Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cytuno bod cofnodion y Pwyllgor Trwyddedu Cyffredinol a gynhaliwyd ar 7 Gorffennaf 2023 yn gofnod cywir.

Gofynnwyd i'r Pwyllgor wahardd y cyhoedd o'r cyfarfod er mwyn iddo ystyried yr eitemau busnes a nodwyd yn argymhellion yr adroddiad ar y sail eu bod yn debygol o ddatgelu gwybodaeth eithriedig fel a nodir ym mharagraff gwahardd 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad.

Ystyriodd y pwyllgor Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitemau busnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitemau busnes canlynol.

(Sesiwn Gaeëdig)

Adroddodd y Rheolwr Gwasanaeth fod AJ wedi gwneud cais am ohirio'r mater a manylodd ar y rhesymau dros y cais.

Penderfynwyd:

1) Caniatáu cais AJ am ohiriad.

Ymatebodd y Cyfreithiwr a oedd yn cynghori'r Pwyllgor i gwestiwn gan aelod.

Ymatebodd y Cyfreithiwr a oedd yn cynghori'r Pwyllgor i gwestiwn gan Mr W.

Esboniodd MRD, yng nghwmni Mr W, yr amgylchiadau mewn perthynas â'r mater ac atebodd gwestiynau'r aelodau.

Yn dilyn cais gan Mr W, darllenodd y Cyfreithiwr a oedd yn cynghori'r Pwyllgor eirdaon mewn perthynas ag MRD.

Penderfynwyd:

1)    Rhoi rhybudd i MRD ynghylch ei ymddygiad yn y dyfodol.

Manylodd y Rheolwr Gwasanaeth ar y cefndir mewn perthynas â JLC.

Dywedodd fod JLC wedi gofyn i'r mater gael ei drafod yn ei absenoldeb.  Ar ben hynny, cyfeiriodd at lythyr a gyflwynwyd gan JLC yr oedd wedi gofyn i'r pwyllgor ei ystyried.

Darllenodd y Cyfreithiwr a oedd yn cynghori'r pwyllgor fersiwn wedi'i golygu o'r llythyr.

Gofynnodd yr aelodau gwestiynau i'r swyddogion a ymatebodd yn briodol.

Penderfynwyd:

1)    Caniatáu cais JLC i'r mater gael ei drafod yn ei absenoldeb.

2)    Gwrthod cais JLC am ganiatáu trwydded i yrru cerbyd hacni a hurio preifat.

Rheswm dros y Penderfyniad

Roedd y Pwyllgor yn ystyried nad oedd JLC yn berson addas a phriodol na diogel ac addas.