Agenda a Chofnodion

Derbyniwyd ymddiheuriadau am absenoldeb gan y Cynghorwyr J P Curtice, P Lloyd a T H Rees.

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir:

·       Pwyllgor Trewyddedu Cyffredinol – 13 May 2016;

·       Is-bwyllgor Trwyddedu Cyffredinol – 18 May 2016;

·       Pwyllgor Trewyddedu Cyffredinol – 19 May 2016.

PENDERFYNWYD y dylid cymeradwyo cofnodion y:

a)    Pwyllgor Trwyddedu Cyffredinol a gynhaliwyd ar 13 Mai, 2016;

b)    Pwyllgor Trwyddedu Cyffredinol a gynhaliwyd ar 18 Mai, 2016; a'r

c)     Pwyllgor Trwyddedu Cyffredinol a gynhaliwyd ar 19 Mai, 2016

fel cofnodion cywir.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel y nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel y nodir yn yr adroddiad.

PENDERFYNWYD y dylid gwahardd y cyhoedd ar gyfer yr eitemau busnes canlynol.

(SESIWN GAEËDIG)

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas ag LS.

Amlinellodd LS y manylion a'r amgylchiadau cefndir a oedd yn ymwneud â'r collfarnau ac atebodd gwestiynau'r aelodau.

PENDERFYNWYD y dylid GWRTHOD cais LS am drwydded yrru cerbyd hacni a hurio preifat.

Rheswm dros y penderfyniad

Nid oedd aelodau'n ystyried bod LS yn berson addas a phriodol i ddal trwydded yrru cerbyd hacni a hurio preifat am nad oedd wedi bodloni canllawiau'r cyngor o ran 3 blynedd heb gollfarnau. Yn ogystal, cafwyd y collfarnau dros gyfnod amser parhaol ac fe'u cynlluniwyd.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â TA.

Amlinellodd TA y manylion a'r amgylchiadau cefndir a oedd yn ymwneud â'r collfarnau ac atebodd gwestiynau'r aelodau.

PENDERFYNWYD y dylid GWRTHOD cais TA am drwydded yrru cerbyd hacni a hurio preifat.

Rheswm dros y penderfyniad

Nid oedd aelodau'n ystyried bod TA yn berson addas a phriodol i ddal trwydded yrru cerbyd hacni a hurio preifat am y rhesymau canlynol:

a)    Roedd TA wedi cyfaddef ei fod yn gyrru tacsi pan gyflawnwyd y troseddau;

b)    Roedd TA wedi derbyn dau rybudd yn flaenorol am ei ymddygiad yn y dyfodol, ac nid oedd wedi rhoi sylw iddynt;

c)     Nid oedd TA wedi dweud wrth yr Awdurdod Trwyddedu am y pwyntiau ychwanegol; ac

ch) Mae nifer y tramgwyddau goryrru sy'n arwain at 10 pwynt cosb o fewn 4 mis, ynghyd â'r methiant i hysbysu yn dangos ei fod wedi diystyru'r rhwymedigaethau i gydymffurfio â gofynion cyfreithiol.