Agenda, decisions and minutes

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 14 Hydref 2022 yn gofnod cywir.

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Cyflwynodd yr Arweinydd Gweithredol, Tacsis, yr wybodaeth gefndir mewn perthynas ag ASJ. 

Gofynnodd yr aelodau gwestiynau i'r swyddog a ymatebodd yn briodol.

Esboniodd ASJ yr amgylchiadau sy'n ymwneud â'r cais ac atebodd gwestiynau’r aelodau.

Penderfynwyd:

1)    Caniatáu cais ASJ am drwydded i yrru cerbyd hacni a hurio preifat.

Rheswm dros y penderfyniad

Roedd y Pwyllgor yn fodlon bod ASJ yn bodloni'r meini prawf addasrwydd ar gyfer  caniatáu’r drwydded. Roedd sylwadau’r Ymgeisydd yn ddigonol i fodloni paragraff 3.29 ynghylch paragraff 4.20 a oedd yn cyfiawnhau  caniatáu’r drwydded gyda’r rhybudd.

Cyflwynodd Swyddog Adrannol Iechyd yr Amgylchedd – Rheoli Llygredd a Thai’r Sector Preifat ynghyd ag Uwch-swyddog Iechyd yr Amgylchedd yr wybodaeth gefndir mewn perthynas â CD. 

Gofynnodd yr aelodau gwestiynau i'r swyddogion a ymatebodd yn briodol.

Esboniodd CD, yng nghwmni Mr P D, yr amgylchiadau mewn perthynas â'r mater ac atebodd gwestiynau'r aelodau.

Penderfynwyd:

1.     Rhoi llythyr rhybuddio i CD ynghylch ei ymddygiad yn y dyfodol.

2.     Bod CD yn berson addas a phriodol ac mae’r trefniadau rheoli’n foddhaol fel y’u nodir ym Mholisi’r cyngor.

Rheswm dros y penderfyniad

Roedd y Pwyllgor yn fodlon bod CD yn bodloni'r meini prawf person addas a phriodol.