Agenda, decisions and minutes

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Cyflwynodd yr Arweinydd Gweithredol, Tacsis, yr wybodaeth gefndir mewn perthynas â MBH.

Esboniodd MBH yr amgylchiadau sy'n ymwneud â'r cais ac atebodd gwestiynau aelodau.

Penderfynwyd:

a)            Adnewyddu trwydded yrru cerbyd hacni a hurio preifat MBH am flwyddyn.

b)    Rhoi llythyr rhybuddio i MBH ynghylch ei ymddygiad yn y dyfodol.

c)          Ni chymerir unrhyw gamau pellach mewn perthynas â Thrwydded Yrru Cerbyd Hacni a Hurio Preifat MBH.

Cyflwynodd yr Arweinydd Gweithredol, Tacsis, gyda chymorth y Swyddog Adrannol - Trwyddedu a Diogelwch Bwyd, yr wybodaeth gefndir mewn perthynas ag MSR.

Gofynnodd yr aelodau gwestiynau i'r swyddogion a ymatebodd yn briodol.

Esboniodd MSR, yng nghwmni Mr A, yr amgylchiadau mewn perthynas â'r mater ac atebodd gwestiynau'r aelodau.

Penderfynwyd:

1)    Y dylid gwrthod cais MSR am drwydded yrru cerbydau hacni a hurio preifat.

Rheswm dros y penderfyniad

Ar ôl ystyried yn ofalus yr adroddiad a gyflwynwyd iddynt, y geirdaon a ddarparwyd yn flaenorol, y geirdaon ychwanegol a ddarparwyd yn y gwrandawiad, y cyflwyniadau a wnaed ar lafar a'r wybodaeth a ddarparwyd gan gynrychiolydd MSR a siaradodd hefyd ar ei ran, penderfynodd yr aelodau i wrthod cais MSR am Drwydded Yrru Cerbyd Hacni a Hurio Preifat.

Y rheswm dros wrthod oedd nad oedd yr Aelodau’n ystyried bod MSR yn berson diogel nac yn addas a phriodol i ddal Trwydded Yrru Cerbyd Hacni a Hurio Preifat ar ôl ystyried yr adroddiad a gyflwynwyd iddynt ac mewn perthynas â’r canllawiau, yn benodol pwyntiau 3.16, 3.28, 3.29, 3.30, 4.12, 4.16, 4.20, 4.26, 4.30