Agenda a Chofnodion
Lleoliad: Ystafell Bwyllgor 6 - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd: - 636923
Rhif | Eitem |
---|---|
Datgeliadau o fuddiannau personol a rhagfarnol. Cofnodion: Yn unol â'r Côd
Ymddygiad a fabwysiadwyd gan Ddinas a Sir Abertawe, cyhoeddwyd y buddiannau
canlynol: Datganodd y
Cynghorydd C E Lloyd fudd personol yn yr agenda yn ei chyfanrwydd - mae ei dad
yn aelod o'r Cynllun Pensiwn Llywodraeth Leol. Datganodd y Cynghorydd
M B Lewis fudd personol yn yr agenda yn ei chyfanrwydd - aelod o'r Cynllun
Pensiwn Llywodraeth Leol. Datganodd y
Cynghorydd P Rees fudd personol yn yr agenda yn ei chyfanrwydd - mae ei
ferch-yng-nghyfraith yn aelod o'r Cynllun Pensiwn Llywodraeth Leol. Datganodd y
Cynghorydd D G Sullivan fudd personol yn yr agenda yn ei chyfanrwydd - derbyn
Pensiwn Llywodraeth Leol o Gronfa Bensiwn Dyfed ac mae ei ferch-yng-nghyfraith
yn aelod o Gynllun Pensiwn Llywodraeth Leol Abertawe. Datganodd y
Cynghorydd M Thomas fudd personol yn yr agenda yn ei chyfanrwydd - aelod o'r
Cynllun Pensiwn Llywodraeth Leol a'i wraig hefyd yn derbyn Pensiwn Llywodraeth
Leol. Datganodd y Cynghorydd W G Thomas fudd personol yn yr agenda yn ei chyfanrwydd - aelod o'r Cynllun Pensiwn Llywodraeth Leol. |
|
Cymeradwyo a
llofnodi, fel cofnod cywir, gofnodion y cyfarfod(ydd) blaenorol. Cofnodion: Penderfynwyd cymeradwyo a llofnodi cofnodion cyfarfod y Pwyllgor y Gronfa Bensiwn a gynhaliwyd ar 13 Gorffennaf 2017 fel cofnod cywir. |
|
Cofnodion: Cyflwynodd David
Williams, Arweinydd y Tîm Ariannol, Swyddfa Archwilio Cymru (SAC) adroddiad a oedd
yn nodi'r materion i'w hystyried o archwiliad cyfriflenni ariannol y Gronfa
Bensiwn ar gyfer 2016-2017 yr oedd angen eu nodi o dan SRA 260. Bwriad yr
Archwilydd Cyffredinol yw cyflwyno adroddiad pendant ar gyfriflenni ariannol y
Gronfa Bensiwn ar gyfer 2016-17 unwaith y bydd yr awdurdod yn darparu llythyr
sylwadau i Swyddfa Archwilio Cymru yn seiliedig ar yr hyn a nodwyd yn Atodiad
1. Nodwyd yr adroddiad
archwilio arfaethedig yn Atodiad 2. Roedd y Gronfa Bensiwn wedi'i chynnwys ym
mhrif gyfriflenni ariannol y cyngor ac felly'r ymateb a gyflwynwyd oedd yr un a
gynigiwyd ar gyfer cynnwys prif gyfriflenni ariannol y cyngor yn y Gronfa
Bensiwn. Amlinellwyd bod
camddatganiadau wedi'u cywiro gan reolwyr ond mae'r SAC o'r farn y dylid tynnu
ein sylw atynt oherwydd eu perthnasedd i'n cyfrifoldebau dros y broses adrodd
ariannol. Nodwyd y rhain gyda'r esboniadau yn Atodiad 3. Ni chafodd y
diwygiadau hyn unrhyw effaith ar Gyfrif y Gronfa ond cynyddodd gwerth y
buddsoddiadau yng Nghyfriflen yr Asedau Net o £2.3 miliwn. Dylid cydnabod nad
camddatganiadau oedd y rhain, ond prisiadau a gafodd eu cynnwys yn y
cyfriflenni ariannol yn seiliedig ar yr unig wybodaeth amcangyfrifedig a oedd
ar gael wrth lunio'r adroddiad. Pan gafwyd y prisiad dilynol yn ystod yr
archwiliad, diwygiwyd y cyfriflenni ariannol. Roedd hefyd nifer o ddiwygiadau
cyflwyniadol a wnaed i'r cyfriflenni ariannol drafft sy'n codi o'r archwiliad. Nodwyd yr
argymhellion sy'n codi o'r gwaith archwilio ariannol yn Atodiad 4. Ymatebodd y rheolwyr iddynt a byddai SAC yn
gwirio'r cynnydd a wnaed yn ystod archwiliad y flwyddyn nesaf. Lle'r oedd
unrhyw gamau gweithredu heb eu cyflawni, byddant yn parhau i fonitro cynnydd
a'i gynnwys yn adroddiad y flwyddyn nesaf. Penderfynwyd nodi cynnwys yr adroddiad. |
|
Adroddiad Blynyddol 2016/17. PDF 9 KB Dogfennau ychwanegol: Cofnodion: Cyflwynodd Prif
Swyddog y Drysorfa a Thechnegol Adroddiad Blynyddol Cronfa Bensiwn Dinas a Sir
Abertawe 2016/17 i'w gymeradwyo. Roedd Swyddfa
Archwilio Cymru wedi archwilio Adroddiad Blynyddol 2016/17 y Gronfa Bensiwn yn unol
â'i chynllun archwilio a gyflwynwyd i Bwyllgor y Gronfa Bensiwn yn gynharach y
flwyddyn hon. Roedd Adroddiad
Blynyddol Cronfa Bensiwn Dinas a Sir Abertawe 2016/17 yn Atodiad 1. Nodwyd bod
camgymeriad ar dudalen 74 y pecyn agenda - dylai'r geiriad ar waelod y dudalen
ddarllen 'Cynnydd yng ngwerth y Gronfa' yn hytrach na 'Gostyngiad yng ngwerth y
Gronfa'. Penderfynwyd cymeradwyo Adroddiad Blynyddol Cronfa Bensiwn Dinas a Sir Abertawe. |
|
Adroddiad am Doriadau. PDF 77 KB Cofnodion: Cyflwynodd y Prif
Reolwr Pensiynau adroddiad 'er gwybodaeth' er mwyn cyflwyno unrhyw doriadau a
wnaed yn y Gronfa Bensiwn yn unol â'r Polisi Adrodd am Doriadau. Roedd y Polisi
Adrodd am Doriadau wedi'i fabwysiadu ac mewn grym ers 9 Mawrth 2017. Atodwyd yr
Adroddiad Toriadau yn Atodiad A. Ers yr
adroddiad diwethaf ar 13 Gorffennaf 2017, roedd 32.71% o daliadau cyfandaliad
ymddeol heb eu talu o fewn y meincnod; fodd bynnag, mae ymchwil pellach wedi
canfod bod pob taliad hwyr o ganlyniad i aelodau nad oeddent wedi dychwelyd y
gwaith papur priodol er mwyn derbyn taliad. Adolygwyd yr ohebiaeth a anfonir at
aelodau pan fyddant yn ymddeol er mwyn sicrhau bod pwysigrwydd anfon y
dogfennau priodol yn ôl ar amser yn cael ei amlygu. Mae'r Gronfa'n gofyn bod cyflogwyr yn talu cyfraniadau gweithwyr a chyflogwyr i'r Gronfa'n fisol a dim hwyrach na'r 19 diwrnod o'r mis ar ôl i'r cyfraniadau gael eu tynnu. Mae nifer o achosion wedi bod yn ystod y cyfnod adrodd lle cafwyd toriadau. Ym mhob achos, roedd staff Rheoli'r Trysorlys wedi ysgrifennu at y cyflogwyr yn gofyn am daliad ac i'w hatgoffa o gyfrifoldebau talu ar amser. |
|
Dogfennau ychwanegol:
Cofnodion: Cyflwynodd Prif
Swyddog y Drysorfa a Thechnegol a'r Ymgynghorydd Buddsoddi adroddiad ‘er
gwybodaeth’ a oedd yn hysbysu Pwyllgor y Gronfa Bensiwn o MIFID II a'i effaith
bosib ar y CPLlL yn genedlaethol ac yn lleol. Amlinellwyd yr
effaith bosib ar y CPLlL, yr asesiad arfaethedig sydd
ei angen a'r ffordd ymlaen. Penderfynwyd y dylai Pwyllgor y Gronfa Bensiwn: 1)
Nodi'r effaith bosib ar strategaeth fuddsoddi yn
dod yn gwsmer manwerthu yn effeithiol o 3 Ionawr 2018; 2)
Cymeradwyo
dechrau'r ceisiadau ar
unwaith ar gyfer statws cwsmer proffesiynol etholedig gyda phob sefydliad
perthnasol er mwyn sicrhau y gellir parhau i roi strategaeth fuddsoddi
effeithiol ar waith; 3)
Wrth
ethol statws cwsmer proffesiynol, roedd y pwyllgor yn cydnabod ac yn
cymeradwyo hepgor yr amddiffyniadau sydd ar gael i gwsmeriaid manwerthu. 4)
Dirprwyo cymeradwyaethau priodol at ddibenion
cwblhau ceisiadau a phenderfynu ar sylfaen briodol y cais i'r Swyddog Adran
151. |
|
Camau Corfforaethol. PDF 83 KB Cofnodion: Darparodd Prif
Swyddog y Drysorfa a Thechnegol adroddiad i fonitro cyfleoedd i adfer colled o
ganlyniad i dorri deddfau Gwarannau'r UDA. Adroddodd ar
gefndir yr eitem hon, y gwahaniaeth rhwng achosion buddsoddwyr yn yr UDA, y DU a
gwledydd eraill; cyfranogiad presennol mewn cyd-achosion yn yr UDA ac
amlinellodd ffordd ymlaen. Penderfynwyd y byddai BR&B yn cael ei ddefnyddio fel a amlinellwyd yn 4.1 (i) a (ii) yr adroddiad. |
|
Cysoni'r Isafswm Pensiwn Gwarantedig. PDF 109 KB Cofnodion: Cyflwynodd y Prif Reolwr Pensiynau adroddiad ar leoliad presennol y Gronfa mewn perthynas â chysoniad GMP a chymeradwyodd y weithdrefn sydd ei hangen er mwyn cwblhau'r ymarfer Cysoniadau GMP o fewn yr amserlen sydd ar gael. Darparwyd adroddiad briffio yn y cyfarfod diwethaf i ddiweddaru'r pwyllgor am y sefyllfa bresennol o ran ymarfer Cysoniadau GMP, a gafodd ei gynnwys fel Atodiad A. Amlinellwyd yr adroddiad gwreiddiol ar gyfer y pwyllgor ar 12 Mawrth 2015 yn Atodiad B. Roedd yr adroddiad hwn yn ceisio cymeradwyaeth ar gyfer y casgliadau y daethpwyd iddynt o ganlyniad i adolygiad o'r safle presennol ac ystyriaeth o'r gwahanol opsiynau sydd ar gael er mwyn cwblhau'r ymarfer o fewn yr amserlen sydd ar gael. Penderfynwyd eithrio'r wasg a'r cyhoedd o'r pwyllgor yn unol â pharagraff 16 Atodlen 12A Deddf Llywodraeth Leol 1972, fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiol) (Cymru) 2007 er mwyn i'r Pwyllgor gael cyngor cyfreithiol. (Sesiwn Gaeëdig) Trafododd yr aelodau'r materion sy'n ymwneud â'r adroddiad a'r argymhellion. (Sesiwn Agored) Penderfynwyd y dylid: 1) Cymeradwyo rhoi ymarfer Cysoniad GMP i drydydd parti, dadansoddiad data pensiynau arbenigol a darparwr rheoli data; 2) Penodi'r sefydliad a ddewiswyd drwy Fframwaith Cenedlaethol CPLlL i gwblhau ymarfer Cysoniad GMP. |
|
Cofnodion: Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhelliad/ion yr adroddiad ar y sail ei bod/eu bod yn debygol o ddatgelu gwybodaeth eithriedig fel a nodir ym mharagraff gwahardd Atodlen 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitem(au) f/busnes a nodir yn yr adroddiad. Ystyriodd y pwyllgor brawf budd y cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle roedd prawf budd y cyhoedd yn berthnasol fel a nodir yn yr adroddiad. PENDERFYNWYD y dylid gwahardd y cyhoedd ar gyfer yr eitemau busnes canlynol. (Sesiwn Gaeëdig) |
|
Cysoni'r Isafswm Pensiwn Gwarantedig. Cofnodion: Darparodd y Prif
Reolwr Pensiynau adroddiad i gymeradwyo penodi cyflenwr i gwblhau ymarfer
Cysoniad GMP o fewn yr amserlen sydd ar gael. Nodwyd y dylid
diwygio brawddeg olaf ail baragraff 5.1 Penderfynwyd penodi'r cwmni a amlinellwyd yn yr argymhelliad er mwyn cwblhau ymarfer Cysoniad GMP. |
|
Partneriaeth Pensiwn Cymru - Y Diweddaraf. Cofnodion: Darparodd Prif
Swyddog y Drysorfa a Thechnegol adroddiad ‘er gwybodaeth’ a oedd yn rhoi'r
diweddaraf i'r pwyllgor am gynnydd Partneriaeth Pensiwn Cymru. Adroddodd ar gefndir
yr eitem, darparodd fanylion mewn perthynas â'r cyflwyniad o ran 8 Cronfa
Bensiwn Cymru ac amlinellodd y llywodraethu dros dro a'r broses gaffael a
gafwyd hyd yn hyn. Amlinellwyd amserlen wedi'i diweddaru a diweddariad ar gynnydd a grëwyd gan ymgynghorwyr Partneriaeth Pensiwn Cymru, Hymans Robertson, yn Atodiad 1. |
|
Adroddiad yr Ymgynghorydd Buddsoddi. Cofnodion: Rhoddodd yr
adroddiad 'er gwybodaeth' ddiweddariad ar fuddsoddiad chwarterol a diweddariad
ar gyfer y farchnad yr ymgynghorydd buddsoddi penodedig i'r gronfa. Penderfynodd
Pwyllgor y Gronfa Bensiwn ychwanegu'r gwasanaethau ymgynghorol i Bwyllgor y
Gronfa Bensiwn gyda phenodiad yr Ymgynghorydd Buddsoddi, Hymans
Robertson, a fydd, ynghyd â'r ymgynghoriaeth
fuddsoddi draddodiadol yn cynorthwyo wrth lywio y gronfa a'r polisïau buddsoddi
sy'n gyfrifol, ynghyd â chynorthwyo wrth fonitro perfformiad Cronfa Buddsoddi
Partneriaeth Pensiwn Cymru. Atodwyd adroddiad
chwarterol Hymans Robertson yn Atodiad 1. Gofynnodd y pwyllgor gwestiynau i'r Ymgynghorydd Buddsoddi ac atebwyd yn briodol iddynt. Nodwyd cynnwys yr adroddiad a diolchwyd i'r Ymgynghorydd Buddsoddi am yr adroddiad. |
|
Adroddiad(au) yr Ymgynghorwyr Annibynnol. Cofnodion: Roedd yr adroddiad
'er gwybodaeth' yn cyflwyno diweddariad economaidd a sylwebaeth y farchnad o
safbwynt yr Ymgynghorwyr Buddsoddi Annibynnol a benodwyd. Yn Atodiad 1 roedd
adroddiadau chwarterol y ddau ymgynghorydd annibynnol, Mr Noel Mills a Mr Valentine Furniss, a ddaeth i ben
ar 30 Mehefin 2017. Darparodd Mr Furniss ddiweddariad
wedi'i ddiwygio. Nodwyd cynnwys pob adroddiad gan y pwyllgor a diolchwyd i'r Ymgynghorwyr Annibynnol am eu hadroddiadau. |
|
Crynodeb Buddsoddi. Cofnodion: Rhoddodd Prif
Swyddog y Drysorfa a Thechnegol adroddiad er gwybodaeth a oedd yn cynnwys y
perfformiad buddsoddi ar gyfer y chwarter y flwyddyn a'r 3 blynedd a ddaeth i
ben ar 30 Mehefin 2017. Yn Atodiad 1 roedd crynodebau buddsoddi chwarterol y Gronfa Bensiwn ar gyfer y chwarter, y flwyddyn a'r 3 blynedd a ddaeth i ben ar 30 Mehefin 2017. |
|
Cyflwyniad(au) Rheolwr y Gronfa: · Schroders – UK Equities. Cofnodion: Rhoddwyd cyflwyniad
gan Geoff Day, Cyfarwyddwr Cwsmeriaid, a Sue Noffke,
Rheolwr Cronfa Ecwiti'r DU Schroders - Ecwitïau'r DU. Gofynnodd y
pwyllgor gwestiynau am gynnwys y cyflwyniad llafar ac atebwyd yn briodol
iddynt. Nodwyd cynnwys y cyflwyniad a diolchodd y Cadeirydd i Reolwr y Gronfa am ddod i'r cyfarfod. |
|
Ymddeoliad - diolch. Cofnodion: Rhoddodd y
Cadeirydd wybod i'r pwyllgor y byddai'r Rheolwr Pensiynau'n ymddeol o'r
awdurdod yn dilyn 39 o flynyddoedd yn gweithio i'r adran Bensiynau. Diolchodd ar ran yr awdurdod am ei gwaith yn rheoli'r gwasanaeth o ran cydymffurfio a llywodraethu ar hyd y blynyddoedd diwethaf. |