Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod Pwyllgor y Gwasanaethau Democrataidd a gynhaliwyd ar 7 Tachwedd 2017 fel cofnod cywir.

Darparodd Pennaeth y Gwasanaethau Democrataidd adroddiad am ganlyniad Arolwg y Cynghorwyr ar Amseru Cyfarfodydd y Cyngor.

Mae Adran 6 Mesur Llywodraeth Leol (Cymru) 2011 yn gofyn bod yr awdurdod yn cynnal arolwg o gynghorwyr ynghylch amser ac amlder cyfarfodydd y cyngor o leiaf unwaith yn ystod pob tymor y weinyddiaeth.

Yn dilyn yr etholiadau llywodraeth leol ym mis Mai 2017, bernir ei bod hi'n briodol i beidio â chynnal yr arolwg hwn yn syth ar ôl yr etholiad er mwyn caniatáu peth amser i'r cynghorwyr ddeall gofynion bod yn gynghorydd a'r ymrwymiad amser angenrheidiol. Oherwydd hynny, gohiriodd Pennaeth y Gwasanaethau Democrataidd yr arolwg tan 21 Rhagfyr 2017, gyda'r arolwg yn dod i ben ar 12 Ionawr 2018.

Amlinellwyd yr arolwg, a gwblhawyd gan 60 allan o'r 72 o gynghorwyr, a'r canlyniadau yn Atodiad B yr adroddiad.

Trafododd y pwyllgor y materion amrywiol a all effeithio ar bresenoldeb cynghorwyr mewn cyfarfodydd, megis cyflogaeth, cyfrifoldebau gofal, iechyd a chludiant gyhoeddus. Dywedodd Pennaeth y Gwasanaethau Democrataidd unwaith eto fod y cynghorwyr yn gallu hawlio hyd at £403 y mis fel ad-daliad o gostau gofal. Anogodd y cynghorwyr sydd â chyfrifoldebau gofalu i ddefnyddio'r cyfleuster hwn.

Cydnabu'r cynghorwyr na fyddai amserau'r cyfarfodydd yn addas i bawb yn anffodus, felly penderfynwyd mai'r cam gweithredu mwyaf addas fyddai i barhau â'r fformat presennol a chaniatáu i bob aelod o'r pwyllgor ystyried amseriad ei gyfarfodydd yng nghyfarfod cyntaf pob pwyllgor. Nodwyd y byddai'r pwyllgor yn gallu newid amser y pwyllgor yn unig, ac nid y diwrnod.

Penderfynwyd:

1)              Y dylid nodi'r adroddiad;

2)              Drafftio dyddiadur y cyngor ar gyfer Blwyddyn Ddinesig 2018-2019 gan gynnal fformat dyddiadur Blwyddyn Ddinesig 2017-2018;

3)              Y bydd "Amser cyfarfodydd y dyfodol" yn eitem safonol ar yr agenda yng nghyfarfod cyntaf pob pwyllgor.

Darparodd Pennaeth y Gwasanaethau Democrataidd y diweddaraf ar lafar ar nifer yr adroddiadau blynyddol gan gynghorwyr a dderbyniwyd ar gyfer blwyddyn ddinesig 2016-2017.

Hyd yn hyn, roedd 42 allan o 53 o gynghorwyr sy'n dychwelyd wedi cwblhau adroddiad blynyddol.  Bydd y rhain yn cael eu cyhoeddi ar-lein maes o law. 

Nid oedd y cynghorwyr a etholwyd am y tro cyntaf ym mis Mai 2017 yn gymwys i gwblhau adroddiad blynyddol ar gyfer 2016-2017 gan nad oeddent yn gynghorwyr yn ystod y cyfnod hwnnw.  Fodd bynnag, roedd nifer o gynghorwyr newydd eu hethol wedi cyflwyno paragraff byr am eu gweithgareddau a gyflawnwyd ers eu hethol, a oedd wedi'i gyhoeddi yn yr adran "amdanaf i" ar eu tudalen ar wefan y cyngor.  Gallai pob cynghorydd newydd eu hethol yn 2017 ddefnyddio'r cyfleuster hwn.

Aeth Pennaeth y Gwasanaethau Democrataidd ymlaen i ddatgan y byddai'n hysbysu'r pwyllgor am y ffigurau terfynol yn y cyfarfod nesaf.  Byddai'r pwyllgor hefyd yn adolygu fformat yr Adroddiad Blynyddol gan nad oeddem wedi ystyried hyn ers ei weithredu yn 2012. 

Penderfynwyd cofnodi'r wybodaeth ddiweddaraf.

Adroddodd Pennaeth y Gwasanaethau Democrataidd fod 61 allan o 72 o gynghorwyr wedi llofnodi Addewid y Cynghorydd ar Safonau.

Byddai'r ffurflenni hyn yn cael eu cyhoeddi ar wefan y cyngor.

Penderfynwyd cofnodi'r wybodaeth ddiweddaraf.

Adroddodd Pennaeth y Gwasanaethau Democrataidd fod 69 allan o 72 o gynghorwyr wedi llofnodi'r Protocol Datrys Anghydfodau Lleol rhwng Cynghorwyr.

Roedd yn obeithiol y byddai'r 3 cynghorydd sy'n weddill hefyd yn llofnodi maes o law.

Byddai'r ffurflenni'n cael eu cyhoeddi ar wefan y cyngor.

Penderfynwyd cofnodi'r wybodaeth ddiweddaraf.

Adroddodd Pennaeth y Gwasanaethau Democrataidd fod 69 allan o 72 o gynghorwyr wedi llofnodi'r Protocol Datrys Anghydfodau Lleol rhwng Cynghorwyr.

Roedd yn obeithiol y byddai'r 3 cynghorydd sy'n weddill hefyd yn llofnodi maes o law.

Byddai'r ffurflenni'n cael eu cyhoeddi ar wefan y cyngor.

Penderfynwyd cofnodi'r wybodaeth ddiweddaraf.