Agenda, decisions and minutes

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo cofnodion y Pwyllgor Trwyddedu Cyffredinol a gynhaliwyd ar 12 Tachwedd a 26 Tachwedd 2021 fel cofnod cywir yn amodol ar bresenoldeb y Cynghorydd L V Walton yn cael ei nodi o gofnod rhif 23 i 26.

Cyflwynodd y Swyddog Trwyddedu adroddiad ‘er gwybodaeth’ a oedd yn manylu ar y ddeddfwriaeth newydd mewn perthynas â gwiriadau treth a fydd yn effeithio ar yrwyr cerbydau hacni a hurio preifat a hefyd gweithredwyr cerbydau hurio preifat.

Nododd yr aelodau’r wybodaeth gefndir; ceisiadau tro cyntaf; ceisiadau adnewyddu a'r effaith ar yrwyr, gweithredwyr ac awdurdodau trwyddedu.

Gofynnodd aelodau gwestiynau i'r swyddogion a ymatebodd yn briodol.

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Cyflwynodd y Swyddog Trwyddedu'r wybodaeth gefndir mewn perthynas â MAC.

Gofynnodd yr aelodau gwestiynau i'r swyddog a ymatebodd yn briodol.

Esboniodd MAC yr amgylchiadau sy'n ymwneud â'r cais ac atebodd gwestiynau'r aelodau.

Penderfynwyd cymeradwyo cais MAC am eithriad rhag cludo defnyddwyr cadair olwyn mewn cerbyd hacni a/neu gerbyd hurio preifat am gyfnod o 24 mis.

Rheswm dros y Penderfyniad

Penderfynodd yr aelodau ganiatáu eithriad dwy flynedd gan y teimlwyd nad oedd tystiolaeth feddygol ddigonol i'r Pwyllgor ystyried rhoi eithriad amhendant ar yr adeg hon. Teimlwyd bod eithriad dwy flynedd yn briodol fel y gellir adolygu'r sefyllfa feddygol.

Cyflwynodd y Swyddog Trwyddedu'r wybodaeth gefndir mewn perthynas â JD.

Gofynnodd yr aelodau gwestiynau i'r swyddog a ymatebodd yn briodol.

Esboniodd JD yr amgylchiadau sy'n ymwneud â'r cais ac atebodd gwestiynau'r aelodau.

Penderfynwyd cymeradwyo cais JD am eithriad rhag cludo defnyddwyr cadair olwyn mewn cerbyd hacni a/neu gerbyd hurio preifat am gyfnod amhendant.

Cyflwynodd y Swyddog Trwyddedu'r wybodaeth gefndir mewn perthynas â DE.  Amlygodd y Swyddog Trwyddedu wall teipograffyddol yn yr adroddiad.

Gofynnodd yr aelodau gwestiynau i'r swyddog a ymatebodd yn briodol.

Esboniodd DE, yng nghwmni WH, yr amgylchiadau mewn perthynas â'r collfarnau ac atebodd gwestiynau gan aelodau.

Ar gais DE, dangosodd y Swyddog Gwasanaethau Democrataidd ohebiaeth i gefnogi cais DE

Penderfynwyd y dylid gwrthod cais DE am drwydded yrru cerbyd hacni a hurio preifat.

Rheswm dros y Penderfyniad

Nid oedd DE wedi bodloni’r aelodau ei fod yn berson addas, priodol a diogel i ddal trwydded o dan adrannau 1.7, 3.29, 3.30, 4.26, 4.40, 4.42 a 4.33  o'r canllawiau ar bennu addasrwydd ymgeiswyr a deiliaid trwydded yn y busnes cerbydau hacni a hurio preifat.

Dywedodd y Swyddog Trwyddedu fod cais i ohirio ystyried y mater wedi'i dderbyn gan MIMB.

Gofynnodd yr aelodau gwestiynau i'r swyddog a ymatebodd yn briodol.

Penderfynwyd gohirio'r eitem tan y cyfarfod a drefnwyd ar gyfer 11 Chwefror 2022.