Cofnodion

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 12 Mawrth 2021, yn gofnod cywir.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Dywedodd y Rheolwr Trwyddedu, Bwyd a Diogelwch a'r Cyfreithiwr a oedd yn cynghori'r Pwyllgor y bu newid mewn amgylchiadau o ran y mater ac roedd yn ceisio cymeradwyaeth y pwyllgor i ohirio ystyried y mater tan gyfarfod nesaf y pwyllgor. 

Penderfynwyd:

1.    Gohirio'r mater tan gyfarfod nesaf y Pwyllgor Trwyddedu Cyffredinol.

Manylodd y Rheolwr Trwyddedu, Bwyd a Diogelwch ar yr wybodaeth gefndir mewn perthynas â VM.

Gofynnodd yr aelodau gwestiynau i'r swyddog a ymatebodd yn briodol.

Esboniodd VM, yng nghwmni BW, cynrychiolydd cyfreithiol, y sefyllfa mewn perthynas â'r collfarnau ac atebodd gwestiynau gan aelodau.

Penderfynwyd:

1.    Gwrthod cais VM i adnewyddu'r drwydded i yrru cerbyd hacni a hurio preifat

Rheswm dros y Penderfyniad

Nid oedd VM wedi bodloni’r aelodau ei fod yn berson addas a phriodol a diogel i gadw'r drwydded dan adrannau 3.30 a 3.32 o'r arweiniad ar benderfynu ar addasrwydd ymgeiswyr a deiliaid trwydded yn y busnes cerbydau hacni a hurio preifat.