Agenda, decisions and minutes

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel y nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Cynghorodd yr Arweinydd Tîm, Trafnidiaeth Teithwyr, fod SCN wedi nodi nad oedd yn dymuno dod i'r cyfarfod a'i fod wedi gofyn i'r mater gael ei ddatrys yn ei absenoldeb.

Nododd y cyfreithiwr a oedd yn cynghori'r Pwyllgor nad oedd unrhyw reswm cyfreithiol dros beidio â gallu datrys y mater yn absenoldeb SCN.

Manylodd yr Arweinydd Tîm Trafnidiaeth Teithwyr ar y cefndir mewn perthynas ag SCN, ac atebodd gwestiynau'r aelodau.

Penderfynwyd gwrthod apêl SCN yn erbyn y penderfyniad i beidio â'i gymeradwyo fel gyrrwr Cludiant o'r Cartref i'r Ysgol.

Rheswm dros y penderfyniad

Nid oedd yr aelodau'n fodlon fod SCN yn iach, yn ddiogel ac yn addas i'w gymeradwyo fel gyrrwr cludiant ysgol o dan adrannau 4.14, 4.16, 4.17 a 4.31 yr arweiniad ar benderfynu ar addasrwydd ymgeiswyr a deiliaid trwydded yn y masnachau cerbydau hacni a hurio preifat.