Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiadau canlynol:

1)              Datganodd y Cynghorydd J A Raynor gysylltiad personol a rhagfarnol â chofnod 42 "Penodiadau Llywodraethwyr yr Awdurdod Lleol" a dywedodd ei bod wedi cael goddefeb gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

2)              Datganodd y Cynghorywyr R Francis-Davies a R C Stewart gysylltiad personol a rhagfarnol â chofnod 44 "Parhau â Rhanbarth Gwella Busnes (BIB) Canol Dinas Abertawe" a gadawodd y cyfarfod cyn y drafodaeth.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion y cyfarfod a restrir isod fel cofnod cywir:

1)              Cyfarfod y Cabinet a gynhaliwyd ar 19 Tachwedd 2020.

1)              Pandemig COVID-19

Nododd Arweinydd y cyngor fod y gyfradd heintio yng Nghymru ac Abertawe’n eithriadol o uchel. Roedd cyfraddau derbyn wedi cynyddu mewn ysbytai. Anogodd bawb i osgoi cymysgu ag eraill lle bo’n bosib ac aros yn ddiogel.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni ofynnwyd unrhyw gwestiynau.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda.

Ni ofynnwyd unrhyw gwestiynau.

Cyflwynodd Aelod y Cabinet dros Drawsnewid Busnes a Pherfformiad adroddiad a oedd yn amlinellu'r Perfformiad Corfforaethol ar gyfer Chwarter 1 2020-2021.

Penderfynwyd ar y canlynol:

1)              Nodi ac adolygu'r canlyniadau perfformiad i helpu i gyfeirio penderfyniadau gweithredol ynglŷn â dyrannu adnoddau a, lle bo'n berthnasol, gamau gweithredu cywirol i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol.

Cyflwynodd Aelod y Cabinet dros yr Economi a Strategaeth adroddiad a oedd yn manylu ar fonitro cyllidebau refeniw a chyfalaf 2020/2021 yn ariannol, gan gynnwys cyflwyno arbedion cyllidebol.

Penderfynwyd ar y canlynol:

1)              Nodi'r sylwadau a'r amrywiadau a nodwyd yn yr adroddiad a'r camau gweithredu sydd ar y gweill er mwyn mynd i'r afael â'r rhain.

2)              Cymeradwyo'r trosglwyddiadau a nodir ym mharagraff 2.7 yr adroddiad.

3)              Bydd y Cabinet yn parhau i bennu lefel o orwariant a ganiateir, mewn amgylchiadau eithafol, yn ystod y flwyddyn o hyd at £10m, i'w ariannu'n llawn o gronfeydd wrth gefn a glustnodwyd, fel y'u cymeradwywyd yng nghyfarfod y cyngor ar 4 Tachwedd 2020, i sicrhau bod y gyllideb gyffredinol yn parhau i fod yn gytbwys am y flwyddyn.

4)              Ni all unrhyw swyddog ystyried unrhyw ymrwymiadau gwario pellach a dylai, lle bo'n bosib, ohirio ac oedi gwariant i gynnwys a lleihau'r gorwariant tebygol a ragwelwyd erbyn diwedd y flwyddyn i'r graddau y mae hynny'n ymarferol, wrth ddarparu blaenoriaethau cytunedig y cyngor a amlinellir yn y gyllideb a gymeradwywyd.

Cyflwynodd Aelod y Cabinet dros Wella Addysg, Dysgu a Sgiliau adroddiad a oedd yn ystyried yr amserlen ddiwygiedig ar gyfer cynyddu nifer y disgyblion yn YGG Tan-y-lan a YGG Tirdeunaw a gofynnodd am gymeradwyaeth i ddiwygio'r dyddiad rhoi ar waith, fel sy'n ofynnol gan y Côd Trefniadaeth Ysgolion.

Penderfynwyd ar y canlynol:

1)              Nodi'r amserlen ddiwygiedig ar gyfer adeiladau newydd YGG Tan-y-lan ac YGG Tirdeunaw.

2)              Cymeradwyo dyddiad gweithredu diwygiedig i gynyddu nifer y disgyblion yn YGG Tan-y-lan ac YGG Tirdeunaw, rhwng 1 Ionawr 2021 a 22 Chwefror 2022.

Y Cynghorydd D H Hopkins oedd yn llywyddu

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd ar y canlynol:

1)              Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Wella Addysg, Dysgu a Sgiliau:

Cyflwynodd Aelod y Cabinet dros Wella Addysg, Dysgu a Sgiliau adroddiad a oedd yn ystyried Amrywio'r Cytundeb Cyfreithiol i alluogi darparu gwasanaethau dros dro i Gyngor Castell-nedd Port Talbot (CNPT) i ddatgan bod gweddill yr awdurdodau’n tynnu'n ôl ac er mwyn diddymu ERW.

Penderfynwyd ar y canlynol:

1)              Cytuno ar y newidiadau arfaethedig i Gytundeb Cyfreithiol ERW i hwyluso darpariaeth gwasanaethau y cytunwyd arnynt i ysgolion Castell-nedd Port Talbot yn ystod 2020/21 (fel y nodir yn y Weithred Amrywio drafft - Atodiad 1 yr adroddiad).

2)              Cytuno ar y newidiadau arfaethedig i Gytundeb Cyfreithiol ERW er mwyn:

(i)              Hwyluso diddymu/terfynu Consortiwm ERW.

(ii)            Mynd i'r afael â rhwymedigaethau/indemniadau dilynol yr holl awdurdodau presennol (a blaenorol).

(iii)           Hwyluso lleihau’r cyfnod hysbysiad o dynnu'n ôl i 3 mis (fel y nodir yn y Weithred Amrywio drafft - Atodiad 1 yr adroddiad).

3)              Dirprwyo awdurdod i'r Prif Swyddog Cyfreithiol a'r Cyfarwyddwr Addysg Dros Dro i wneud unrhyw newidiadau angenrheidiol i'r Cytundeb Cyfreithiol (mewn ymgynghoriad â phartneriaid eraill ERW) a dechrau ymwneud ag unrhyw ddogfennaeth sy'n angenrheidiol i roi unrhyw un o'r argymhellion yn yr adroddiad hwn ar waith ac i ddiogelu buddiannau'r cyngor.

Cyflwynodd Aelod y Cabinet dros Gyflawni a Gweithrediadau adroddiad a oedd yn ceisio cadarnhad ynghylch a oedd y cyngor am barhau i gefnogi Cynllun Rhanbarth Gwella Busnes (BID) Canol Dinas Abertawe ac i nodi'r goblygiadau i'r cyngor.

Penderfynwyd ar y canlynol:

1)              Cefnogi’r broses pleidleisio dros adnewyddu’r Rhanbarth Gwella Busnes (BID) a gwaith y BID os caiff pedwerydd tymor ei sicrhau a’i gefnogi.

2)              Mae'r Cyfarwyddwr Lleoedd yn goruchwylio ffurflenni pleidleisio’r BID ar ran yr awdurdod.

3)              Rhoi'r awdurdod i'r Prif Swyddog Cyfreithiol ymrwymo i Gytundebau Lefel Gwasanaeth rhwng y BID a'r cyngor.

4)              Rhoi'r awdurdod i'r Cyfarwyddwr Lleoedd aildrafod prosiectau'r BID er mwyn sicrhau'r manteision mwyaf posibl i'r cyngor ac effaith gadarnhaol ar ganol y ddinas.

Cyflwynodd Aelod y Cabinet dros Wella'r Amgylchedd a Rheoli Isadeiledd adroddiad a oedd yn ceisio cadarnhau'r Rhaglen Ychwanegol ar gyfer Gwaith Cyfalaf ar gyfer asedau isadeiledd priffyrdd ac i gydymffurfio â Rheol 7 y Weithdrefn Ariannol i glustnodi ac awdurdodi cynlluniau.

Penderfynwyd ar y canlynol:

1)              Cymeradwyo'r dyraniadau dangosol arfaethedig a'u cynnwys yn y Rhaglen Gyfalaf.

2)              Dirprwyo awdurdod i Bennaeth y Gwasanaeth Priffyrdd a Chludiant ar y cyd ag Aelod y Cabinet dros Wella'r Amgylchedd a Rheoli Isadeiledd i flaenoriaethu, cwblhau a dyrannu'r arian i'r cynlluniau priodol yn unol â'r ymagwedd flaenoriaethu a nodwyd yn yr adroddiad.

Cyflwynodd Aelod y Cabinet dros Fuddsoddi, Adfywio a Thwristiaeth adroddiad a oedd yn darparu diweddariad ac yn gofyn am awdurdodiad cyllidebol i fynd ati i neilltuo ac awdurdodi prosiect i'r Rhaglen Gyfalaf gan gydymffurfio â Rheol 7 y Weithdrefn Ariannol

Penderfynwyd ar y canlynol:

1)              Cymeradwyo uchafswm ffigur cyllidebol o hyd at £2,880,000 ar gyfer adeiladu, ffioedd a chynlluniau wrth gefn ac y dylid cynnwys y ffigur yn y Rhaglen Gyfalaf.

Cyflwynodd Aelod y Cabinet dros Wella'r Amgylchedd a Rheoli Isadeiledd adroddiad a oedd yn gofyn am gymeradwyaeth i wneud cais am arian grant cyfalaf a refeniw o ddwy o Gronfeydd yr Economi Gylchol Llywodraeth Cymru ar gyfer blwyddyn ariannol 2020-21 ar gyfer pedwar prosiect atgyweirio/ailddefnyddio.

Penderfynwyd ar y canlynol:

1)              Cymeradwyo cyflwyno ceisiadau am arian i Gronfa’r Economi Gylchol Llywodraeth Cymru ar gyfer Blwyddyn ariannol 2020-21 i gefnogi:

i)                Sefydlu Caffi Atgyweirio a Llyfrgell Pethau yn Siop Ailddefnyddio'r Cyngor.

ii)              Sefydlu Caffi Atgyweirio Symudol.

iii)             Sefydlu rhwydwaith atgyweirio beiciau mewn partneriaeth â Chanolfan yr Amgylchedd.

iv)             Gwelliannau i atgyweirio ac ailddefnyddio drwy bartneriaeth â'r sector preifat a'r 3ydd Sector.

2)              Ar ôl cymeradwyo unrhyw un o'r grantiau, ychwanegu'r cynlluniau at raglen y cyngor yn unol â FPR7 a rhoi'r awdurdod dirprwyedig i  Aelod y Cabinet dros Wella'r Amgylchedd a Rheoli Isadeiledd a'r Cyfarwyddwr Lleoedd i neilltuo’r gwariant cyfalaf perthnasol.

Y Cynghorydd R C Stewart (Cadeirydd) oedd yn llywyddu

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes y nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Cyflwynodd Aelodau'r Cabinet dros Gyflawni a Gweithrediadau a Buddsoddi, Adfywio a Thwristiaeth adroddiad ar y cyd a oedd yn gofyn am gymeradwyaeth ar gyfer telerau diweddaredig caffael eiddo mewn perthynas  â'r adroddiad gwreiddiol a gymeradwywyd yng nghyfarfod y Cabinet ar 20 Mehefin 2019.

Penderfynwyd cymeradwyo'r argymhellion, fel y'u hamlinellir yn yr adroddiad.

Cyflwynwyd adroddiad ar y cyd gan Aelodau'r Cabinet dros Gyflawni a Gweithrediadau a Buddsoddi, Adfywio a Thwristiaeth a oedd yn ceisio cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) er mwyn neilltuo ac awdurdodi ychwanegu cynlluniau newydd at y Rhaglen Gyfalaf.

Cyfeiriodd Arweinydd y Cyngor at yr wybodaeth ychwanegol a ddosbarthwyd.

Penderfynwyd cymeradwyo'r argymhellion, fel y'u hamlinellir yn yr adroddiad.