Agenda a Chofnodion

www.abertawe.gov.uk/DatgeliadauBuddiannau

Y Cynghorydd D G Sullivan – Cofnod Rhif: 83 – fel a nodwyd yn flaenorol.

Cymeradwyo, fel cofnod cywir, gofnodion y cyfarfod blaenorol.

PENDERFYNWYD cytuno bod cofnodion Panel Llywodraethwyr yr ALl a gynhaliwyd ar 25 Awst 2016 yn gofnod cywir.

Rhoddodd Rheolwr yr Uned Ysgolion a Llywodraethwyr adroddiad "er gwybodaeth" am y rhestr bresennol o swyddi gwag llywodraethwyr yr ALl.

Gofynnwyd i Banel Llywodraethwyr yr ALl wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhelliad yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraffau gwahardd Atodlen 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas â'r eitem fusnes a nodir yn yr adroddiad.

Ystyriodd Panel Llywodraethwyr yr ALl Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel y nodir yn yr adroddiad.

PENDERFYNWYD gwahardd y cyhoedd ar gyfer yr eitemau busnes canlynol.

(SESIWN GAEËDIG)

Cyflwynodd Rheolwr yr Uned Ysgolion a Llywodraethwyr y ceisiadau ar gyfer swyddi gwag llywodraethwyr yr ALl yr oedd angen penderfynu arnynt.

CYTUNWYD:

1) Y dylai'r enwebiadau canlynol gael eu hargymell i'r Cabinet i'w cymeradwyo:

Ysgol Gyfun yr Esgob Gore - Mrs Margaret (Peggy) George (ailbenodi)

Ysgol Gyfun Gymraeg Bryn Tawe – Mr David Meirion Howells (cais newydd).

Rhoddodd Rheolwr yr Uned Ysgolion a Llywodraethwyr adroddiad "er gwybodaeth" am y rhestr bresennol o geisiadau i fod yn Llywodraethwyr yr ALl a gedwir ar ffeil.