Agenda a Chofnodion

www.swansea.gov.uk/disclosuresofinterests

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

To approve & sign the Minutes of the previous meeting(s) as a correct record.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 12 Chwefror 2021 yn gofnod cywir.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â LPW.

Gofynnodd yr aelodau gwestiynau i'r swyddog a ymatebodd yn briodol.

Esboniodd LPW, yng nghwmni PW, cynrychiolydd cyfreithiol, y sefyllfa mewn perthynas â'r collfarnau ac atebodd gwestiynau'r aelodau.

Penderfynwyd ar y canlynol:

1.    Cyhoeddir llythyr rhybuddio wedi'i eirio'n gryf i LPW ynghylch ymddygiad yn y dyfodol.

2.    Adnewyddu Trwyddedau Cerbyd Hacni a Hurio Preifat LPW.

Dywedodd y Rheolwr Trwyddedu, Bwyd a Diogelwch fod VM wedi gofyn am ohiriad pellach er mwyn sicrhau cynrychiolaeth gyfreithiol.  Yn ogystal, roedd VM am gyflwyno gwybodaeth ychwanegol gan yr Heddlu i gefnogi ei fater a allai gymryd hyd at 28 niwrnod i gyrraedd gan yr Heddlu.

Penderfynwyd y dylid gohirio'r mater tan gyfarfod mis Ebrill ac y gellir gwrthod unrhyw geisiadau pellach am ohirio.