Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 9 Ebrill 2021 yn gofnod cywir.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â KGR.

Gofynnodd yr aelodau gwestiynau i'r swyddog a ymatebodd yn briodol.

Esboniodd KGR yr amgylchiadau a oedd yn ymwneud â'r euogfarnau ac atebodd gwestiynau'r aelodau.

Penderfynwyd:

1.    Adnewyddu Trwydded Gyrrwr Cerbyd Hacni a Hurio Preifat KGR am gyfnod o 6 mis

2.    Rhoi rhybudd i KGR ynghylch ei ymddygiad yn y dyfodol.

Rheswm dros y Penderfyniad

Rhoddwyd ystyriaeth lawn i'r sylwadau yng nghyfarfod y pwyllgor, ond rhoddwyd ystyriaeth hefyd i'r hanes gyrru a diffyg cydymffurfio ag is-ddeddfau ac amodau; felly, rhoddwyd adnewyddiad o 6 mis.

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â PM.

Gofynnodd yr aelodau gwestiynau i'r swyddog a ymatebodd yn briodol.

Esboniodd PM yr amgylchiadau sy'n ymwneud â'r cais ac atebodd gwestiynau'r aelodau.

Penderfynwyd cymeradwyo cais PM am eithriad rhag cludo defnyddwyr cadair olwyn mewn cerbyd hacni a/neu gerbyd hurio preifat.

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â MAI.

Gofynnodd yr aelodau gwestiynau i'r swyddog a ymatebodd yn briodol.

Esboniodd MAI yr amgylchiadau sy'n ymwneud â'r cais ac atebodd gwestiynau'r aelodau.

Penderfynwyd cymeradwyo cais MAI am eithriad rhag cludo defnyddwyr cadair olwyn mewn cerbyd hacni a/neu gerbyd hurio preifat.