini sy'n cymryd rhan. Amlinellwyd yr effeithiau negyddol posib hefyd a chyfeiriwyd at ganllawiau
cyhoeddedig y Sefydliad Siartredig Codi Arian ar sut i gynnal digwyddiadau her
awyr agored yn y DU. Amlygodd y canllawiau y dylai pobl sy’n codi arian ac
elusennau fod yn ymwybodol o'r effaith y mae cynnal y digwyddiadau hyn yn ei
chael ar gymunedau lleol, yr isadeiledd a’r amgylchedd a dylid cymryd pob cam
rhesymol i leihau'r effaith. Amlygodd ymhellach sut y gallai'r effaith ar
breswylwyr lleol, ffyrdd, defnyddwyr eraill, cyfleusterau, llwybrau troed,
bywyd gwyllt a'r dirwedd ehangach fod yn niweidiol, a gallai niweidio enw da
sefydliad pe bai'r digwyddiad yn methu â chymryd camau i leihau ei effaith. Trafododd y Grŵp Llywio'r canlynol: - ·
Effaith y digwyddiad Ironman
ar Sioe Gŵyr ym mis Awst 2022; ·
Polisïau Parciau Cenedlaethol/AoHNE sy'n ymdrin â
digwyddiadau o'r fath ac effaith/amlder cynyddol y digwyddiadau; ·
Y diffyg cydlynu/hysbysu sy'n cael ei ddarparu gan
drefnwyr digwyddiadau; ·
Diffinio pryd y daw digwyddiadau'n ddigwyddiadau
cyfranogi torfol; ·
Yr angen am bwynt cofrestru canolog ar gyfer digwyddiadau
a monitro sut y trefnwyd digwyddiadau/a oedd cwmnïau wedi dilyn y gweithdrefnau
cywir; ·
Sut mae rhai digwyddiadau'n cael eu trefnu'n breifat er
budd ariannol; ·
Trefnwyr yn defnyddio’r Gymdeithas Genedlaethol Codi
Arian, y mae ganddi gôd ymddygiad i sefydliadau ei
ddilyn; ·
Yr angen i ymgynghori â Thîm Digwyddiadau Arbennig Cyngor
Abertawe ynglŷn â'r ffordd orau ymlaen; ·
Yr angen i gynnal digwyddiadau mewn ffordd amgylcheddol
gynaliadwy. Penderfynwyd nodi cynnwys yr
adroddiad/trafodaethau a darparu diweddariad yn y cyfarfod nesaf a drefnwyd. |
|||||||||
Parc Gwledig Dyffryn Clun. PDF 299 KB Penderfyniad: Nodwyd. Cofnodion: Cyflwynodd Barbara Parry adroddiad ar Barc Gwledig Dyffryn Clun a oedd yn
amlinellu cefndir, nodau, rôl a gwaith Prosiect Cymunedol Dyffryn Clun. Amlinellwyd bod Prosiect Cymunedol Dyffryn Clun (PCDC) wedi'i sefydlu 10
mlynedd yn ôl er mwyn: Mae PCDC yn sefydliad gwirfoddol a chytunodd ar Gytundeb Rheoli gyda
Chyngor Abertawe, sy'n berchen ar 700 erw'r Parc Gwledig. Mae PCDC yn ymdrechu
i gynnal a rhannu cyfoeth Dyffryn Clun â'r gymuned. Mae'n dasg enfawr: Dros y misoedd diwethaf: ·
Cynhaliwyd arolwg canclwm
Japan o'r dyffryn cyfan ·
Cliriwyd llystyfiant o
Orsaf Mumbles Road ·
Cynhaliwyd diwrnod o
droeon a gweithgareddau 'Dod i Adnabod y Dyffryn' ·
Cwblhawyd sawl digwyddiad
casglu sbwriel ·
Sathrwyd ar y rhedyn oedd
yn amharu ar y coed ffrwythau ym Mherllan Kate ·
Tociwyd y planhigyn
bachgen llwm ·
Gwnaed y gwaith caled o
adeiladu 3 pont newydd ar draws afon Clun ·
Ailddechreuwyd recordio a
chyfweld â phobl leol i'w hychwanegu at ein Harchif Hanes ·
Tociwyd sawl llwybr Ychwanegwyd bod y dyffryn gwyrdd hardd hwn sy’n 3 milltir o ganol Abertawe,
wedi bod yn adnodd gwych i lawer o bobl ers tro ac fe'i 'darganfuwyd' gan hyd
yn oed mwy o bobl yn ystod cyfyngiadau'r pandemig. Ers i Adran yr Amgylchedd yng Nghyngor Abertawe gymryd cyfrifoldeb am y
Parc Gwledig yn ddiweddar, roedd PCDC wedi gweithio'n agos gyda nhw i gynllunio
a gweithredu gwelliannau yn y dyffryn ac roedd y bartneriaeth hon wedi parhau
gyda rhagor o ddatblygiadau i ddod. Byddai'r tîm AoHNE yn paratoi Cynllun Rheoli
ar gyfer y dyffryn a'r mis hwn rhoddodd Chris Lindley ac Ursula
Jones gyflwyniad i aelodau PCDC ar 'Ddyfodol Dyffryn Clun', gan esbonio'r
broses yr oeddent yn ei dilyn i lunio Cynllun Rheoli. Trafododd y Grŵp Llywio'r canlynol: - ·
gwaith rhagorol a mewnbwn
PCDC; ·
yr angen i ddarparu rhagor
o adnoddau/cydlynu drwy gyflwyno/gefnogi'r cynllun rheoli er mwyn diogelu'r
parc gan ei fod yn ased sylfaenol; ·
monitro'r cynllun rheoli
gan y Grŵp Llywio yn y dyfodol; ·
sut nad yw Parciau'n
rheoli'r parc gan ei fod yn cael ei reoli'n hanesyddol gan adran arall o'r
cyngor; ·
y cyngor/CNC yn cefnogi
gwaith y gwirfoddolwyr drwy weithio mewn partneriaeth; ·
yr angen i gadw a
mwynhau'r parc. Penderfynwyd nodi cynnwys yr adroddiad. |
|||||||||
Penderfyniad: Nodwyd. Cofnodion: Cyflwynodd Ruth
Henderson, Uwch-swyddog Cynllunio adroddiad 'er gwybodaeth' a ddarparodd
adolygiad o Astudiaeth Sensitifrwydd a Chwmpas Tirwedd Gŵyr ar gyfer
Carafanau a Safleoedd Gwersylla 2014. Darparwyd cefndir yr astudiaeth ac amlinellwyd bod
yr astudiaeth wedi bod yn offeryn defnyddiol wrth arwain datblygiad twristiaeth
newydd i leoliadau llai amlwg lle'r oedd yr effaith andwyol ar y dirwedd a'r
morlun dynodedig yn cael ei lleihau. Ychwanegwyd bod angen diweddaru'r astudiaeth er
mwyn adlewyrchu'n gywir effeithiau tirwedd meysydd carafanau a gwersylla,
dogfennu unrhyw newidiadau perthnasol i'r dirwedd a monitro unrhyw effeithiau
datblygu ers 2014, er mwyn darparu dogfen dystiolaeth gyfredol i gefnogi'r
CDLl. Ar ben hynny, roedd cyflwyno mathau amgen o lety ers
astudiaeth 2014 megis podiau, cabanau gwyliau,
cynhwysyddion a mathau eraill o ddatblygiad anweithredol yn dod yn llawer mwy
poblogaidd fel mathau o lety gwyliau a dylid eu hystyried. Comisiynwyd John Campion Associates
gan Gyngor Abertawe i gynnal yr adolygiad, a ariannwyd yn rhannol ag arian
grant AoHNE gan CNC. Roedd yr adolygiad yn adeiladu ar yr astudiaeth bresennol
a byddai'n cynnwys proses dau gam. Esboniwyd bod ymweliadau maes wedi'u cynnal ym mis Mawrth ac ym mis Awst
2021 a bod adroddiad Cam 1 rhagarweiniol wedi'i gyflwyno i'r cyngor i'w adolygu
ac roedd yr ymgynghorwyr yng nghamau cynnar datblygu Cam 2, y bwriedir iddo
gael ei gyflwyno'n gynnar yn 2022. Rhagwelwyd y byddai'r astudiaeth yn cael ei
defnyddio fel dogfen sylfaen dystiolaeth er mwyn llywio'r CDLl. Gwnaeth y Grŵp Llywio sylwadau ar nifer y cytiau, pebyll crwn, pebyll,
cytiau bugeiliaid ac estyniadau a oedd wedi'u codi/hadeiladu heb ganiatâd
cynllunio a'r angen i barchu'r system. Roedd problemau carthion
yn ymwneud â datblygiadau o'r fath hefyd yn achosi problemau ym mhenrhyn
Gŵyr. Cynghorwyd y Grŵp Llywio i roi gwybod am broblemau o'r fath i
orfodi cynllunio. |
|||||||||
Aelodau Panel y CDC - Adroddiad Ariannol. PDF 105 KB Penderfyniad: Er Gwybodaeth. Cofnodion: Cyflwynodd Mike
Scott, Swyddog AoHNE Gŵyr, adroddiad ariannol cryno y Gronfa Datblygu
Cynaliadwy (CDC) 'er gwybodaeth'. Adroddwyd
bod Llywodraeth Cymru wedi cadarnhau mai cyllideb y CDC ar gyfer 2021/22 fyddai
£100,000. Roedd 15 o brosiectau wedi'u cymeradwyo, gyda £100,000 wedi'i neilltuo, gan
neilltuo'r arian yn llawn ar gyfer 2020/21. Roedd ffigur y Cronfeydd Neilltuedig yn cynnwys ffi reoli DASA sef
£7,500.55.
|
|||||||||
Newidiadau Arfaethedig i'r Broses Ethol ar gyfer Aelodau Panel y CDC PDF 104 KB Penderfyniad: Er gwybodaeth. Cofnodion: Rhoddodd Swyddog AoHNE
Gŵyr yr wybodaeth ddiweddaraf i'r Grŵp Llywio ynghylch y gwelliannau
sy'n cael eu cyflwyno gan Lywodraeth Cymru i'r broses o benodi i Banel Grant y
Gronfa Datblygu Cynaliadwy. Ychwanegwyd bod y newidiadau wedi'u hanelu at sicrhau bod paneli'n cynnwys
demograffeg amrywiol o aelodau, gyda chynrychiolaeth o Bartneriaeth AoHNE. Er mwyn darparu ar gyfer hyn, byddai'r broses yn cael ei diwygio i benodi
aelodau o Banel Grant y Gronfa Datblygu Cynaliadwy, a Phanel Apeliadau'r Gronfa
Datblygu Cynaliadwy. Er mwyn bodloni canllawiau Llywodraeth Cymru, gofynnir i'r
Grŵp Llywio benodi dau aelod o bob panel bob blwyddyn, am gyfnod o ddwy
flynedd. Byddai hyn yn galluogi proses
benodi dreigl, gan gadw'r sgiliau a ddatblygwyd gan aelodaeth y panel, a hefyd
gyflwyno aelodau newydd o'r panel. Byddai cyflwyniadau blynyddol i waith panel
grantiau'r Gronfa Datblygu Cynaliadwy yn cael eu darparu fel rhan o'r rhaglen
sefydledig o gyfarfodydd. Gofynnir i'r Grŵp Llywio enwebu aelodau posib o'r panel i'w penodi yng
nghyfarfod Grŵp Llywio mis Mawrth 2022. Nodwyd bod cynghorwyr cyfreithiol y cyngor wedi cadarnhau nad oedd angen
newid Cylch Gorchwyl y Bartneriaeth AoHNE er mwyn darparu ar gyfer y
gwelliannau. |
|||||||||
Cynllun Grant Tirwedd a Bioamrywiaeth Arfaethedig PDF 290 KB Penderfyniad: Er gwybodaeth. Cofnodion: Cyflwynodd
Swyddog AoHNE Gŵyr adroddiad 'er gwybodaeth' ynghylch y cynllun grant
tirwedd a bioamrywiaeth arfaethedig. Esboniwyd bod y
cynllun grant, sy'n cael ei gynnal fel is-gorff i'r Gronfa Datblygu Cynaliadwy
a’i reoli yn lleol ar ran Llywodraeth Cymru, yn anelu at gefnogi amrywiaeth o
fentrau gwella tirwedd a bioamrywiaeth yn AoHNE Gŵyr. Mae'r grant
wedi'i anelu at berchnogion tir, cynghorau cymunedol a mannau cymunedol, lle
gallai enillion mewn bioamrywiaeth ymgysylltu a bod o fudd i'r rheini sy'n byw
yn y gymuned leol. Gallai ffermwyr wneud cais am gyllid ond ni ddylent fod yn
derbyn grant amaeth-amgylchedd ar gyfer yr un cynllun. Byddai blaenoriaeth yn
cael ei rhoi i gynlluniau lle gellid dangos y budd mwyaf o ran bioamrywiaeth a
budd cymunedol. Esboniwyd hefyd
yr ystod o weithgarwch, cymhwysedd, cyllid a phroses ymgeisio. Trafododd y
Grŵp Llywio'r cyllid penodol sydd ar gael, cynnwys cynlluniau sy'n mynd
i'r afael â newid yn yr hinsawdd a sut yr oedd gan y cynllun allbynnau gwahanol
i gyllid Datblygu Cynaliadwy. |