Agenda a Chofnodion
Lleoliad: Ystafell Bwyllgor A/B, Canolfan Ddinesig, Castell-Nedd
Cyswllt: Gareth Borsden - 01792636824
Rhif | Eitem |
---|---|
Mr David Michael. Cofnodion: Adroddodd y
Cadeirydd mai hwn fyddai cyfarfod olaf Mr David Michael cyn iddo ymddeol ar
ddiwedd mis Mawrth. Diolchodd i Mr
Michael am ei gyngor cyfreithiol a'i ddiddordeb personol yng ngwaith yr
Is-adran Archifau. Dymunodd y Cadeirydd
ac aelodau'r pwyllgor ymddeoliad hir ac iach i Mr Michael. |
|
Datgeliadau o fuddiannau personol a rhagfarnol. Cofnodion: Yn unol â'r Côd Ymddygiad a fabwysiadwyd gan y ddau awdurdod,
cyhoeddwyd y cysylltiad canlynol: Mr D Michael –
Personol – Aelod o Gymdeithas Hynafiaethwyr Castell-nedd |
|
Cymeradwyo a llofnodi fel cofnod cywir gofnodion y cyfarfod(ydd) blaenorol. Cofnodion: Penderfynwyd cymeradwyo cofnodion Pwyllgor Archifau
Gorllewin Morgannwg a gynhaliwyd ar 15 Rhagfyr 2018 fel cofnod cywir. |
|
Cyllideb Refeniw 2018/19. PDF 63 KB Cofnodion: Cyflwynodd Kim
Collis adroddiad y Cyfarwyddwr Lleoedd a oedd yn nodi manylion Cyllideb
Refeniw'r Gwasanaeth Archifau ar y Cyd ar gyfer 2018/2019 a'r arian wrth gefn
sydd gan y Gwasanaeth Archifau ar y Cyd, a gyflwynwyd er gwybodaeth yn unig. Nododd ei bod yn
gyllideb "ddigyfnewid" ar gyfer 2018/19 heb ostyngiad, a lwfans bach
ar gyfer cytundeb cyflog disgwyliedig 2018/19. Mae'r tabl yn yr
adroddiad yn dangos sefyllfa amcangyfrifedig arian
wrth gefn yr Archifau ar 31 Mawrth 2018. Cynhaliwyd
trafodaethau ynghylch sut ariennir swydd yr Hyfforddai Archifau o'r gronfa wrth
gefn ar gyfer hyfforddiant, sydd ar hyn o bryd yn cynnwys gwerth pedair blynedd
o gyllid. Cyfeiriodd at bwysigrwydd swydd yr hyfforddai yn y strwythur staffio. Amlinellodd
aelodau eu cefnogaeth ar gyfer cadw unrhyw danwariant yn y gyllideb i'w
ddyrannu i'r gronfa wrth gefn ar gyfer hyfforddiant. Penderfynwyd: 1)
Nodi'r adroddiad. 2) Nodi cefnogaeth y
pwyllgor o ran defnydd parhaus unrhyw danwariant sy'n cael ei drosglwyddo i'r
gronfa wrth gefn ar gyfer hyfforddiant. |
|
Adroddiad Archifydd y Sir. PDF 198 KB Cofnodion: Cyflwynodd yr Archifydd
Sirol adroddiad a oedd yn amlinellu gwaith y Gwasanaeth Archifau ar y Cyd yn
ystod y cyfnod rhwng mis Rhagfyr 2017 a mis Chwefror 2018. Datblygu
Gwefan ar Wahân Adroddodd am y
nodyn briffio a gylchredwyd a oedd yn ymwneud â mater datblygu gwefan
gwasanaeth archifau ar wahân. Roedd y nodyn
briffio'n cynnwys manteision ac anfanteision posib y cynnig. Amlinellodd ei
argymhelliad na ddylid bwrw ymlaen â'r syniad ac y dylai'r gwasanaeth
ganolbwyntio ar gynyddu ei broffil cyfryngau cymdeithasol. Cefnogwyd yr
argymhelliad gan aelodau'r pwyllgor a gofynnwyd am fwy o wybodaeth am y
strategaeth cyfryngau cymdeithasol.
Gofynnwyd hefyd a ellid cynnal ymchwiliad pellach yn ymwneud â
gwerthiant posib catalog yr archifau a'i bresenoldeb ar-lein. Ffioedd a
thaliadau Amlinellodd y taliadau diwygiedig arfaethedig ar gyfer 2018/19 gan nodi'r
rhesymeg sy'n sail i gynyddu'r ffioedd. Penderfynwyd cymeradwyo'r newidiadau i'r taliadau. Defnydd o'r
gwasanaeth Nododd y defnydd
o'r gwasanaeth am y chwarter a nodi'r cefndir a'r rhesymeg y tu ôl i'r
ystadegau chwarterol. Allgymorth y
Gwasanaeth Cyfeiriodd at
arddangosfa ar Abertawe Edwardaidd a arddangoswyd yng Nghanolfan Ddinesig
Abertawe ym mis Rhagfyr a mis Ionawr. Amlinellodd y
cynigion ar gyfer arddangosfa'n ymwneud â chanmlwyddiant y bleidlais i ferched
sy'n cael ei datblygu yn dilyn llwyddiant cael grant gan Lywodraeth Cymru. Amlinellodd y
gwaith sy'n cael ei wneud gan Lyfrgell Genedlaethol Cymru i ddigiteiddio
samplau cynrychioliadol o gasgliad gweithfeydd haearn Mynachlog Nedd. Amlinellwyd yr
ymweliadau ysgol amrywiol a'r sgyrsiau â grwpiau allanol hefyd. Cyfarfodydd
Proffesiynol a Gweithio Mewn Partneriaeth Adroddodd am y
cyfarfodydd amrywiol y bu'r staff yn bresennol ynddynt yn ystod y chwarter. Hyfforddiant Amlinellodd y
cyrsiau hyfforddi amrywiol y bu'r staff yn bresennol ynddynt yn ystod y
chwarter. Casgliadau
Archifau Adroddodd am y
rhestr o archifau a dderbyniwyd gan y gwasanaeth yn ystod y chwarter. |