Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiadau canlynol:

Y Cynghorydd S J Gallagher - Personol - Cofnod 101 - Deddf Trwyddedu HMO, apêl i'r Tribiwnlys Eiddo Preswyl - AL - rwy'n adnabod yr ymgeisydd.

Y Cynghorydd C L Philpott - Personol - Cofnod 102 - Deddf Cyfrifoldebau Heddluoedd Trefol 1847 - Deddf Llywodraeth Leol (Darpariaethau Amrywiol) 1976 - Cais am Drwydded Gyfyngedig i Yrru Cerbydau Hacni a Cherbydau Hurio Preifat - SPW - sylweddolais fod gennyf wybodaeth flaenorol am y sefyllfa pan gyfeiriodd yr ymgeisydd at 'yr Esgob Gore'. Gadawodd y Cynghorydd C L Philpott cyn i'r penderfyniad gael ei wneud.

Y Cynghorydd L V Walton - Personol - Cofnod 101 - Deddf Trwyddedu HMO 2004, apêl i'r Tribiwnlys Eiddo Preswyl - AL - rwy'n adnabod yr ymgeisydd.

Cymeradwyo a llofnodi cofnodion y cyfarfod(ydd) blaenorol fel cofnod cywir

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 9 Mawrth 2018 yn gofnod cywir.

Cyflwynodd y Swyddog Adrannol - Trwyddedu, Bwyd a Diogelwch adroddiad am gymeradwyo ceisiadau ar gyfer eithriadau meddygol rhag cludo teithwyr mewn cadeiriau olwyn yn y dyfodol.

Nodwyd y cefndir a'r gweithdrefnau, presennol ac arfaethedig gan yr aelodau.

Gofynnodd yr aelodau gwestiynau i'r swyddog a ymatebodd yn briodol.

Penderfynwyd:

1)    Cymeradwyo'r cynigion a nodwyd ym mharagraff 4 yr adroddiad ac awdurdodi swyddogion i gymeradwyo eithriadau meddygol fel a ganlyn:

a)    Pan fydd gyrrwyr yn cyflwyno ceisiadau â chyfyngiad amser ac mae'r ddogfennaeth ategol yn foddhaol, cânt eu cymeradwyo gan swyddogion ar ran y Pwyllgor Trwyddedu Cyffredinol;

b)    Os ceir ymholiadau ynglŷn â chais neu os nad yw'r ddogfennaeth ategol yn foddhaol, bydd swyddogion trwyddedu'n cyfeirio'r cais i'r Pwyllgor Trwyddedu Cyffredinol am benderfyniad; a

c)     Bydd pob cais am dystysgrif eithriad meddygol heb gyfyngiad amser yn cael ei gyfeirio i'r Pwyllgor Trwyddedu Cyffredinol am benderfyniad.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y Bwrdd Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Manylodd arweinydd y tîm ar yr wybodaeth gefndir mewn perthynas â Thrwydded i HMO, Deddf Tai 2004, Apêl i'r Tribiwnlys Eiddo Preswyl gan PA.

Gofynnodd yr aelodau gwestiynau i'r swyddog a ymatebodd yn briodol.  Nodwyd y byddai adroddiad arall ynghylch canlyniad yr apêl yn cael ei gyflwyno i'r pwyllgor.

Manylodd arweinydd y tîm ar yr wybodaeth gefndir mewn perthynas â Trwyddedu HMO, Deddf Tai 2004, Apêl i'r Tribiwnlys Eiddo Preswyl gan AL.

Gofynnodd yr aelodau gwestiynau i'r swyddog a ymatebodd yn briodol.  Nodwyd y byddai adroddiad arall ynghylch canlyniad yr apêl yn cael ei gyflwyno i'r pwyllgor.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â chais SPW am drwydded gyfyngedig i yrru cerbyd hacni a hurio preifat.

Esboniodd SPW yr amgylchiadau a oedd yn ymwneud â'r cais ac atebodd gwestiynau gan aelodau.

Penderfynwyd cymeradwyo cais SPW am drwydded gyfyngedig i yrru cerbyd hacni a hurio preifat am 12 mis.

Rheswm dros y penderfyniad

Er bod aelodau'r pwyllgor yn ymwybodol o'r cynnydd a wnaed gan SPW ers y digwyddiad, roeddent yn teimlo y byddai trwydded gychwynnol am 12 mis yn rhoi'r cyfle i SPW ddangos y bydd yn gallu rheoli sefyllfaoedd heriol yn y dyfodol.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â chais AGB am drwydded gyfyngedig i yrru cerbyd hacni a hurio preifat.

Gofynnodd yr aelodau gwestiynau i'r swyddog a ymatebodd yn briodol.

Esboniodd JLC, yng nghwmni Mr W, cynrychiolydd cyfreithiol, y sefyllfa mewn perthynas â'r mater ac atebodd gwestiynau gan aelodau.

Penderfynwyd y dylid gwrthod cais JLC am drwydded gyfyngedig i yrru cerbyd hacni a hurio preifat.

Rheswm dros y penderfyniad

Doedd y pwyllgor ddim yn teimlo bod JLC yn berson addas a phriodol i dderbyn trwydded gyfyngedig i yrru cerbyd hacni a hurio preifat gan ei fod wedi bod yn dwyllodrus wrth fethu cyflwyno sampl ac ni nodwyd arwydd o asthma yn yr archwiliad meddygol a gyflwynodd. Hefyd, nid oedd digon o amser wedi mynd heibio ers diwedd cyfnod y gwaharddiad. 

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â chais JMP am drwydded gyfyngedig i yrru cerbyd hacni a hurio preifat.

Esboniodd JMP y sefyllfa mewn perthynas â'r mater ac atebodd gwestiynau gan aelodau.

Darllenodd y cyfreithiwr a oedd yn cynghori'r pwyllgor eirda cefnogol gan A C Jenkins, y darparwr gwasanaethau teithio.

Penderfynwyd cymeradwyo cais JMP am drwydded gyfyngedig i yrru cerbyd hacni a hurio preifat am 12 mis.

Rheswm dros y penderfyniad

Nododd y pwyllgor fod 15 mis wedi mynd heibio ers y drosedd ac roedd yn ymddangos bod JMP yn cymryd ei euogfarnau goryrru blaenorol o ddifrif.

Dywedodd y Swyddog Adrannol - Trwyddedu, Bwyd a Diogelwch fod DAH wedi methu dod i'r cyfarfod ac ni dderbyniwyd esboniad ganddo.

Penderfynodd yr aelodau ystyried y mater yn absenoldeb DAH.

Gofynnodd aelodau gwestiynau i'r swyddogion a ymatebodd yn  briodol.

Penderfynwyd:

1)    Ystyried y mater yn absenoldeb DAH; a

2)    Gwrthod cais DAH i adnewyddo'r drwydded i yrru cerbyd hacni a hurio preifat. 

Rheswm dros y penderfyniad

Roedd y pwyllgor o'r farn nad oedd DAH yn berson addas a phriodol am ei fod yn anonest pan gafodd ei drwydded gan nad oedd wedi datgan ei euogfarn ddiweddar ac ni chafwyd esboniad boddhaol gan DAH oherwydd ei absenoldeb.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â chais TAA am drwydded gyfyngedig i yrru cerbyd hacni a hurio preifat.

Gofynnodd yr aelodau gwestiynau i'r swyddogion a ymatebodd yn briodol.

Esboniodd TAA y sefyllfa mewn perthynas â'r mater ac atebodd gwestiynau gan aelodau.

Penderfynwyd:

1)    Cymeradwyo cais TAA am drwydded gyfyngedig i yrru cerbyd hacni a hurio preifat am 12 mis; ac

2)    O fewn 3 mis ar ôl cymeradwyo'r drwydded, bydd meddyg teulu TAA yn cyflwyno cadarnhad ysgrifenedig i'r Is-adran Drwyddedu sy'n nodi bod TAA yn parhau i fodloni Safonau Meddygol Grŵp 2;

3)    Gofyn i TAA gyflwyno tystysgrif feddygol foddhaol flynyddol i'r awdurdod trwyddedu cyn adnewyddu'r drwydded.

Nodwyd y diweddaraf am y camau gweithredu uniongyrchol.