Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 10 Ionawr 2020 yn gofnod cywir.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Manylodd Arweinydd y Tîm Trwyddedu ar yr wybodaeth gefndir mewn perthynas ag MSR.

Esboniodd MSR, yng nghwmni Mr W, Cyfreithiwr, amgylchiadau'r digwyddiad, a chyflwynodd rhesymau dros pam mae MSR yn ddiogel ac yn addas erbyn hyn i fod yn ddeiliad trwydded yrru cerbyd hacni a hurio preifat ac atebodd gwestiynau'r aelodau.

Penderfynwyd gwrthod cais MSR am drwydded yrru cerbyd hacni a hurio preifat gan nad oedd MSR wedi sicrhau'r aelodau ei fod yn berson addas a phriodol i ddal trwydded.

Manylodd Arweinydd y Tîm Trwyddedu ar yr wybodaeth gefndir mewn perthynas ag MAA.

Esboniodd MAA yr amgylchiadau mewn perthynas â'r cais ac atebodd gwestiynau'r aelodau.

Penderfynwyd cymeradwyo cais MAA am drwydded i yrru cerbyd hacni a hurio preifat tan 25/06/2020.

Manylodd Arweinydd y Tîm Trwyddedu ar yr wybodaeth gefndir mewn perthynas ag MHIF.

Esboniodd MHIF, yng nghwmni Mr S, Cyfreithiwr, a Mr F, amgylchiadau'r drosedd ac atebodd gwestiynau'r aelodau.

Penderfynwyd ar y canlynol:

1)    Diddymu trwydded yrru cerbydau hacni a hurio preifat MHIF gan nad oedd MHIF wedi sicrhau'r aelodau ei fod yn berson diogel ac addas i gadw'r drwydded.

2)    Ni chymerir unrhyw gamau eraill mewn perthynas â thrwydded cerbyd MHIF.

Nodwyd y diweddaraf am Gamau Gweithredu Di-oed/Canlyniadau Apeliadau.