Agenda, decisions and minutes

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiant canlynol:

Y Cynghorydd P Lloyd - Personol - Cofnod Rhif 58 - Apêl yn erbyn penderfyniad i beidio â chymeradwyo Cynorthwy-ydd Teithwyr ar gyfer Cludiant o'r Cartref i'r Ysgol - CL. Gadawodd y Cynghorydd Lloyd y cyfarfod cyn i'r eitem gael ei hystyried.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cytuno bod cofnodion y Pwyllgor Trwyddedu Statudol a gynhaliwyd ar 11 Mawrth 2022 yn gofnod cywir.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Cyflwynodd yr Arweinydd Gweithredol, Tacsis, yr wybodaeth gefndir mewn perthynas â PRP. 

Esboniodd PRP yr amgylchiadau sy'n ymwneud â'r cais ac atebodd gwestiynau’r aelodau.

Penderfynwyd ar y canlynol:

1)    Cymeradwyo cais PRP am drwydded i yrru cerbyd hacni a hurio preifat.

Rheswm dros y penderfyniad

Roedd y Pwyllgor yn fodlon â chamau lliniaru PRP mewn perthynas â’r drosedd a theimlai ei bod yn briodol caniatáu’r drwydded am flwyddyn.

Manylodd yr Arweinydd Tîm Trafnidiaeth Teithwyr ar y cefndir mewn perthynas â CL, ac atebodd gwestiynau'r aelodau.

Esboniodd CL, gyda chymorth Mr J, yr amgylchiadau mewn perthynas â'r troseddau ac atebodd gwestiynau’r aelodau.

Penderfynwyd gwrthod apêl CL yn erbyn y penderfyniad i beidio â'i gymeradwyo fel gyrrwr Cludiant o'r Cartref i'r Ysgol.

Rheswm dros y Penderfyniad

Nid oedd yr aelodau'n fodlon fod CL yn berson addas, priodol a diogel i'w gymeradwyo fel gyrrwr cludiant ysgol o dan adrannau 3.29, 4.16, 4.17 a 4.22, 4.28 a 4.31 yr arweiniad ar benderfynu ar addasrwydd ymgeiswyr a deiliaid trwydded yn y masnachau cerbydau hacni a hurio preifat.