Agenda a Chofnodion
Lleoliad: Ystafell Bwyllgor 6 - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd: - 636923
Rhif | Eitem |
---|---|
Datgeliadau o fuddiannau personol a rhagfarnol. Cofnodion: Y Cynghorydd J P
Curtice - yr agenda yn ei chyfanrwydd - aelod o'r Cynllun Pensiwn Llywodraeth
Leol - personol. Y Cynghorydd M B
Lewis - yr agenda yn ei chyfanrwydd - aelod o'r Cynllun Pensiwn Llywodraeth
Leol - personol. Y Cynghorydd
C E Lloyd - yr agenda yn ei chyfanrwydd - aelod o'r Cynllun Pensiwn
Llywodraeth Leol - personol. Y Cynghorydd P Rees
- yr agenda yn ei chyfanrwydd - mae fy merch-yng-nghyfraith yn aelod o'r
Cynllun Pensiwn Llywodraeth Leol - personol. Y Cynghorydd W G
Thomas - yr agenda yn ei chyfanrwydd - aelod o'r Cynllun Pensiwn Llywodraeth
Leol - personol. Arsyllwr: I Guy - Cadeirydd y
Bwrdd Pensiwn Lleol - yr agenda yn ei chyfanrwydd - aelod o Gynllun Pensiwn
Llywodraeth Leol - personol. Swyddogion: K Cobb – yr agenda
yn ei chyfanrwydd – Aelod o'r Cynllun Pensiwn Llywodraeth Leol – personol. J Dong – yr agenda
yn ei chyfanrwydd – Aelod o'r Cynllun Pensiwn Llywodraeth Leol – personol. C Isaac – yr agenda
yn ei chyfanrwydd – Aelod o'r Cynllun Pensiwn Llywodraeth Leol – personol. J Parkhouse – yr agenda yn ei chyfanrwydd – Aelod o'r Cynllun Pensiwn Llywodraeth Leol – personol a Chofnod Rhif 51 – Prisiad Teirblwyddol – Clerc i Gyngor Cymuned Llanrhidian Uchaf – personol. |
|
Cymeradwyo a llofnodi, fel cofnod cywir, gofnodion y cyfarfod(ydd) blaenorol. Cofnodion: Penderfynwyd cymeradwyo a llofnodi cofnodion cyfarfod
Pwyllgor y Gronfa Bensiwn a gynhaliwyd ar 21 Tachwedd 2019 fel cofnod cywir. |
|
Cynllun Archwilio 2020 - Cronfa Bensiwn Dinas a Sir Abertawe. PDF 325 KB Cofnodion: Cyflwynodd Jason
Garcia, Swyddfa Archwilio Cymru (SAC), Gynllun Archwilio 2020 Swyddfa Archwilio
Cymru – Cronfa Bensiwn Dinas a Sir
Abertawe. Amlinellwyd mai
diben y cynllun oedd nodi'r gwaith arfaethedig gan Swyddfa Archwilio Cymru,
pryd y byddai'n cael ei wneud, faint y byddai'n ei gostio a phwy fyddai'n
gwneud y gwaith. Nodwyd cyfrifoldebau
SAC, ynghyd â rhai'r rheolwyr a'r rheini sy'n
llywodraethu yn Atodiad 1. Roedd ymagwedd yr
archwiliad, sy'n gysylltiedig ag asesu risgiau, yn cynnwys tri cham a
amlinellwyd yn Arddangosyn 1. Nodwyd
risgiau camddywediadau pwysig, yr oedd SAC yn eu hystyried yn sylweddol ac yr
oedd angen ystyriaeth archwilio arbennig arnynt, yn Arddangosyn 2, ynghyd â'r
gwaith y byddai SAC yn ei wneud i fynd i'r afael â hwy. Roedd Arddangosyn 2 hefyd yn darparu manylion
y risgiau archwilio ariannol a'r ymateb archwilio arfaethedig. Roedd Arddangosyn
3 yn darparu'r ffi archwilio, Arddangosyn 4 yn darparu manylion y tîm archwilio
ac Arddangosyn 5 yn darparu'r amserlen. Darparwyd cyfrifoldebau priodol yn
Atodiad 1 ac amlinellwyd datblygiadau eraill yn y dyfodol yn Atodiad 2. Ychwanegwyd y
byddai gwaith ar y Gronfa Bensiwn yn cychwyn ar ôl i'r archwiliad ar Datganiad o Gyfrifon y cyngor gael ei
gwblhau. Diolchodd y
Cadeirydd i gynrychiolydd SAC am ddod i'r cyfarfod a chyflwyno'r adroddiad. Penderfynwyd nodi cynnwys yr adroddiad. |
|
Gwahardd y Cyhoedd. PDF 236 KB Cofnodion: Gofynnwyd i'r
pwyllgor wahardd y cyhoedd o'r cyfarfod er mwyn iddo ystyried yr eitem(au)
f/busnes a nodwyd yn argymhelliad/argymhellion yr adroddiad ar y sail ei bod/eu
bod yn debygol o ddatgelu gwybodaeth eithriedig fel a nodir ym mharagraff
gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn
Llywodraeth Leol (Mynediad at Wybodaeth) (Amrywio) (Cymru) 2007 mewn perthynas
ag eitem(au) f/busnes a nodir yn yr adroddiad. Ystyriodd y
pwyllgor brawf budd y cyhoedd wrth benderfynu a ddylid gwahardd y cyhoedd o'r
cyfarfod ar gyfer yr eitemau busnes lle roedd prawf budd y cyhoedd yn
berthnasol fel a nodir yn yr adroddiad. Penderfynwyd y dylid gwahardd y cyhoedd ar gyfer yr
eitemau busnes canlynol. (Sesiwn Gaeëdig) |
|
Prisiad Tair Blynedd. Cofnodion: Darparwyd Cronfa
Bensiwn Dinas a Sir Abertawe, Cyfraddau Prisiad Teirblwyddol
Drafft a Thystysgrif Addasu 2019 i'r Pwyllgor gan Chris Archer, Aon. Diben yr
adroddiad hwn oedd sicrhau y cydymffurfiwyd â rheoliadau Cynllun Pensiwn
Llywodraeth Leol, sy'n mandadu ymgymryd â phrisiad actiwaraidd
teirblwyddol llawn. Trafododd y
Pwyllgor yr wybodaeth a ddarparwyd ac amlygwyd bod y prisiadau'n cael eu
cyflwyno ar gylch tair blynedd yn unig.
Ychwanegwyd bod rheolwyr yn derbyn prisiadau bob chwe mis. Diolchodd y
Cadeirydd i Chris Archer ar ran y pwyllgor am ei gyfraniad gwerthfawr i
Bwyllgor y Gronfa Bensiwn a dymunodd y gorau iddo ar gyfer ei ymddeoliad. Penderfynwyd: 1)
Nodi
a chymeradwyo'r cyfraddau actiwaraidd teirblwyddol drafft a thystysgrifau addasu 2019, yn amodol
ar unrhyw newidiadau pwysig rhwng y dyddiad hwn a 31 Mawrth 2020, ac y bydd y
Dirprwy Swyddog Adran 151, mewn ymgynghoriad â Chadeirydd Pwyllgor y Gronfa
Bensiwn neu ei ddirprwy enwebedig, yn cymeradwyo unrhyw newidiadau, ac yn
adrodd yn ôl i'r Pwyllgor amdanynt; 2)
Cyflwyno'r
adroddiad actiwaraidd terfynol (os yw'n wahanol) i'r
Pwyllgor y Gronfa Bensiwn yn ei gyfarfod nesaf; 3)
Darparu
diweddariadau ariannol dros dro yn rheolaidd. Nodwyd: Ymataliad y Cynghorydd M B Lewis |
|
Y Diweddaraf am Bartneriaeth Pensiwn Cymru. Cofnodion: Darparodd y
Dirprwy Brif Swyddog Cyllid/Dirprwy Swyddog Adran 151 adroddiad 'er gwybodaeth'
a oedd yn rhoi'r diweddaraf i'r pwyllgor am gynnydd rhannu asedau Partneriaeth
Pensiwn Cymru. Roedd Atodiad 1 yn darparu'r cynnydd a'r adroddiad diweddaru a ddarparwyd
gan weithredwr y Cynllun Contractiol Awdurdodedig (CCA), Link Asset
Services. Yn y diweddariad
cyfeirir at yr amserlen ar gyfer lansio cronfa incwm sefydlog cyfran 3. Mae hon
wedi'i haildrefnu ac fe'i cynhelir bellach yn ystod Chwarter 1af
2020. |
|
Adroddiad Buddsoddi. Cofnodion: Darparodd Nick
Jellema, Ymgynghorwr Buddsoddi, adroddiad 'er gwybodaeth' a oedd yn cyflwyno
Adroddiad Monitro Buddsoddiadau Chwarter 4 2019. Nodwyd cynnwys yr adroddiad gan y pwyllgor a gofynnwyd cwestiynau amrywiol, ac fe'u hatebwyd yn briodol. Diolchwyd i'r Ymgynghorydd Buddsoddi am ei adroddiad. |
|
Crynodeb Buddsoddi. Cofnodion: Rhoddodd y
Dirprwy Brif Swyddog Cyllid/Dirprwy Swyddog Adran 151 adroddiad 'er gwybodaeth'
a oedd yn cynnwys y perfformiad buddsoddi ar gyfer y chwarter, y flwyddyn a'r 3
blynedd a ddaeth i ben ar 31 Rhagfyr 2019. Atodwyd crynodebau buddsoddi chwarterol y Gronfa Bensiwn ar gyfer y chwarter, y flwyddyn a'r 3 blynedd a ddaeth i ben ar 31 Rhagfyr 2019 yn Atodiad 1. |
|
Cyflwyniad(au) Rheolwr y Gronfa: 1) Buddsoddiadau Russell - Telegynhadledd. Cofnodion: Rhoddwyd
cyflwyniad 'o bell' gan Aidan Quinn ac Yacine Zerizef o Russell Investments. Gan nodi anwadalrwydd y farchnad oherwydd pryderon am coronafeirws, adroddwyd bod y rhaglen amddiffyn ecwiti wedi
darparu gwerth £7m o amddiffyniad hyd yn hyn. Gofynnodd y
pwyllgor gwestiynau am gynnwys y cyflwyniad llafar ac atebwyd yn briodol
iddynt. Nodwyd cynnwys y
cyflwyniad a diolchodd y Cadeirydd i reolwyr y Gronfa am ddod i'r cyfarfod. (Sesiwn Agored) |
|
Cronfa Bensiwn Dinas a Sir Abertawe Dogfennau ychwanegol: Cofnodion: Cyflwynodd y
Dirprwy Brif Swyddog Cyllid/Dirprwy Swyddog Adran 151 adroddiad a oedd yn
ceisio cymeradwyaeth ar gyfer y Datganiad Strategaeth Ariannu Drafft i sicrhau
y cydymffurfir â Rheoliadau'r Cynllun Pensiwn Llywodraeth Leol yr oedd angen
datganiad strategaeth ariannu ar eu cyfer. Prif bwrpas y Datganiad Strategaeth Ariannu oedd amlinellu'r prosesau a
ddefnyddir gan yr awdurdod gweinyddu i: § sefydlu strategaeth ariannu glir a thryloyw, sy'n benodol i'r Gronfa, a
fyddai'n nodi sut y gellid bodloni rhwymedigaethau pensiwn cyflogwr; § gefnogi'r gofyniad rheoliadol mewn perthynas â dymunoldeb cynnal cyfradd
cyfraniadau sylfaenol sydd mor gyson â phosib; ·
sicrhau bod y gofynion rheoliadol i
bennu cyfraniadau er mwyn sicrhau diddyledrwydd a chost effeithlonrwydd tymor
hir y Gronfa'n cael eu bodloni; ·
ystyried ariannu
rhwymedigaethau'r Gronfa'n ochelgar yn y tymor hwy. Ychwanegwyd, er bod yn rhaid adlewyrchu'r strategaeth ariannu sy'n berthnasol i gyflogwyr unigol yn y Datganiad Strategaeth Ariannu/Datganiad Strategaeth Buddsoddi, y byddai'n canolbwyntio ar bob adeg ar y camau gweithredu hynny a oedd er budd tymor hwy pennaf y Gronfa. |
|
Cofnodion: Cyflwynodd y
Dirprwy Brif Swyddog Cyllid/Dirprwy Swyddog Adran 151 adroddiad 'er gwybodaeth'
a oedd yn darparu manylion toriadau a gafwyd yn y cyfnod hwn yn unol â'r polisi
Adrodd am Doriadau. Darparodd Atodiad A fanylion y toriadau a gafwyd ers cyfarfod diwethaf Pwyllgor y Gronfa Bensiwn ym mis Tachwedd 2019. Amlygwyd manylion y toriadau a'r camau gweithredu a gymerwyd gan reolwyr. Nodwyd bod toriadau GDPR yn cael eu cynnwys bellach at ddibenion adrodd. |
|
Cynllun Busnes Cronfa Bensiwn Dinas a Sir Abertawe 2020/21. PDF 180 KB Cofnodion: Cyflwynodd y
Dirprwy Brif Swyddog Cyllid/Dirprwy Swyddog Adran 151 adroddiad a oedd yn
ceisio cymeradwyaeth ar gyfer Cynllun Busnes Cronfa Bensiwn Dinas a Sir
Abertawe 2020/21 er mwyn darparu fframwaith gweithredol ar gyfer rhaglen waith
yn Gronfa Bensiwn yn 2020/21. Penderfynwyd: - 1)
Nodi
a chymeradwyo'r Cynllun busnes ar gyfer 2020/21, gan nodi'r amserlen a'r
cyfrifoldeb am bwyntiau gweithredu allweddol drwy gydol y flwyddyn; 2) Nodwyd bod y ddogfen yn ddogfen ddynamig ac y byddai'n cael ei gwella a'i diwygio drwy gydol y flwyddyn yn ôl yr angen. |
|
Cofnodion: Cyflwynodd y
Dirprwy Brif Swyddog Cyllid/Dirprwy Swyddog Adran 151 adroddiad a oedd yn ceisio
cymeradwyaeth ar gyfer rhaglen hyfforddiant flynyddol ar gyfer aelodau Pwyllgor
y Gronfa Bensiwn, Aelodau'r Bwrdd Pensiwn Lleol a swyddogion y Gronfa Bensiwn. Penderfynwyd 1)
cymeradwyo'r
asesiad a'r cynllun hyfforddiant amlinellol yn 3.7, 3.8 a 3.9; 2)
y
dylai cyfleoedd pellach a nodir yn ystod y flwyddyn gael eu dirprwyo i'r
Dirprwy Swyddog Adran 151 i'w cymeradwyo; 3) y dylai aelodau'r pwyllgor gwblhau'r Asesiad Gwybodaeth Cenedlaethol ar-lein erbyn 17 Ebrill 2020. |