Agenda a Chofnodion

www.swansea.gov.uk/disclosuresofinterests

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y cysylltiadau canlynol:

Y Cynghorydd C Anderson – Personol – Cofnod Rhif: 68 - Deddf Cyfrifoldebau Heddluoedd Trefol 1847 – Deddf Llywodraeth Leol (Darpariaethau Amrywiol) 1976 – Cais am Drwydded Gyfyngedig i Yrru Cerbydau Hacni a Cherbydau Hurio Preifat - PJH – Rwy'n adnabod yr ymgeisydd.  Gadawodd y Cynghorydd C Anderson y cyfarfod cyn i'r eitem gael ei hystyried.

Y Cynghorydd J P Curtice – Personol – Cofnod Rhif: 68 - Deddf Cyfrifoldebau Heddluoedd Trefol 1847 – Deddf Llywodraeth Leol (Darpariaethau Amrywiol) 1976 – Cais am Drwydded Gyfyngedig i Yrru Cerbydau Hacni a Cherbydau Hurio Preifat - PJH – Rwy'n adnabod yr ymgeisydd.  Gadawodd y Cynghorydd J P Curtice y cyfarfod cyn i'r eitem gael ei hystyried.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 11 Ionawr 2019 yn gofnod cywir.

Cyflwynodd y Rheolwr Trwyddedu, Bwyd a Diogelwch adroddiad a oedd yn manylu ar adolygiad o ganllawiau addasrwydd ar gyfer ymgeiswyr a thrwyddedeion y masnachau Cerbydau Hacni a Hurio Preifat.

Nododd yr aelodau ddiben yr adroddiad, a hefyd y cefndir, y cynnig a'r argymhellion.

Gofynnodd yr aelodau gwestiynau i'r swyddog a ymatebodd yn briodol.

Penderfynwyd:

1.     Y cynhelir ymgynghoriad ag aelodau’r masnachau Cerbydau Hacni a Hurio Preifat a phartïon eraill â diddordeb yn y cynnig i fabwysiadu'r 'Canllawiau i benderfynu ar addasrwydd ymgeiswyr a thrwyddedeion y masnachau Cerbyd Hacni a Llogi Preifat; ac

2.     Y dylid cyflwyno adroddiad sy'n manylu ar ganlyniad yr ymgynghoriad i'r aelodau i'w ystyried.

Gofynnwyd i'r pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitem fusnes ganlynol.

(Sesiwn Gaeëdig)

Manylodd y Rheolwr Trwyddedu, Bwyd a Diogelwch y cefndir mewn perthynas ag AA.

Esboniodd AA yr amgylchiadau ac atebodd gwestiynau'r aelodau.

Penderfynwyd:

1.     Atal trwyddedau gyrru hurio preifat a cherbyd hacni AA am 6 mis

2.     Peidio â chymryd unrhyw gamau mewn perthynas â thrwydded cerbyd hacni AA.

Rheswm dros y penderfyniad

Nid oedd y pwyllgor yn fodlon bod AA yn berson addas a phriodol yn dilyn ei gollfarn ar 11 Rhagfyr 2018.