Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiad canlynol:

1)              Mynegodd y Cynghorwyr D H Hopkins, C E Lloyd a J A Raynor gysylltiad personol a rhagfarnol â Chofnod 230 "Penodiadau Llywodraethwyr yr Awdurdod Lleol” a gadawon y cyfarfod cyn iddo ddechrau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion y cyfarfod a restrir isod fel cofnod cywir:

1)              Cyfarfod y Cabinet a gynhaliwyd ar 16 Gorffennaf 2020.

Llongyfarchodd Arweinydd y Cyngor â'r Dirprwy Brif Weithredwr a'i wraig ar enedigaeth diweddar eu mab, Dewi.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Cyflwynwyd tri chwestiwn mewn perthynas â Chofnod231 "Rheol 7 y Weithdrefn Ariannol - Grantiau Cyfalaf Cronfa Teithio Llesol 2020/21".

Ymatebodd Aelod y Cabinet dros Wella'r Amgylchedd a Rheoli Isadeiledd i bob cwestiwn.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda.

Ni ofynnwyd unrhyw gwestiynau.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd:

1)              Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Wella Addysg, Dysgu a Sgiliau:

Cyflwynodd Aelod y Cabinet dros Wella'r Amgylchedd a Rheoli Isadeiledd adroddiad a oedd yn cadarnhau canlyniad y cais am arian gan y Grant Teithio Llesol (GTLl), ac a oedd yn ceisio caniatâd i'w wario ar y prosiectau cysylltiedig yn ystod 2020/21.  Roedd yr adroddiad hefyd yn ceisio cydymffurfio â Rheol 7 y Weithdrefn Ariannol, "Rhaglennu ac Arfarniadau Cyfalaf", i neilltuo ac awdurdodi cynlluniau i'r Rhaglen Gyfalaf.

Penderfynwyd ar y canlynol:

1)              Cymeradwyo'r cynlluniau GTLl ynghyd â'u goblygiadau ariannol.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes y nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd y dylid gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Cyflwynodd Aelod y Cabinet dros Gartrefi, Ynni a Thrawsnewid Gwasanaethau adroddiad a oedd yn ceisio cadarnhau cymeradwyaeth ar gyfer Model Busnes Ffotofoltäig Solar EGNI, a fydd yn darparu arbedion ariannol i ysgolion unigol. Bydd y cynllun hefyd yn helpu i ddarparu arbedion i'r cyngor ar ffurf lleihau carbon, a fydd yn sail i amcanion ynni corfforaethol yn unol â'r ymrwymiad Argyfwng Hinsawdd diweddar.

Penderfynwyd cymeradwyo'r argymhellion, fel y'u hamlinellir yn yr adroddiad.