Agenda a Chofnodion

www.swansea.gov.uk/disclosuresofinterests

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiannau canlynol:

Cynghorydd

Y Cynghorydd C Anderson – Personol – Cofnod rhif 12 – Deddf Cydraddoldeb 2010 – Teithwyr mewn Cadeiriau Olwyn - Cais am Dystysgrif Eithrio - WCS - Rwy'n adnabod yr ymgeisydd. Gadawodd y Cynghorydd Anderson cyn i'r eitem gael ei hystyried.

Swyddog

Samantha Woon – Personol – Cofnod rhif 14 – Deddf Llywodraeth Leol (Darpariaethau Amrywiol) 1976 – Gyrrwr Bathodyn Deuol – Rwy'n adnabod yr ymgeisydd.

PENDERFYNWYD bod cofnodion cyfarfodydd y Pwyllgor Trwyddedu a gynhaliwyd ar 21 Ebrill a 25 Mai 2017 yn gofnod cywir.

PENDERFYNWYD NODI y cylch gorchwyl.

Cyflwynwyd adroddiad gan y Swyddog Adrannol - Trwyddedu, Bwyd a Diogelwch a oedd yn manylu ar newidiadau arfaethedig i ffïoedd gweithredwyr hurio preifat.

Manylodd ar yr wybodaeth gefndir, y newidiadau dadreoleiddio, y sefyllfa bresennol, y ffïoedd arfaethedig, a'r goblygiadau ariannol a chyfreithiol.

Gofynnodd yr aelodau gwestiynau i'r swyddog a ymatebodd yn briodol.

PENDERFYNWYD CYMERADWYO A HYSBYSEBU y ffïoedd arfaethedig.

Cyflwynwyd adroddiad gan y Swyddog Adrannol - Trwyddedu, Bwyd a Diogelwch a oedd yn cynnig newid ffïoedd cerbydau hacni a hurio preifat.

Manylodd ar yr wybodaeth gefndir, yr ystyriaethau, y ffïoedd arfaethedig, a'r goblygiadau ariannol a chyfreithiol.

Gofynnodd yr aelodau gwestiynau i'r swyddog a ymatebodd yn briodol.

PENDERFYNWYD CYMERADWYO A HYSBYSEBU y ffïoedd arfaethedig.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel y nodir ym mharagraff gwahardd 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel y nodir yn yr adroddiad.

PENDERFYNWYD y dylid gwahardd y cyhoedd ar gyfer yr eitemau busnes canlynol.

(SESIWN GAEËDIG)

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â TAA.

Manylodd yr achwynydd, SC, yng nghwmni partner SC a dau gynrychiolydd o Guide Dogs Cymru, ar amgylchiadau'r digwyddiad ac atebodd gwestiynau'r aelodau.

Esboniodd TAA amgylchiadau'r digwyddiad ac atebodd gwestiynau'r aelodau.

PENDERFYNWYD y dylid cyflwyno llythyr rhybudd cryf ynghylch ymddygiad yn y dyfodol.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas ag WJG, ac atebodd gwestiynau'r aelodau.

Esboniodd WCS amgylchiadau'r cais ac atebodd gwestiynau'r aelodau.

PENDERFYNWYD CYMERADWYO cais WJG am dystysgrif eithrio am gyfnod amhenodol.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas ag ALR.

Esboniodd ALR amgylchiadau'r collfarnau ac atebodd gwestiynau'r aelodau.

PENDERFYNWYD GWRTHOD cais ALR i adnewyddu'r drwydded gyrru cerbydau hacni a hurio preifat.

Rheswm dros y Penderfyniad

Roedd y pwyllgor o'r farn nad oedd ALR yn berson addas a phriodol.

Roedd y pwyllgor yn ystyried bod natur y collfarnau'n fwy na thramgwyddau dibwys. Oherwydd nifer y collfarnau, roedd y pwyllgor yn credu bod angen camau gweithredu pellach i ddiogelu teithwyr.

Ar ôl clywed esboniadau ALR am y collfarnau, roedd yr aelodau'n teimlo nad oedd ALR yn gweithredu'n groes i'w gymeriad ac y byddai'n parhau i anwybyddu'r rhwymedigaethau i gydymffurfio â'r gofynion cyfreithiol eraill a ddisgwylir.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â SJH.

Darllenodd y cyfreithiwr a oedd yn cynghori'r pwyllgor lythyr gan gyfreithwyr SJH a roddodd eglurhad o ran y gollfarn.

Esboniodd MJW amgylchiadau'r collfarnau ac atebodd gwestiynau'r aelodau.

PENDERFYNWYD gohirio'r mater, yn amodol ar dderbyn mwy o wybodaeth gan feddyg SJH.

Dywedodd y Swyddog Adrannol - Trwyddedu, Bwyd a Diogelwch nad oedd NDTD yn bresennol ac nid oedd wedi esbonio pam nad oedd yn bresennol na cheisio gohirio'r mater.

Rhoddodd y cyfreithiwr a oedd yn cynghori'r pwyllgor gyngor ar y weithdrefn.

Manylodd y Swyddog Adrannol - Trwyddedu, Bwyd a Diogelwch ar yr wybodaeth gefndir mewn perthynas â NDTD.

PENDERFYNWYD  

Y dylid ymdrin â'r mater yn absenoldeb NDTD; ac y

Dylid DIDDYMU'r drwydded cerbyd hacni a hurio preifat.

Rheswm dros y Penderfyniad

Penderfynodd y pwyllgor nad oedd NDTD yn berson addas a phriodol oherwydd methiant NDTD i gydymffurfio â cheisiadau niferus a wnaed gan yr Is-adran Trwyddedu i gyflwyno gwybodaeth.

Nododd yr aelodau fod NDTV wedi cael 3 phwynt cosb yn ystod yr amser roedd y swyddogion wedi bod wrthi'n ceisio cysylltu â NDTV ac roedd wedi methu rhoi gwybod i'r swyddogion am hyn.

Ni fodlonwyd yr aelodau nad oedd NDTD yn gweithredu'n groes i'w gymeriad nac y byddai'n cydymffurfio â gofynion yn y dyfodol. Felly, roedd yn peri risg i ddiogelwch teithwyr.