Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

1)            Datganodd y Cynghorydd L S Gibbard gysylltiad personol a rhagfarnol â Chofnod 87 "Penodiadau Llywodraethwyr yr Awdurdodau Lleol" a gadawsant y cyfarfod cyn ei ystyried.

2)            Datganodd y Cynghorydd R V Smith gysylltiad personol a rhagfarnol â chofnod 87 "Penodiadau Llywodraethwyr yr Awdurdod Lleol" a dywedodd ei fod wedi cael goddefeb gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

3)            Datganodd y Cynghorwyr M C Child a A H Stevens gysylltiad personol â Chofnod 90 "Cynllun Rheoli AoHNE Gŵyr 2021/22 – Cynnig Cyllid CNC”.

4)            Datganodd y Cynghorwyr L S Gibbard a R V Smith gysylltiad personol â Chofnod 95 “Adborth ar Graffu Cyn Penderfynu - Caffael ac ailddatblygu prydles FPR7 - 279 Stryd Rhydychen / 25-27 Princess Way” a Chofnod 96 “Caffael ac ailddatblygu prydles FPR7 - 279 Stryd Rhydychen / 25-27 Princess Way”.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod a restrir isod fel cofnod cywir:

1)           Cyfarfod y Cabinet a gynhaliwyd ar 18 Tachwedd 2021.

Ni wnaed unrhyw gyhoeddiadau gan Arweinydd y Cyngor.

Mae’n rhaid i gwestiynau gael eu cyflwyno’n ysgrifenedig, erbyn ganol dydd fan bellaf ar y diwrnod gwaith cyn y cyfarfod. Rhaid bod y cwestiynau’n ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd ar y canlynol:

1)           Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Wella Addysg, Dysgu a Sgiliau:

Cyflwynodd Aelod y Cabinet dros Wella Busnes a Pherfformiad adroddiad a oedd yn amlinellu'r Perfformiad Corfforaethol ar gyfer Chwarter 2 2021-2022.

Penderfynwyd ar y canlynol:

1)            Caiff canlyniadau perfformiad Chwarter 2 2021/22 eu cymeradwyo a'u defnyddio i lywio penderfyniadau gweithredol ar ddyrannu adnoddau a, lle y bo'n berthnasol, dylid cymeradwyo camau unioni i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol.

Cyflwynodd Aelod y Cabinet dros yr Economi, Cyllid a Strategaeth adroddiad a oedd yn manylu ar fonitro cyllidebau refeniw a chyfalaf 2021/22 yn ariannol, gan gynnwys cyflwyno arbedion cyllidebol.

Penderfynwyd ar y canlynol:

1)            Nodi'r sylwadau a'r amrywiadau, gan gynnwys yr ansicrwydd materol, a nodwyd yn yr adroddiad a'r camau gweithredu sydd ar y gweill er mwyn mynd i'r afael â'r rhain

2)            Cymeradwyo'r trosglwyddiadau a nodir ym mharagraff 2.7 o'r adroddiad a'r defnydd o'r gronfa wrth gefn fel a nodir ym mharagraff 3.2 o'r adroddiad yn amodol ar unrhyw gyngor pellach i'r Swyddog Adran 151 yn ystod y flwyddyn.

3)            Atgyfnerthir yr angen i bob Cyfarwyddwr barhau i leihau gorwario ar wasanaethau yn ystod y flwyddyn, gan gydnabod mai dim ond drwy ddibynnu'n drwm ar ad-daliad tebygol (sydd ymhell o fod yn sicr), cyllidebau wrth gefn a chronfeydd wrth gefn a ddelir yn ganolog gan Lywodraeth Cymru y mae'r gyllideb gyffredinol yn cael ei chydbwyso ar hyn o bryd, a hefyd i gydnabod bod y gorwariant bron yn gyfan gwbl oherwydd pwysau COVID parhaus a ragwelir yn fras.

4)            Dylid ystyried yr opsiynau ym mharagraff 4.1 o'r adroddiad mewn perthynas â thanwariant posib ar gyfer y flwyddyn gyda chamau terfynol i'w cadarnhau yn adroddiad y trydydd chwarter ym mis Chwefror 2022.

Cyflwynodd Aelod y Cabinet dros Gyflawni a Gweithrediadau adroddiad a oedd yn ceisio cymeradwyaeth ôl-weithredol i dderbyn cynnig o gyllid gan Cyfoeth Naturiol Cymru (CNC), i gefnogi'r gwaith o weithredu Cynllun Rheoli Ardal o Harddwch Naturiol Eithriadol (AHNE) Gŵyr.

Penderfynwyd ar y canlynol:

1)            Dylid nodi'r amserlenni byr ar gyfer cyflwyno ceisiadau fel yr amlinellir ym mharagraff 2 o'r adroddiad, a derbyn y cynnig o gyllid (cyfanswm o £108,250) gan CNC, er mwyn gallu cymeradwyo Cynllun Rheoli AoHNE Gŵyr.

Cyflwynodd Arweinydd y Cyngor adroddiad a oedd yn rhoi'r wybodaeth ddiweddaraf am weithredu Cyd-bwyllgor Corfforaethol De-orllewin Cymru yn unol â Deddf Llywodraeth Leol ac Etholiadau (Cymru) 2021 a gofynnodd am gymeradwyaeth lle bo hynny'n berthnasol ar gyfer cyfranogiad Cyngor Dinas a Sir Abertawe ("y cyngor).

Penderfynwyd ar y canlynol:

1)            Nodi'r ffrydiau gwaith presennol sy'n gysylltiedig â Chyd-bwyllgor Corfforaethol De-orllewin Cymru a'r gwaith sy'n cael ei wneud ar hyn o bryd gan Swyddogion i hwyluso gwaith o'r fath.

2)            Dylid nodi'r dyraniad o gyfrifoldebau gweithredol a'r cynigion a nodir ym mharagraff 3.2 o'r adroddiad.

3)            Dylid nodi'r cynnig o ran sut y bydd Cyd-bwyllgor Corfforaethol De-orllewin Cymru a'r gwahanol is-bwyllgorau'n cael eu sefydlu.

4)            Dylid nodi'r cynigion ar gyfer y Cynghorwyr y cyfeirir atynt felly ym mharagraffau 4.4 a 4.5 o'r adroddiad i eistedd ar y Cyd-bwyllgor Corfforaethol a'r is-bwyllgorau a enwyd.

5)            Awdurdod yn cael ei ddirprwyo i'r Prif Weithredwr mewn ymgynghoriad ag Arweinydd y Cyngor i gytuno ar unrhyw ddogfennau sy'n angenrheidiol i weithredu gofynion yr adroddiad hwn.

Cyflwynodd Aelod y Cabinet dros Fuddsoddi, Adfywio a Thwristiaeth adroddiad a oedd yn ceisio cydymffurfio â Rheol Gweithdrefn Ariannol 7 (Rhaglennu ac Arfarniadau Cyfalaf) er mwyn neilltuo ac awdurdodi ychwanegu Cynllun Sgwâr y Castell at y Rhaglen Gyfalaf ac adrodd yn ôl ar ymgynghori â'r cyhoedd a rhanddeiliaid.

Penderfynwyd ar y canlynol:

1)            Ychwanegir cynllun Adfywio Sgwâr y Castell at y Rhaglen Gyfalaf yn unol â Rheol Gweithdrefn Ariannol 7 i symud ymlaen i gyflwyno yn ystod 2022/23.

2)            Yn amodol ar gadarnhad ffurfiol o gynnig grant, bydd y cyngor yn derbyn y cynnig o gyllid grant ac yn lleihau'r alwad yn erbyn y cyfalaf wrth gefn.

3)            Caiff incwm refeniw o'r cynllun ei neilltuo ar gyfer gwaith cynnal a chadw parhaus ac ar gyfer cronfa ad-dalu ar gyfer Sgwâr y Castell.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes y nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Cyflwynodd Aelod y Cabinet dros Fuddsoddi, Adfywio a Thwristiaeth adroddiad a oedd yn ceisio cydymffurfio â Rheol Gweithdrefn Ariannol 7 (Rhaglennu ac Arfarniadau Cyfalaf) er mwyn neilltuo ac awdurdodi ychwanegu Cynllun Sgwâr y Castell at y Rhaglen Gyfalaf ac adrodd yn ôl ar ymgynghori â'r cyhoedd a rhanddeiliaid.

Penderfynwyd cymeradwyo'r argymhellion, fel y'u hamlinellir yn yr adroddiad.

Cyflwynodd y Cynghorydd P M Black yr Adborth Craffu Cyn Penderfynu.

Gweithdrefn Galw i Mewn - yn amodol ar Graffu Cyn Penderfynu:  Mae’r penderfyniad hwn wedi'i eithrio o Weithdrefn Galw i Mewn yr awdurdod gan fod “y penderfyniad wedi bod yn destun craffu cyn penderfynu ac ni fu unrhyw newid pwysig i'r wybodaeth/dystiolaeth berthnasol”.

Cyflwynwyd adroddiad ar y cyd gan Aelod y Cabinet dros Fuddsoddi, Adfywio a Thwristiaeth ac Aelod y Cabinet dros Gyflawni a Gweithrediadau a oedd yn ceisio cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) er mwyn neilltuo ac awdurdodi ychwanegu cynlluniau newydd at y Rhaglen Gyfalaf.

Penderfynwyd cymeradwyo'r argymhellion, fel y'u hamlinellir yn yr adroddiad.