Agenda, decisions and minutes

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 8 Ebrill 2022 a 24 Mai 2022 yn gofnod cywir.

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Cyflwynodd yr Arweinydd Gweithredol, Tacsis, yr wybodaeth gefndir mewn perthynas â DDP. 

Gofynnodd yr aelodau gwestiynau i'r swyddog a ymatebodd yn briodol.

Esboniodd DDP, yng nghwmni Mr J, yr amgylchiadau mewn perthynas â'r collfarnau ac atebodd gwestiynau'r aelodau.

Penderfynwyd:

1)    Anfon llythyr rhybuddio at DDP ynghylch ymddygiad yn y dyfodol mewn perthynas â'i Drwydded i Yrru Cerbyd Hacni a Hurio Preifat.

Cyflwynodd yr Arweinydd Gweithredol, Tacsis, yr wybodaeth gefndir mewn perthynas â LJL. 

Gofynnodd yr aelodau gwestiynau i'r swyddog a ymatebodd yn briodol.

Esboniodd LJL yr amgylchiadau sy'n ymwneud â'r cais ac atebodd gwestiynau aelodau.

Penderfynwyd:

1)    y dylid adnewyddu trwydded gyrru cerbyd hacni a hurio preifat LJL am flwyddyn.

Rheswm dros y penderfyniad

Roedd y Pwyllgor yn pryderu bod y troseddau wedi digwydd mewn tacsi a bod nifer o droseddau wedi’u cyflawni a phwyntiau wedi'u derbyn ar y drwydded dros gyfnod cymharol fyr o amser, ac roedd hyn yn dangos patrwm ymddygiad sy'n cael ei ailadrodd.

Roedd y Pwyllgor o’r farn ei bod yn briodol adnewyddu’r drwydded am gyfnod o flwyddyn, ond byddai’n atgoffa’r ymgeisydd bod yn rhaid iddo sicrhau ei fod yn hysbysu'r Awdurdod Trwyddedu am unrhyw droseddau yn y dyfodol o fewn y cyfnod amser penodedig a sicrhau bod yr hysbysiad yn cael ei dderbyn.