Agenda a Chofnodion

Derbyniwyd ymddiheuriad am absenoldeb gan y Cynghorydd C L Philpott.

www.swansea.gov.uk/disclosuresofinterests

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatgelwyd unrhyw fuddiannau.

To approve & sign the Minutes of the previous meeting(s) as a correct record.

PENDERFYNWYD cytuno bod cofnodion y Pwyllgor Trwyddedu Statudol a gynhaliwyd ar 11 Mawrth 2016 yn gofnod cywir.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel y nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel y nodir yn yr adroddiad.

PENDERFYNWYD y dylid gwahardd y cyhoedd ar gyfer yr eitemau busnes canlynol.

(SESIWN GAEËDIG)

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas ag ALD.

Gofynnodd y Cadeirydd gwestiwn i'r Cyfreithiwr a oedd yn cynghori'r pwyllgor a ymatebodd yn briodol.

Amlinellodd ALD y manylion a'r amgylchiadau cefndir a oedd yn ymwneud â'r collfarnau ac atebodd gwestiynau'r aelodau.

PENDERFYNWYD y dylid CYMERADWYO cais ALD i adnewyddu trwydded yrru cerbyd hacni a hurio preifat ac i ALD dderbyn llythyr rhybuddio ynghylch cydymffurfio â'r gorchymyn llys.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â DNR.

Amlinellodd DNR y manylion a'r amgylchiadau cefndir a oedd yn ymwneud â'r collfarnau ac atebodd gwestiynau'r aelodau.

PENDERFYNWYD y dylid CYMERADWYO cais DNR am drwydded yrru cerbyd hacni a hurio preifat ac i DNR dderbyn llythyr rhybuddio ynghylch ymddygiad yn y dyfodol.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas ag NM.

Gofynnodd yr aelodau gwestiynau i'r Swyddog Adrannol - Trwyddedu, Bwyd a Diogelwch a ymatebodd yn briodol.

Amlinellodd NM y manylion a'r amgylchiadau cefndir a oedd yn ymwneud â'r collfarnau ac atebodd gwestiynau'r aelodau.

PENDERFYNWYD y dylid CYMERADWYO cais NM am drwydded yrru cerbyd hacni a hurio preifat ac i NM dderbyn llythyr rhybuddio ynghylch ymddygiad yn y dyfodol.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â JW.

Amlinellodd JW, ar y cyd â GH, y manylion a'r amgylchiadau cefndir a oedd yn ymwneud â'r collfarnau ac atebodd gwestiynau'r aelodau.

Darllenodd y Cyfreithiwr a oedd yn cynghori'r pwyllgor gynnwys dau eirda a oedd yn cefnogi cais JW.

PENDERFYNWYD y dylid GWRTHOD cais JW am drwydded yrru cerbyd hacni a hurio preifat.

Rheswm dros y penderfyniad

Wedi ystyried y sylwadau a wnaed a'r geirdaon a gyflwynwyd, nid oedd aelodau yn fodlon bod JW yn berson addas a phriodol ac ystyriwyd ei bod hi'n angenrheidiol defnyddio'r canllawiau sy'n gofyn am o leiaf 3 blynedd heb gollfarnau cyn ystyried caniatáu trwydded i JW.

Nododd y Swyddog Adrannol - Trwyddedu, Bwyd a Diogelwch nad oedd MBC wedi dod i'r cyfarfod a chadarnhaodd na dderbyniwyd unrhyw gyfathrebiad gan MBC yn gofyn i'r mater gael ei ohirio.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas ag MBC.

Gofynnodd yr aelodau gwestiynau i'r swyddog a ymatebodd yn briodol.

PENDERFYNWYD:

1.     Y dylid ymdrin â'r mater yn absenoldeb MBC;

2.     Y dylid GWRTHOD cais MBC am drwydded yrru gyfyngedig i gerbyd hacni a hurio preifat.

Rheswm dros y penderfyniad

Ni chysylltodd MBC i ddweud nad oedd yn gallu dod i'r cyfarfod nac yn gofyn i'r achos gael ei ohirio.  Wedi ystyried yr wybodaeth a ddarparwyd yn yr adroddiad, nid oedd yr aelodau'n fodlon bod MBC yn berson addas a phriodol.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas ag AJR.

Amlinellodd AJR y manylion a'r amgylchiadau cefndir a oedd yn ymwneud â'r collfarnau ac atebodd gwestiynau'r aelodau.

Eglurodd y Cyfreithiwr a oedd yn cynghori'r pwyllgor gynnwys y llythyr at AJR, dyddiedig 13 Tachwedd 2015.

PENDERFYNWYD y dylid GWRTHOD cais AJR am drwydded yrru cerbyd hacni a hurio preifat.

Rheswm dros y penderfyniad

Nid oedd aelodau'n fodlon bod AJR yn berson addas a phriodol oherwydd amlder a nifer y collfarnau gyrru ac nid oedd digon o amser heb unrhyw gollfarnau wedi mynd heibio i fodloni'r aelodau na fyddai AJR yn aildroseddu.

LLYWYDDODD Y CYNGHORYDD P DOWNING (CADEIRYDD DROS DRO)

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas ag ARA.

Gofynnodd yr aelodau gwestiynau i'r swyddog a ymatebodd yn briodol.

Amlinellodd ARA y manylion a'r amgylchiadau cefndir a oedd yn ymwneud â'r collfarnau ac atebodd gwestiynau'r aelodau.

PENDERFYNWYD y dylid CYMERADWYO cais ARA am drwydded yrru cerbyd hacni a hurio preifat ac y dylid rhoi llythyr rhybuddio i ARA yn ei atgoffa mai ei gyfrifoldeb ef yw gwirio bod gan y cerbyd yswiriant priodol.

LLYWYDDODD Y CYNGHORYDD P M MATTHEWS (CADEIRYDD)

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas ag EJLI.

Amlinellodd EJLI y manylion a'r amgylchiadau cefndir a oedd yn ymwneud â'r collfarnau ac atebodd gwestiynau'r aelodau.

PENDERFYNWYD y dylid GWRTHOD cais EJLI am drwydded yrru cerbyd hacni a hurio preifat.

Rheswm dros y penderfyniad

O ystyried collfarnau a rhybudd blaenorol EJLI a'r sylwadau a wnaed, nid oedd aelodau'n fodlon bod EJLI yn berson addas a phriodol ac ystyriwyd ei bod hi'n angenrheidiol defnyddio'r canllawiau sy'n gofyn am o leiaf 3 blynedd heb gollfarnau cyn ystyried caniatáu trwydded i EJLI.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â CAW.

Amlinellodd CAW y manylion a'r amgylchiadau cefndir a oedd yn ymwneud â'r collfarnau ac atebodd gwestiynau'r aelodau.

PENDERFYNWYD y dylid CYMERADWYO cais CAW am drwydded yrru cerbyd hacni a hurio preifat ac i CAW dderbyn llythyr rhybuddio ynghylch ymddygiad yn y dyfodol.