Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

1)            Datganodd y Cynghorwyr A Pugh a Mark Thomas gysylltiad personol â Chofnod 72 “Penodiadau Llywodraethwyr yr Awdurdod Lleol”.

2)            Datganodd y Cynghorwyr R Francis-Davies a D H Hopkins gysylltiad personol a rhagfarnol â chofnod 72 "Penodiadau Llywodraethwyr yr Awdurdod Lleol" a gadawsant y cyfarfod cyn i'r eitem gael ei hystyried.

3)            Datganodd y Cynghorydd R V Smith gysylltiad personol a rhagfarnol â chofnod 72 "Penodiadau Llywodraethwyr yr Awdurdod Lleol" a dywedodd ei fod wedi cael goddefeb gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

4)            Datganodd y Cynghorwyr M C Child, R Francis-Davies, A S Lewis a R C Stewart gysylltiad personol a rhagfarnol â Chofnod 73 "Prydles arfaethedig i Gyngor Cymuned y Mwmbwls dan y Polisi Trosglwyddo Asedau Cymunedol" a gadawsant y cyfarfod cyn i'r eitem gael ei hystyried.

5)            Datganodd y Cynghorydd Mark Thomas gysylltiad personol â Chofnod 79 “Adborth ar Graffu Cyn Penderfynu – Adroddiad Rheoli i roi’r diweddaraf ar Faes Awyr Abertawe” a Chofnod 80 “Adroddiad Rheoli i roi’r diweddaraf ar Faes Awyr Abertawe”.

6)            Datganodd y Cynghorydd A H Stevens gysylltiad personol a rhagfarnol â Chofnod 79 “Adborth ar Graffu Cyn Penderfynu – Adroddiad Rheoli i roi’r diweddaraf ar Faes Awyr Abertawe” a chofnod 80 “Adroddiad Rheoli i roi’r diweddaraf ar Faes Awyr Abertawe” a gadawodd y cyfarfod cyn i'r eitem gael ei hystyried.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod a restrir isod fel cofnod cywir:

1)           Cyfarfod y Cabinet a gynhaliwyd ar 21 Hydref 2021.

a)           Parc Sglefrio. Datganiad o Gysylltiadau

Dywedodd Arweinydd y Cyngor na fyddai'n cymryd rhan yn yr eitem oedd ar ddod yn ymwneud â Pharc Sglefrio'r Mwmbwls, yn dilyn cyngor gan y Swyddog Monitro.

Mae’n rhaid i gwestiynau gael eu cyflwyno’n ysgrifenedig, erbyn ganol dydd fan bellaf ar y diwrnod gwaith cyn y cyfarfod. Rhaid bod y cwestiynau’n ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Cyflwynodd Jason Williams cwestiwn mewn perthynas â Chofnod 73 "Prydles Arfaethedig i Gyngor Cymuned y Mwmbwls dan y Polisi Trosglwyddo Asedau Cymunedol".

Ymatebodd y Cynghorydd David Hopkins.

Cyflwynodd y Cynghorwyr L R Tyler-Lloyd a Will Thomas cwestiwn mewn perthynas â Chofnod 73 "Prydles Arfaethedig i Gyngor Cymuned y Mwmbwls dan y Polisi Trosglwyddo Asedau Cymunedol".

Ymatebodd y Cynghorydd David Hopkins.

Cyflwynodd Aelod y Cabinet dros Newid yn yr Hinsawdd a Thrawsnewid Gwasanaethau adroddiad a oedd yn rhoi'r wybodaeth ddiweddaraf am y cynnydd yn dilyn yr Adroddiad "Datganiad Argyfwng Hinsawdd – Adolygiad Polisi a Chamau Gweithredu Arfaethedig" i'r Cabinet ym mis Tachwedd 2020.

Penderfynwyd:

1)            Cymeradwyo’r cynnig i ehangu'r gwaith i gynnwys Newid yn yr Hinsawdd a Natur a newidiadau dilynol i lywodraethu. 

2)            Cymeradwyo’r Strategaeth Newid yn yr Hinsawdd a Natur 2021-2030 (Atodiad 2 yr adroddiad) a dylid dirprwyo awdurdod i Ddirprwy Arweinydd y Cyngor (Aelod y Cabinet dros Newid yn yr Hinsawdd a Thrawsnewid Gwasanaethau) ynghyd â'r Cyfarwyddwr Lleoedd i wneud newidiadau pellach.

3)            Cymeradwyo’r gwaith cefnogi pellach sydd ei angen i ddatblygu'r Strategaeth tymor hwy ac ymdrechu tuag at garbon sero-net erbyn 2050 ar gyfer Abertawe.

4)            Datblygu’r gwaith i barhau i adrodd am allyriadau drwy'r cyngor

Cymeradwyo’r fethodoleg cyfrifo allyriadau carbon gyda'r goblygiadau cysylltiedig a nodir yn yr adroddiad.

Cyflwynodd Aelod y Cabinet dros Wella'r Amgylchedd a Rheoli Isadeiledd adroddiad a oedd yn gofyn am gymeradwyaeth ar gyfer Strategaeth Toiledau Cyhoeddus Abertawe a'r cynnydd ar y cynllun gweithredu.

Penderfynwyd:

1)            Cymeradwyo Strategaeth Toiledau Cyhoeddus Abertawe.

2)            Nodi'r cynnydd hyd yma a chymeradwyo'r camau gweithredu ar gyfer cyflawni yn y dyfodol a dirprwyir awdurdod i'r Cyfarwyddwr Lleoedd ac Aelod y Cabinet dros Wella'r Amgylchedd a Rheoli Isadeiledd i ddiwygio neu newid y cynllun cyflawni.

Cyflwynodd Aelod y Cabinet dros Wella Addysg, Dysgu a Sgiliau adroddiad a oedd yn gofyn am gymeradwyaeth ar gyfer y cytundeb cyfreithiol i sefydlu partneriaeth addysg ranbarthol newydd.

Penderfynwyd:

1)            Cymeradwyo'r cytundeb cyfreithiol drafft (sydd wedi'i atodi yn Atodiad A yr adroddiad) i sefydlu cyd-bwyllgor ar gyfer partneriaeth addysg ranbarthol newydd a adwaenir fel y Bartneriaeth i gefnogi'r gwaith o gyflawni gwelliannau i ysgolion.

2)            Cymeradwyo penodiad Arweinydd y Cyngor fel aelod o'r cyd-bwyllgor.

3)           Dirprwyo'r swyddogaethau hynny sy'n angenrheidiol i gefnogi'r gwaith i wella ysgolion yn ardal y cyngor a'r rhanbarth, gan gydnabod a derbyn y bydd y cyngor a'r awdurdodau lleol eraill yn y rhanbarth yn cadw cyfrifoldeb statudol am berfformiad ysgolion, ynghyd â'r cyfrifoldeb dros arfer pwerau statudol, ymyrryd a threfnu ysgolion yn eu priod feysydd i'r cyd-bwyllgor.

4)            Cymeradwyo sefydlu Grŵp Cynghorwyr Cyd-bwyllgor Craffu ar sail y cylch gorchwyl a nodir yn y cytundeb cyfreithiol fel y'i diwygiwyd o bryd i'w gilydd.

5)            Dirprwyo awdurdod i'r Cyfarwyddwr Addysg mewn ymgynghoriad â'r Prif Swyddog Cyfreithiol ac Aelod y Cabinet dros Wella Addysg, Dysgu a Sgiliau i wneud unrhyw ddiwygiadau angenrheidiol pellach i'r cytundeb cyfreithiol ac awdurdodi'r Prif Swyddog Cyfreithiol i ymrwymo i'r cytundeb ar ran y cyngor ynghyd ag unrhyw ddogfennau cyfreithiol ategol sy'n angenrheidiol i hwyluso'r gwaith o greu a gweithredu'r bartneriaeth newydd.

6)            Cymeradwyo'r ddarpariaeth gwasanaethau gan y Bartneriaeth i gynghorau nad ydynt yn bartïon i'r cytundeb cyfreithiol, sef Cyngor Bwrdeistref Sirol Castell-nedd Port Talbot, Cyngor Sir Ceredigion a Chyngor Sir Powys yn unol â chymal 14 y cytundeb cyfreithiol gydag awdurdod wedi'i ddirprwyo i Gyd-bwyllgor y Bartneriaeth i gytuno ar y telerau y mae gwasanaethau o'r fath i'w darparu’n unol â hwy.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn gofyn am gymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd ar y canlynol:

1)           Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Wella Addysg, Dysgu a Sgiliau:

Cyflwynodd Aelod y Cabinet dros Gyflawni a Gweithrediadau adroddiad a oedd yn gofyn am gymeradwyaeth i gyd-drafod Penawdau Telerau a chytuno arnynt ac ymrwymo i brydles gyda Chyngor Cymuned y Mwmbwls ar gyfer tir yn Llwynderw at ddiben adeiladu a rheoli parc sglefrio newydd ar y safle.

Penderfynwyd ar y canlynol:

1)            Nodi'r ymatebion i ganlyniadau'r broses ymgynghori o dan ddeddfwriaeth mannau agored cyhoeddus a gynhaliwyd mewn perthynas â'r tir a nodwyd yn Atodiad A (cynllun safle) yr adroddiad. Darparu copi llawn o'r ymatebion a gafwyd, a phob un o'r rhai sy'n gwrthwynebu, yn cefnogi neu'n darparu sylw niwtral fel Atodiad F o'r adroddiad, a darparu crynodeb cyffredinol yng nghorff yr adroddiad.

2)            Cymeradwyo'r bwriad i werthu'r tir i Gyngor Cymuned y Mwmbwls ar lefel o danbrisio sy'n dderbyniol i'r Cabinet ac yn seiliedig ar gyngor Pennaeth y Gwasanaethau Eiddo. Dirprwyo awdurdod i Bennaeth y Gwasanaethau Eiddo gyd-drafod a phenderfynu ar delerau'r brydles arfaethedig y tir a nodir yn Atodiad A (cynllun safle) yr adroddiad a dirprwyo awdurdod i'r Prif Swyddog Cyfreithiol er mwyn cwblhau'r ddogfennaeth gyfreithiol.

3)            Gwneud gwelliannau i'r safle yn unol â'r cyfeirnod caniatâd cynllunio cysylltiedig 2019/2345/FUL a roddwyd ar 13 Chwefror 2020 ar gyfer gosod Parc Sglefrio newydd ym Mharc Sglefrio West Cross, Mumbles Road, Blackpill, Abertawe.

Cyflwynodd Aelod y Cabinet dros Newid yn yr Hinsawdd a Thrawsnewid Gwasanaethau adroddiad a oedd yn darparu manylion y Rhaglen Grant Cyfleusterau i'r Anabl a'r Grant Gwella yn 2021-22 a gofynnodd am gymeradwyaeth i drosglwyddo'r gyllideb o'r Grant Cyfleusterau i'r Anabl (GCA) i Gronfa Gyffredinol Cyfalaf y Cyngor a'r Grant Mân Addasiadau ac o gyllideb Grant Tasglu'r Cymoedd i gyllideb Grant Cymoedd y Gorllewin. Cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf), i ymrwymo ac awdurdodi cynlluniau yn ôl y Rhaglen Gyfalaf.

Penderfynwyd :

1)            Cymeradwyo trosglwyddo £1,210,000 o gyllideb y Grant Cyfleusterau i'r Anabl i Gronfa Gyfalaf Gyffredinol y Cyngor.

2)            Cymeradwyo trosglwyddo £307,000 o'r Grant Cyfleusterau i'r Anabl i gyllideb y Grant Mân Addasiadau.

3)            Cymeradwyo trosglwyddo £105,000 o gyllideb Grant Cartrefi Gwag Tasglu'r Cymoedd i gyllideb Cartrefi Gwag Tasglu Cymoedd y Gorllewin.

Cyflwynodd Aelod y Cabinet dros Wella Busnes a Pherfformiad adroddiad gwybodaeth a gyflwynodd adroddiad blynyddol Ombwdsmon Gwasanaethau Cyhoeddus Cymru.

Cyflwynodd Aelod y Cabinet dros Wella'r Amgylchedd a Rheoli Isadeiledd adroddiad a oedd yn ceisio cadarnhau’r dyraniad grant Diogelwch Ffyrdd gan Lywodraeth Cymru a chynnwys y gwariant yn y rhaglen gyfalaf ar gyfer 2021/22.

Penderfynwyd:

1)            Cadarnhau’r dyraniad grant Diogelwch Ffyrdd o £219,100 a bydd y gwariant yn cael ei gynnwys yn y rhaglen gyfalaf ar gyfer 2021/22.

Cyflwynodd Aelod y Cabinet dros Wella'r Amgylchedd a Rheoli Isadeiledd adroddiad a oedd yn ceisio cadarnhau’r dyraniad grant Llwybrau Diogel mewn Cymunedau gan Lywodraeth Cymru a chynnwys y gwariant yn y rhaglen gyfalaf ar gyfer 2021/22.

Penderfynwyd:

1)            Cadarnhau’r dyraniad grant Llwybrau Diogel mewn Cymunedau o £283,200 a bydd y gwariant yn cael ei gynnwys yn y rhaglen gyfalaf ar gyfer 2021/22.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes y nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel y nodir yn yr adroddiad.

Penderfynwyd gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Darparodd y Cynghorydd C A Holley yr adborth cyn penderfynu mewn perthynas â'r Adroddiad Rheoli ar Faes Awyr Abertawe.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd Aelod y Cabinet dros Gyflawni a Gweithrediadau adroddiad a oedd yn rhoi'r wybodaeth ddiweddaraf am y gweithgareddau rheoli ystadau presennol ym Maes Awyr Abertawe.

Penderfynwyd cymeradwyo'r argymhellion, fel y'u hamlinellir yn yr adroddiad.

Cyflwynodd Aelod y Cabinet dros Wella'r Amgylchedd a Rheoli Isadeiledd, adroddiad a oedd yn gofyn am gymeradwyaeth i ddyfarnu contract tymor canolig ar gyfer trin a gwaredu gwastraff na ellir ei ailgylchu (mewn sachau du).

Penderfynwyd cymeradwyo'r argymhellion, fel y'u hamlinellir yn yr adroddiad.