Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

1)             Datganodd y Cynghorydd R V Smith gysylltiad personol a rhagfarnol â Chofnod 99 "Penodiadau Llywodraethwyr yr Awdurdod Lleol", a dywedodd ei fod wedi cael gollyngiad gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

2)             Datganodd y Cynghorydd Cyril Anderson gysylltiad personol a rhagfarnol â Chofnod 99 "Penodiadau Llywodraethwyr yr Awdurdodau Lleol" a gadawodd y cyfarfod cyn ei ystyried.

3)             Datganodd Huw Evans, Pennaeth y Gwasanaethau Democrataidd gysylltiad personol a rhagfarnol â Chofnod 99 "Penodiadau Llywodraethwyr yr Awdurdodau Lleol" a gadawodd y cyfarfod cyn ei ystyried.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir:

1)             Cyfarfod y Cabinet a gynhaliwyd ar 21 Rhagfyr 2023.

Ni wnaed unrhyw gyhoeddiadau gan Arweinydd y Cyngor.

Gellir cyflwyno cwestiynau’n ysgrifenedig i’r Gwasanaethau Democrataidd Democratiaeth@abertawe.gov.uk hyd at ganol dydd y diwrnod cyn y cyfarfod. Bydd cwestiynau ysgrifenedig yn cael eu blaenoriaethu.Gall y cyhoedd ddod a gofyn cwestiynau’n uniongyrchol os bydd amser. Rhaid i gwestiynau fod yn berthnasol i’r eitemau ar ran agored yr agenda ac ymdrinnir â nhw o fewn cyfnod o 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd Cadeirydd Pwyllgor Trawsnewid Gwasanaethau Corfforaethol a Chadernid Ariannol adroddiad a oedd yn ceisio cymeradwyaeth a mabwysiadu'r fframwaith Siarter Cwsmeriaid a Safonau Gwasanaeth.

Penderfynwyd:

1)             Cymeradwyo a mabwysiadu'r Fframwaith Siarter Cwsmeriaid a Safonau Gwasanaeth a nodir yn Atodiad A o 1 Ebrill 2024.

2)             Dirprwyo awdurdod i'r Cyfarwyddwyr ac aelod perthnasol y Cabinet i wneud unrhyw fân newidiadau i'r Safonau fel sy'n briodol ac mewn ymgynghoriad ag Aelod y Cabinet dros Wasanaethau a Pherfformiad Corfforaethol (Dirprwy Arweinydd ar y Cyd) ac Aelod y Cabinet dros Drawsnewid Gwasanaethau (Dirprwy Arweinydd ar y cyd y Cyngor).

Cyflwynodd Cadeirydd Pwyllgor Trawsnewid Gwasanaethau Corfforaethol a Chadernid Ariannol adroddiad a oedd yn ceisio mabwysiadu'r Polisi Cydgynhyrchu.

Penderfynwyd:

1)             Mabwysiadu'r Polisi Cydgynhyrchu.

Cyflwynodd Aelod y Cabinet dros Ddiwylliant, Hawliau Dynol a Chydraddoldeb adroddiad a oedd yn gofyn am gymeradwyaeth i gyhoeddi Adolygiad Cydraddoldeb Blynyddol y cyngor ar gyfer 2022/23 yn unol â Dyletswydd Cydraddoldeb y Sector Cyhoeddus a'r rheoliadau adrodd ar gyfer Cymru.

Penderfynwyd:

1)             Cymeradwyo cyhoeddi cynnwys yr adroddiad.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr awdurdod lleol ar gyrff llywodraethu ysgolion.

Penderfynwyd:

1)             Cymeradwyo'r enwebiadau canlynol a argymhellwyd gan y Cyfarwyddwr Addysg ar y Cyd ag Aelod y Cabinet dros Addysg a Dysgu:

Cyflwynodd Aelod y Cabinet dros Addysg a Dysgu adroddiad a oedd yn argymell model cyflwyno diwygiedig ar gyfer Uned Cyfeirio Disgyblion Maes Derw (UCD) yn dilyn cyfnod ymgynghori. Roedd yr adroddiad hefyd yn ceisio awdurdod dirprwyedig i roi'r newidiadau gofynnol ar waith yn dilyn y cyfnod ymgynghori.

Penderfynwyd:

1)             Cytuno ar y model newydd arfaethedig sydd wedi’i ddatblygu, yn dilyn cyfnod o ymgynghori â Phwyllgor Rheoli Uned Cyfeirio Disgyblion Maes Derw a rhanddeiliaid perthnasol eraill, fel model cyflwyno gwasanaethau addysg heblaw yn yr ysgol yn y dyfodol.

2)             Dirprwyo awdurdod i Bennaeth y Gwasanaeth Dysgwyr Diamddiffyn ar y cyd ag Aelod y Cabinet dros Addysg a Dysgu i wneud y newidiadau gweithredol arfaethedig a chynnal unrhyw ymgynghoriadau staffio pellach sydd eu hangen ac adolygu a mireinio’r model yn barhaus fel rhan o fusnes fel arfer.

Cyflwynodd Aelod y Cabinet dros Addysg a Dysgu adroddiad a oedd yn amlinellu canlyniad yr ymgynghoriad a cheisiodd gymeradwyaeth i gyhoeddi hysbysiad statudol i uno Ysgol Pen-y-Bryn ac Ysgol Crug Glas yn un Ysgol Arbennig ym mis Medi 2025 ac adleoli i ysgol newydd a adeiladwyd i'r diben gan gynyddu nifer y lleoedd o fis Ebrill 2028.

Penderfynwyd:

1)             Cyhoeddi hysbysiad statudol ar y cynnig i gyfuno Ysgol Pen-y-bryn ac Ysgol Crug Glas yn un ysgol arbennig ym mis Medi 2025 ar safleoedd presennol a symud i ysgol newydd a adeiladwyd i'r diben gan gynyddu nifer y lleoedd o fis Ebrill 2028.

2)             Bydd unrhyw wrthwynebiadau a dderbynnir yn ystod y cyfnod hysbysu yn cael eu hystyried gan y Cabinet a bydd canlyniad y cynnig yn cael ei bennu yng nghyfarfod y Cabinet ar 18 Ebrill 2024.

Cyflwynodd Aelod y Cabinet dros Drawsnewid Gwasanaethau adroddiad a oedd yn darparu manylion ynghylch Polisi Lleithder a Llwydni arfaethedig newydd ar gyfer eiddo'r cyngor. Mae'n ofyniad gan Lywodraeth Cymru fod gan bob darparwr llety cymdeithasol bolisi o'r fath. Mae'r polisi'n amlinellu sut mae'r awdurdod yn atal lleithder a llwydni, sut mae'n ymateb i adroddiadau o leithder a llwydni a'r amserlenni ar gyfer ymchwilio i'r achosion hyn a'u trin.

Penderfynwyd:

1)             Cymeradwyo'r Polisi Lleithder a Llwydni.

Cyflwynodd Aelod y Cabinet dros yr Economi, Cyllid a Strategaeth, Aelod y Cabinet dros Drawsnewid Gwasanaethau, ac Aelod y Cabinet dros yr Amgylchedd ac Isadeiledd adroddiad ar y cyd a oedd yn ceisio cymeradwyaeth menter y Fargen Ddinesig i lofnodi cytundebau sy’n galluogi Isadeiledd Dinas Glyfar ar oleuadau stryd a chelfi stryd eraill.

Penderfynwyd:

1)             Cymeradwyo llofnodi cytundebau i alluogi isadeiledd Dinas Glyfar ar oleuadau stryd a chelfi stryd eraill.

2)             Dirprwyo awdurdod i'r Cyfarwyddwr ac aelod perthnasol y Cabinet i gyflwyno rhagor o isadeiledd yn dilyn y cam cychwynnol.