Agenda, decisions and minutes

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 11 Chwefror 2022 yn gofnod cywir.

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Manylodd Arweinydd y Tîm Trwyddedu ar yr wybodaeth gefndir mewn perthynas â MA. 

Esboniodd MA yr amgylchiadau sy'n ymwneud â'r cais ac atebodd gwestiynau’r aelodau.

Penderfynwyd:

1)    Cymeradwyo cais MA am drwydded i yrru cerbyd hacni a hurio preifat.

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â MAI. 

Rhannodd y Swyddog Gwasanaethau Democrataidd ddogfen a gyflwynwyd gan MAI.

Cyfeiriodd y Rheolwr Trwyddedu, Bwyd a Diogelwch at wall teipograffyddol yn adran 4.19 yr adroddiad.

Gofynnodd yr aelodau gwestiynau i'r swyddog a ymatebodd yn briodol.

Esboniodd MAI yr amgylchiadau sy'n ymwneud â'r cais ac atebodd gwestiynau’r aelodau.

Penderfynwyd:

1)    Diddymu trwydded MAI i yrru cerbyd hacni a hurio preifat. 

2)    Ni chymerir unrhyw gamau gweithredu eraill mewn perthynas â thrwydded MAI i yrru cerbyd hacni.

Rheswm dros y Penderfyniad

Am y rhesymau uchod ac wrth ystyried y canllawiau uchod, teimlai'r aelodau nad yw'r ymgeisydd yn berson addas a phriodol ac maent yn teimlo nad yw'n ddiogel ac yn addas i gael trwydded.  Yn ogystal, dan y canllawiau nid yw'r 7 mlynedd gofynnol ers ei gollfarn wedi dod i ben.

Roedd y Pwyllgor yn ymwybodol y gallent wyro oddi wrth y canllawiau yn unol â pharagraff 3.29 ond ni roddwyd unrhyw amgylchiadau eithriadol na rhesymau iddynt er mwyn cyfiawnhau gwneud hynny.

Cyflwynodd y Rheolwr Trwyddedu, Bwyd a Diogelwch ac Arweinydd y Tîm Trwyddedu yr wybodaeth gefndir mewn perthynas â SJD. 

Esboniodd SJD, yng nghwmni DR, yr amgylchiadau mewn perthynas â'r collfarnau ac atebodd gwestiynau'r aelodau.

Penderfynwyd:

1)    Cymeradwyo cais SJD am drwydded i yrru cerbyd hacni a hurio preifat.

Cyflwynodd y Rheolwr Trwyddedu, Bwyd a Diogelwch ac Arweinydd y Tîm Trwyddedu yr wybodaeth gefndir mewn perthynas â KT. 

Esboniodd KT yr amgylchiadau sy'n ymwneud â'r cais ac atebodd gwestiynau’r aelodau.

Penderfynwyd:

1)    Cymeradwyo cais KT am drwydded i yrru cerbyd hacni a hurio preifat.